بسم الله الرحمن الرحيم

يا صبايا اليوم جايبتلكم وصفه طيبه كتيييير جربوها و ما رح تندموا
المقادير:
2 دجاج منظف من غير تقطيع
ملح
بهار
مسترد
علبة لبن
كاتشاب
زيت

يتبل الدجاج بالمقادير السابقة من الداخل والخارج و تحت الجلد و تحفظ بالثلاجة .. يفضل ان تتبل قبل بليله علشان تتشرب النكهه مظبوط

ثاني يوم توضع في صينيه للفرن و يوضع معها كاسه ماء و ورق غار و ليمونه مقطعه علشان الزفر و تغطى بالالمنيوم من جميع الجهات مع مراعاة انه القصدير ما يلمس جلد الدجاجه علشان ما يلصق فيه و بالتالي ينشال الجلد مع القصدير
توضع في فرن حرارته 200 لمدة ساعه و نص و بس نطلعها من الفرن بتكون محمره و لونها بيشهي (انا لما اشيل القصدير بتكون الدجاجه تحمرت بدون ما يكون في داعي اكشف عنها القصدير) و بنقدمها مع الرز بكبدة الدجاج اللي طريقته
بصله
كبده دجاج
زبيب
ملح
رز مصري مغسول و منقوع
زيت
بهارات مشكله و مكعبين ماجي

الطريقة:
بصله كبيره بنقطعها ناعم ناعم و بنقليها في تقريبا فنجان زيت و بنضيف عليها كيلو كبدة دجاج منظف و مقطع و مغسول
بنقلبهم مع بعض لحد ما تحمر الكبده شوي
بنحط عليها ملعقة ملح و ملعقة بهارات مشكله و ملعقة فلفل اسود و ملعقة قرفه ناعمه و مكعبين ماجي و فنجان قهوه زبيب و نحرك شوي بعدين بنحط عليهم 4 كاسات ماء و اربع ملاعق ملح للرز و بنخليهم يغلو و اول ما يغلوا بنضيف الرزبعد ما نصفيه و بنخلي يغلي غلوه و بنوطي عليه عالاخير لحد ما يتفلفل الرز و يبطل في صوت ماي بقاع الطنجره
بنصب الرز في صحن كبير و بنحط الدجاج على الوجه و بنصفي مرقة الدجاج و بنحطها بصحن على جنب (واللي بده بيحط من المرقه عالرز والدجاج)
جربوها وادعولي عطوني رايكم يا صبايا و انا بانتظار ارائكم

يسلمو ايديكي يا رنا اكلة لذيذة و بنفس الوقت مفيدة و مغذية..يعطيكي الف عافية

يسلموووووووووووووووووووووووووووا

رنا .. ي ارنا
اللي بيغيب بيجيب الأكلات الطيبة برجعته..

تسلم الايادي يا رنا..
راح اعملها عن قريب ان شاء الله تعالى..
تفضلي وجيبي معك مخلل رنا الشهير.