كتبت بواسطة بنبونة

السلام عليكم ورحمة الله وبركاته
أتمنى أن تعجبكم أطباق الفول
و هى بمناسبة قرب شهر رمضان الكريم
( أعاده الله علينا جميعا باليمن و البركات )
وطبعا إحنا ما عندناش مائدة بتخلو من طبق الفول خاصة فى السحور
منتظرة ردكم و سوف أكمل لكم باقى أطباقنا الشعبية إن شاء الله
إنتظرونى

و عليكم السلام و رحمة الله و بركاته
اللهم أمين يا رب العالمين
بجد والله يا بنبونايه أحلى من كده ما شفتش
ما شاء الله
لااااااااااا و خصوصاً الطعميه بنتحرم منها طول شهر رمضان على فكره الطعميه مش بتحبني(ههههه) بس إخوتاتي إللي بيموتوا فيها و بيكون نفسهم فيها في رمضان
يلا بقى أعملهالهم و أخليهالهم مفاجئه و إنت يا جميل إن شاء الله ليكي الثواب

والله بجد إني سكره أوي

إحنا مستنيين أهه باقي أكلك الجميل

يلا سلام لأحلى بنبونايه

كتبت بواسطة امجاد الخليج

السلام عليكم ورحمة الله وبركاته
عسسسل يناااس عسل والله انتم عسل يبنوتات مصر دمكم خفيف وبذات مشمش ايه خفت الدم دي يبنت دنتي اشطه ايه رايكم بعرف اتكلم مصري زيكم ولا ايه انا اختكم من السعوديه يحلوات دخلت على قسمكم عجبني خفت دمكم وطريقتكم بالاكلات الجنان
يحلوكن لو كلكن جاراتي بالعماره كان يسلام نعمل عمايل ونقعد نرغي كتير وننسى الاكل على النار ويتحرق
يعسولات انتم ممكن سوال انا سمعت هنا بيتردد كلمه ممبار ومن زمان عاوزه اعرف ايش هوه وايش بيسموه بسعوديه اذا ممكن
واتمنى تقبلوني بركن الجميل وتقبلو تحياتي

و عليكم السلام و رحمة الله و بركاته
أهلا بيكي يا قمر و منوره الركن و إحنا إتشرفنا بيكي و بوجودك معانا هنا
بص يا جميل الممبار ده إللي هوااااااااااااااااااااااااا((من غير قرف كده ولا بتاع)) هو أمعاء البقر و الجاموس بس طبعاً بعد التنظييييييييييييييييييييييييييييييييييييييييييييف

هااااااااااااااااااا دلوقتي فهمتيها ولاااااااااااااااا؟؟؟؟؟؟
يلا بقى شدى حيلك معانا و علمينا كده حاجه كده سعوديه

بسم الله الرحمن الرحيم
السلام عليكم ورحمه الله وبركاته

صبــــــــــــــــــــــــــــــــــاح العسسسسسسسسسسسسسسل على عيون الغالين
صباااااااح الفل يا بنبونايه ايه الشطاره دى انا مااقدر على كده شكلك عاوزه تنافسى مطاعم التابعى الدمياطى يممممممممم يمممممممممم الفووول رهيب بس نعمل ايه فى القولون الله يخرب بيته مانعنى اشوف الفول حتى بس تسسسسسسلم ايدك يا قمر بجد رهيبه

مشششششششموشه اوعى تكلمينى تانى انتى لطشتى الموضوع منى انا عارفه وما صدقتى اقولك بروح افطر على شان تكوشى على المرحوم لوحدك بنت اللون الاخضر ده ما يفكرك بحاجه ؟؟؟

عبوووووره يا سيده المعجنات الاولى فى ؟؟؟؟؟اممممممممممم معرفش بيتكم فين على العموم خليها فى طنطا وخلاص تسلم ايدك وخلاص هجر ب المذكوره اعلاه ابو بيره واقولك

