بسم الله الرحمن الرحيم

صينية السمك بالخضروات و الليمونأولا الكمية حسب رغبتك
ثانيا نوع السمك زى ما تحبى أنا شخصيا بأفضل اللوت و بتكون سمكة واحدة كبيرة لحمها رائع
المكونات :
سمك لوت / 2 حبة بطاطس / 2 جزر / فلفل رومى / طماطم / بصلة / ثوم مفرى / ليمون / عصير ليمون / ملح / فلفل / كمون / كسبرة ناشفة / قليل من ملح الليمون / قليل من الزيت
الطريقة :
* يغسل السمك جيدا و يفضل ترك السمك سليم ( صحيح )
* يدق الثوم مع الملح و الفلفل و الكمون و الكسبرة و ملح الليمون ثم يخلط بجزء من عصير الليمون ويتيل به السمك و يترك جزء من هذه التتبيلة للخضروات
* تقطع الخضروات ترنشات و تقلب بالتتبيلة السابقة أو ترش عليها التوابل و تقلب جيدا( عدا الليمون و الطماطم )
* ترص الخضروات فى صينية فرن ثم توضع فوقها السمكة و يوضع فوقها ترنشات الليمون و الطماطم بشكل جمالى
- يفتح النفس يعنى -
* يرش الزيت على الوجه ثم تغطى بورق ألومنيوم ( فويل ) ويثقب ثقوب متباعدة
* تدخل الصينية فرن ساخن و تترك حتى تنضج مع مراعاة أن يفتح عليها بعد 1/3 ساعة و تسقى السمكة بالسائل المستخرج منها و تكرر هذه العملية حتى تنضج السمكة و بالهنا و الشفا

أتمنى أن يكون هذا طلبك يا أم سلم و أى حاجة أنا تحت أمرك

ماما بنبونة

تسلم ايدك ياحبيبتي هو دا برده العشم وياريت تقوليلي ايه نوع السمك اللي ينفع مع الصينية علشان هاروح اشتريه بالاسم انا اصلي مش باعرف اوي في الانواع يعني البلطي والبوري والمكرونة البورسعيدي هما دول بس اللي باعرفهم بس قوليلي اسماء السمك اللي استعمله مع الاكلة دي ولو قدرتي قبل الخميس يكون كويس علشان اعملها يوم الجمعة تبقى تغيير
شكر ياجميل وفي انتظار المزيد وياريت نخلي الموضوع دا خاص باكلات السمك بس

عيني عليك يا ام نادر
خليتين اشتهي صينية السمك عالصبح
خلاص حضري الغدا
انا في الطريق.....................

سلمت الايادي يا بنبونة..

أم سلمى الحبوبة

أنا كتبة نوع السمك إللى بأفضله فى هذه الصينيه وهو اللوت

وعموما هتلاقيه فى هيبر وان و أحيانا بيعمل عليه عرض بيكون سعره 19 جنيه

و السمكة وزن 1,5 ك : 2 ك بتكون حلوة قوى و معقوله

جربيه و هيعجبك إن شاء الله

وعودة حبيبتى
تسلمى ياقمر و الغدا جاهز

و نحن فى الإنتظار ........

تعرفى يا وعودة أحلى حاجة عجبتنى فى المنتدى إيه ؟

إن البنات هنا مش بيعرفوا النفاق و مؤمنين بإن العين بتاكل قبل الفم

يعنى الموضوع إللى بالصور بسم الله ما شاء الله الردود لا تعد و لا تحصى

و إللى بدون يــــا الــله ....... و فى منتديات أخرى كثيرة تجدى الردود على أى حاجة و لو بكلمة واحدة

وطبعا هذا مش نفاق و لكنه من باب المجامله

يعنى تعرفى أنا لى يومين كاتبه صينية السمك وحتى 79 قارئة دخلت ما فى واحدة حتى من باب المجامله

