السلام عليكم ورحمة الله وبركاته
اليوم حابة شارككم بالفريكة ان شاء الله تعجبكم
المقادير المقادير لشخصين
كوب فريكة
لحم او دجاج حسب الرغبة
ملعقة كبيرة سمنة
ملعقة كبيرة زبدة مقطعة رقائق
2/1 2 كوب مرقة دجاج او لحم حسب الاختيار
ملح فلفل بهارات
للتزيين
كاجو
لوز صنوبر
بزاليا مقلاة ( بتعطي طعم طيب)

الطريقة
نسلق اللحم او الدجاج حسب الطريقة المتعارف عليها بعد تنظيفه
ننظف الفريكة جيدا عن طريق غسلها بالماء عدة مرات و نصفيها
نضع السمنة على النار وبعد ما تحمى نضيف الفريكة
ونقلبها مدة ربع ساعة مع اضافة قطع الزبدة
نضيف المرقة الساخنة (يجب ان تكون في درجة الغليان) ونتركها ربع ساعة على نار قوية نخفف النار جدا و نضع غطاء صوف فوقها مدة ساعة على الاقل
وقبل التقديم تقلى المكسرات و البازلاء و توضع فوقها
يجب مراعاة عدم تحريك الفريكة طوال مدة كمرها بالغطاء
تقدم مع سلطة اللبن بالخيار او اي سلطة عادية
و صحة و هنا

ماشاء الله تبارك الله
عندي سؤال اختي الكريمة ماهي الفريكة وكيف يكون طعمها والله اول مرة اشوفها، ياريت تصوريها قبل الطبخ كمان اذا ما عليك كلافة.
واللحم شكله يشهي كيف ياترى طبختيه فقط سلق عادي؟ بدون ان تشوحيه على النار؟ وما هي البهارات اللي استعملتيها
جزاج الله كل خير يالطيبة

اهلين اختي المتسننة بالنسبة للفريكة هي من الحبوب المعروفة بلاد الشام
طعمتها مابعرف يعني هي فريكة
ما بعرف كيف بدي اوصفها بحسها ازكى شوي من الرز واطعم و الدنيا ازواق
اللحم بغسل منيح و بعدين بغلي مي و بحطه فيها و بتركه 10- 15 دقيقة لتروح الزفرة و بعدين بحطه بمي مع بصلة وليمونة و هيل وحب كمون وحب فلفل و قرفة و جوزة الطيب و زنجبيل و قرنفل و ورق غار و وحدة لومي و ملح وبرفعه على النار ليستوي مع ملاحظة غسله بعدغليه اول مرة
البهارات اللي بالفريكة هي قرفة جوزة الطيب هيل فلفل طبعا مطحونين مع بعض
شكرا على المرور

يم يم..انا بموت بلفريكة كيف ما كانت.
يعطيكي العافية..روعة

والله معك حق يا shahdmylife الفريكة لا يعلى عليها شكرا لمرورك

ياسلااااااااااااااااااام


شهيتيني اختي كثير ولو اني ما سويتها من قبل

بس من شكلها لذيذ

الله يبارك هالأيادي

تستحق التميز اختي رورو

السلام عليكم ورحمة الله وبركاته
الله يجزيك كل خير على التميز بتعرفي كنت بالركن ومالقيت الموضوع رجعت دققت منيح ولا لقيته بالموضوع المتميز لا و مثبت بعد والله دمعوا عيوني لانو اول موضوع الي بيتثبت
فشكرا كتييييييير اختي احاسيس مرهفة

اختي رورو

موضوعك يستاهل انه يثبت طالما انه مجهودك وتصويرك وتعبك

لذلك نحن في انتظار اطباقك الجديدة

فعلا الفريكه طيبه كتير

وكانت في اخت كريمه بتسأل عن الفريكه
الفريكه في السعوديه وبدول الخليج بيسموها (فريك) وبتحصليها في بنده او في الجمعيات الكبيرة او العثيم او كارفور ومكتوب عليها بكيس شفاف (فريك) وهي مثل حبة القمح بس لونها مائل للبني على اخضرار شوي شوي بس ، وبتلاقيها من عدة شركات مثل (ياطب) و (زين) انا بنصحك تاخذي فريك (زين) لانه نضيفه وما فيها اوساخ ولا حجاره كتيره، وبتحصليها عند البقوليات جمب العدس والقمح والجريش عرفتي وين؟

وبصراحه انا سبق وحطيت بمنتدى ثاني الفريكه مع تعريف عنها وكمان كنت مسويتها وكتبت طريقتها وهي نفس طريقة الاخت الغاليه اللي كتبت الموضوع تماماً نفس الطريقة بس انا بحبها على دجاج اكتر من لحم وفي ناس بحبوها على لحم عني بحبها على الدجاج

بس الصوره عندي مش واضحه لكن معليش تسمح لي صاحبة الموضوع اني احط شوية تعريف عنها بتعرفوا كلنا بنحب الفريكه شو طيبه

اسمحي لي احط تعريف عنها عشان نعرف البنات اللي ما يعرفوها بهالاكلة الطيبة كتير اللي من اكلاتنا المفضلة ببلاد الشام سواء فلسطين او سوريا او لبنان او الاردن .