شــــــــــــــــــــــذى يا سكره ازييييك يا بنوته قشطه عليكى صباح الفل

بسم الله الرحمن الرحيم

امجـــــــــــــــــــــــــــــــــــــااد الخلــــــــــــيج
حياكى الله يا غاليه نورتى الركن بوجودك معنا كان ودنا نسوى معك الواجب لكن تعرفين الركن ما فيه لا قهوه ولا تمر عندنا شاهى كشرى اشرايك بكاسه شاى بنعناع

شوفى يا قمرى بخصوص الممبار اقولك ايش هو وانتى على طول راح تعرفينه
هووووووغمضى عيونك اول
(((( العصـبان تعرفينها او اقولك اسمها الثانى المَغـاضِـيف

شوفتى المُغضـاف الى يسونه من المصران الملفوف مع الكرش ونسويه مع المندى والمظبى تعرفينه صح

اهو الممبار هو نفسه المصران الى نلفها مع الكرش والشحم فى المندى
عرفتى ايش هو الممبار ولا اشرح بعد يختى مصراان او فوارغ اختارى الاسم الى يعجبك

أمجاد العزيزة

أهلا بك معنا و منورة الركن

إن شاء الله الأخت مريومة تكون أفادتك و إتضحت الأمور

هايله يا مريومة

ما كنتش أعرف إنك بتتكلمى لغات

بصراحة أنا ما عرفتش أقول لها إيه لإن شذى كانت ردت و قالت إللى كنت هأقوله

و قلت أبقى أسئل حد يعرف لغات علشان أقول لأمجاد

أشكرك بس خليكى قريبة مننا كده دايما علشان تسعفينا بالترجمة

لك تحياتى

صبااح الفل يا احلى بنبوناااااااااااااااايه فى الدنيا ولا يهمك يا قمر انتى قولى جزر بس وتلاقينى قدامك وقت الزنقه

شكرا جزيلا لكل الا خوات الي ردو على استفساراتي ويربي اكون متعبتكم معاي

شكر خاص للاخت شذى على الرد على
وشكر كمان للاخت جريحه على التوضيح الا كثر من رائع يبنت دنتي بتعرفي المندي كذا اممممممممم

السلام عليكم ورحمة الله وبركاته

ايه ده دا الموضوع باين عليه كبير كبير اوي .. قال وانا اللي كنت جاية ابص بصة قال الاقي الموضوع 34 صفحة يالهوي

عموما هما دول بنات مصر الحلوين دايما متجمعين ومتحمسين ونشيطين انا الصراحة قريت بس اول اربع صفحات وبعدين جيت اسلم عليكم واقلكم تسلم ايديكم على الاكلات المصرية الجميلة والله يعطيكم العافية

طبعا ان شاء الله هاجي اكمل باقي طرق الرز واللي بعد الرز وشايفة هنا بنبونة عاملة فول لزوم السحور بس كل يوم كام صفحة يعني لا اروح اعملهم انقلاب في المطبخ هههههههه

منورة يا بنبونة الموضوع وان شاء آجي أحطلكم أكلة مصرية حلوة وهيا الكشري الاسكندراني بس يا رب ما يكون حد حطوووا عموما انا هاقرى كل الموضوع قبل ما اشارك ولكم كل الحب والتحية

وخلي بالكووووووووو انا عاملة ريجيم يعني بصراحة وانا هنا بقاوم مقاومة رهيبة اغراء روائح أجمل الاكلات المصرية

صباح الخيرات يا حبيباتى عاملين ايه النهارده
شذى وحشانى انتى اكتررررررررررررررر والله عامله ايه واخبارك ايه
وبعدين هو كل اما ادخل مالاقيكش كده
انا بادعى الله الاقيكى وادردش معاكى كتيييييييييييييييييييييييييييييير جدا

مساء الورد .. يا ورد
معلش طالبة مساعدة تانية منكم
عندي كمية من الرنجة ازاي اخزنها..
باتعبكم معايا .. بس انت كرما وانا .. اعتقد اني باستاهل.