اليوم الجو كان بيجننو مناسب كتير لباربيكيو .. بصراحه و بدون لف و دوران بابا كان محضر من الظهر يعمل باربيكيو لحمه و كفته و دجاج و سلطه و حمص و باباغنوج و بطاطا مقليه ويختملنا اياها بشاي كرك عالفحم.. شهيتكم صح؟؟
بس انا شو عملت ...
اولا : سرقت شويه لحمات من تبعون ابوي
و فرمت بصلتين و شويه ثوم و قرن فلفل أخضر حر و قشرت بندوره كتير و قطعتها
ثانيا: جبت صاج و حطيته عالفحم و حطيت فيه زيت زيتون و قليت فيه البصل و الثوم والفلفل و بعدين حطيت عليهم اللحمات و حطيتلهم ملح و فلفل اسود و خليتهم يتقلبوا شوي و بعين أضفت البندوره و غطيت عليهم شي 5 دقايق و بسسسسسسسسسسسسس.....
بتعرفوا شو صار... خربت الباربيكيو تبع ابوي
الكل نزل باللحمه تبعتي و نسي كل المينيو اللي بابا من الظهر يحضرها .. مسكين .. بس يا حرام ما زعل لانه هو كمان نزل معاهم بطبختي الطيبه
الروابط المفضلة