الى بنات العراق ممكن طريقة عمل القيمة النجفية ?

**HAPPY_BA6A** · 20-08-2005, 10:41 AM

الى بنات العراق ممكن طريقة عمل القيمة النجفية ?

ممكن المقادير و طريقة عملها ?
لان زوجي يحبها و انا ماعرف اسويها ..

**sea cat** · 20-08-2005, 10:44 AM

وأنا بعد ودى بالطريقه

**وعود الخير** · 20-08-2005, 02:23 PM

بطة مسكتك
زوجك يحبها وانت اكيد راح تتذوقيها
اقول بطتنا الحلوة
اليوم السبت .. والا نسيتي؟؟؟؟؟؟؟؟

**HAPPY_BA6A** · 20-08-2005, 02:25 PM

آآآآآآآآخ منج يا وعود الخير .. حبيبتي انا زوجي يحبها و بسويها له .. امي تسويها لنا من زمان بس انا مو كلش احبها احسها ثقيلة على قلبي .. انا احب الاكلات الخفيفة مثل المحاشي و المكرونا بالبشاميل و البرياني ..
ههههههههههههههههههه
هذول الاكلات بالنسبة لي خفيفة ..

**الحنونه2006** · 20-08-2005, 03:32 PM

السلام عليكم
حبيبتي القيمة طريقتها سهلة
اول شي اتنقعين حمص من اليل و بعدين اتدقي بس مو مرة ناعم
بعدين اتقطعين بصل و تحمسي على النار وبعدين اتحطين اللحم المفروم او اللحم الشرح بدون عظم وتقليهم مع بعض و بعدين اتحطين الحمص و البهارات و اهم شي الهيل و القرفة و الفلفل الاسود بس اتكثرين منهم و بس واذا تبيها حمرة اتحطين معجون طماطة و طماطة مهروسة واذا تبيها صفرة متحطين شي بس مس وممكن كركم شويه

**HAPPY_BA6A** · 21-08-2005, 08:57 AM

يا حنونة على المساعدة ..

و طريقتج كلش سهلة لعد ليش امي معقدة الامور ?

تريد تفهما انها تتعب من تطبخلنا عشان نعرف قيمتها ههههههههه

شكرا حبيبتي و اني احب افرم اللحم ناعم يطلع اطيب مو ..? شكرا

**وعود الخير** · 21-08-2005, 12:12 PM

تسلمي يا حنونة
تعلمت منك طبخة جديدة اتمنظر فيها على زوجي
راح اطبقها ان شاء الله تعالى

بطتنا .... مبروك يلا .. للمطبخ سر وانا من خلفك ..

**am abudi** · 22-08-2005, 02:06 AM

عزيزتي القيمه اهل النجف يستعملون بيها لحم مكعبات يسلقوه وبعدين يفلسوه ناعم ميستعملون الحم المثروم وباقي المقادير نفس الي ذكرتها الاخت لكن حتى تطلع نفس قيمه اهل النجف لازم بهارات خاصه بل القيمه واعتقد هاي بس موجوده في العراق والشي المهم الثاني القرفه واذا ماكو عدكم بهارات قيمه اكدر انطيج الوصفه شلون تسويها.

**اليلاس** · 23-08-2005, 12:26 PM

آني من العراق بس مو من النجف

واسوي القيمة على طريقتي الخاصة وهي نفس طريقة الحنونة من ناحية الحمص واللحم المثروم
بس البهارات انا استعمل الفلفل الاسود المطحون ورشة من بهارات الهمبركر والنومي بصرة
اهم شي النومي البصرة المطحونة تضفي عليها طعم خيااااااااااال
وانا اضع البهارات اثناء حمس اللحم مع البصل
ويضاف المعجون لهم وبعدين اضيف الماء والملح عليهم

مع العلم ان طريقة اهل النجف تختلف كثيرا فهم يستعملون اللحم المقطع مكعبات ويطرقونه بالمطرقة اثناء الطبخ
بس لا تسألوني شلون

لأني سامعة عنها وما اعرف شلون

**dudi** · 23-08-2005, 02:46 PM

تفضلي حبيبتي هذا الرابط للاكلات العراقية وبه طريقتين لعمل القيمة

ملف شامل لاشهر الطبخات العراقيه ....يم يم { ملف متجدد }

اتمنى اذا عندك اكلات عراقية تضيفيها للملف لكي يكون شامل للاكلات والطبخات العراقية المميزة
ولك كل الشكر والامتنان
وبس ردت اكولك اليوم غدانا قيمة وتمن بالزعفران
تفضلي يمنا