ردت حتى و قالت إنها مش بتحب السمك

على فكرة ماتقوليش طيبة يا بنبونة ولا حاجة أنا مش زعلانة طبعا ديه حريه شخصية و الأكل أمزجة زى ما بيقولوا

بس إللى ملحظاه إن بعض البنات بتشتكى من التجاهل و بيعتبروا إن هذا التجاهل لإنهم جداد أو ليس لديهم كاميرات

للتصوير و بيقولوا كتير ما فيش حد يقول حاجة

عموما علشان ما أتفهم غلط أنا كتبت هذه الوصفة لأم سلمى لإنها طلبتها منى و أنا فضلت أكتبها فى هذا الركن

لكى تعم الفائدة وطبعا أنا واثقة من نفسى و من وصفاتى لإنى زى ما إنت عارفة أنا بأعمل إيه

و كمان هاوية وغاويه

لك تحياتى يا مشجعانى و جابرة بخاطــــــرى

ماما بنبونة
انا فعلا اسفة اني اتاخرت شوية في شكرك على الصينية دي بس والله انا كان عندي كدة حالة كابة حتى في الموضوع بتاعنا بانادي عليكي باعلى صوتي علشان انا كنت فعلا محتاجة نصيحة منك بس الحمد لله اهي فرجت وعدت الازمة ولو انها ممكن تتكرر لان اسبابها مازالت قائمة هي بس انفراجة كدة مؤقتة وربنا يكرم اللي كانت السبب في هذه الانفراجة
وانا اسفة كمان اني باقول الكلام دا في موضوع خاص بالاكلات اللذيذة بتاعت حضرتك ياماما بس انا لما قريت ردك حسيت فعلا انه يمكن يكون فيه تقصير مني في الشكر خصوصا انك ياحبيبتي ماتاخرتيش وفتحتي موضوع مخصوص وكمان مسمياه باسمي ......... ياخبر ابيض دا فعلا قصرت في حقك ياحبيبتي معلشي المرة دي بقى ياماما
انا فعلا من مرتادي هيبر وان واجي عند السمك والاقي اسامي كدة بصراحة انا مش واخدة عليها ممكن تكون حلوة بس مش عارفة اعملها مقلية والا مشوية والا فيلية والا صينية بس انا كدة خلاص هاخد بالي لو رحت قبل الخميس علشان اشتري السمك اللي حضرتك قولتي عليه واعملها ولو طلعت مش اد كدة يبقى العيب فيا طبعا لكن الوصفة جميلة واللي وصفتها اجمل

صباح الفل يا أم سلم
أشكرك يا جميل على هذا الكلام الجميل ده
وعلى فكرة أنا عارفة إنك مشغوله
و إللى أنا قلته مش ليك ديه لفتة نظر للبنات لإنى زى ما قلت لا حظت إن بنات كتير بتكتب وما فيش حد بيعطيها أى إهتمام و شكرا لك على إهتمامك

الحمد لله انك مش بتقصديني ومادام اتصافينا بقى عايزة اسالك انتي ليه دايما تكتب ام سلم مع اني ماخلفتش سلالم خالص كل خلفتي اسانسيرات

بنبونة.. ما تخديش في بالك بس صدقي لما وةالحدة بتعوز وصفة بتدخل تدور عليها وبتنسى تعلق او تشكر صاحبة الموضوع
وبعدين كله لله تعالى .. اللي عند بتفيدي فيه واجرك على الله
ياما وصفات متعوب عليها ما فيش كلمة شكر واحدة..
خليك كووووووووووووووول
وقولي لي طابخة ايه النهاردة
احسن البارحة كان في اغلاق كامل وما قدرتش اعدي من رفح لمصر؟؟؟؟ ههههه

ليه يا وعودة مع إن الميناء البرى بيقولوا بقى جميل
عموما النهارده أنا عند أمى و نفسها تاكل فته
بس مافيش شوربة و إقترحت عليها شوربة النيل تفتكرى تنفع ؟؟؟؟