أنا زي الفريك ما بحبش شريك


مثل معروف جدا خاصه عند اهل مصر وبعض اهالي الشام، وطبعا معروف متى يستخدم هالمثل لانه واضح من المثل نفسه انه يقوله الانسان عن نفسه عندما يكون لا يحب الشركاء او عندما لا تحب الزوجة ان يشاركها زوجة ثانيه بزوجها او حتى عندما يكون طبع الانسان لا يحب الشركاء في اشياء معينة فيقول : انا مثل الفريك ما بحبش شريك ..

وكلنا يا بنات لازم نحب الفريك عشان كلنا متل الفريكه ما بنحب الشريكه خاصه بالزوج ههههههههه شو رايكم؟!

وتعني الفريكة التالي (نقلت هذا التعريف من موقع العمل والحرف)
الفريكة: يحصد القمح قبل ان ينضج وعندما يميل لون الحبوب إلى الخضرة وتصنع من السنابل (ظم –جمع – ظمة ) وتشوى في النار بطريقة لا تجعلها تحترق ثم تجمع السنابل المشوية وتفرك بلطف على طبق من القش وباليدين لينفصل الحب عن القشور، ويجفف الحب في الشمس حتى يصبح صلبا وهذا الحب الناتج يسمى الفريكة، تجرش الفريكة على الجاروشة وتخزن لأيام الشتاء .



الفريك او كما نقول لها في بلاد الشام (فريكه) هي اكلة شامية يطبخونها في بلاد الشام اما تكون ناشفه كالرز او كشوربة كما يطبخونها في الاردن شوربة الفريكه وعني لا احبها كشوربه بل احبها فريكه عادية.

وهي من أطيب الاكلات المحببة لنفسي ودائما اطبخها وهي مفيدة ايضا للجسم كثيرا لانها من القمح وأحلى ما فيها أن طعمها يطلع دسم من غير ما تضعي الدسم فيها نكهة رهيبه وطيبه جدا.


الطريقة طبعا نفس اللي ذكرتها اختنا الكريمه.


يمكن ان نأكل بجانبها لبن (زبادي) او سلطة الزبادي بالخيار.

وتمتعوا باحلى طعم لاحلى فريكه طيبه


ملاحظات:

احب اذكر لكم انه بعض انواع الفريكه تختلف عن الانواع الاخرى فبعضها بطيء النضج وبعضها سريع النضج واللي بطيئة النضج قد نحتاج لزيادة القليل من الماء لها اثناء طبخها.

احب ايضا ان أنوه لامر اخر بخصوص الفريكه بعض أنواعها يأتي فيه رمل وأحجار صغيرة كثير وبعضها يأتي نظيف يعني قليل جدا فيه الاتربة والاحجار الصغيرة ولذلك أحب أقولكم انه أنظف نوع شفته بالسعوديه متوفر بالجمعيات وبسوبرماركت بنده هو فريكه من شركة اسمها (زيـــــــــن) الكيس يكون شفاف مع البقوليات والبرغل في قسم الجمعية ومكتوب عليه بالاحمر زين هذا بنظري احسن فريكه موجودة حاليا بالسعودية من بين كل الفريكه التي جربتها فتستوي بسرعه بالاضافة انها تعتبر نظيفه فليس فيها اتربة كثيره ولا احجار او عيدان كثيرة

وخليني أذكر طريقة الغسل للفريكة أفضل:
اول شيء نضع الكمية من الفريكه في صينيه وننقيها من كل حجرة سوداء او عودة .

اما غسلها فيتم بالطريقة التالية:

نأتي بمصفاة (مشخل - غربال) ضيقة المسام يعني مثل مصفاة الطحين او غربال ومشخل الطحين ونضع فيه الفريكه بعد ان نكون نظفناها من الاحجار والاعواد نضعها بالغربال ونهزه حتى ينزل غالب الاتربة نهزه جيدا ثم نأتي بوعاء بلاستيكي اكبر من الغربال قليلا ونملأه بالماء ونضع الغربال الذي فيه فريكه فيه بحيث يغمر الماء الفريكه ونحرك بيدنا الفريكه ونرفع الغربال فنجد أن كثير من الاتربة والنقاط السوداء نزلت في الوعاء نكب الماء ونحط ماء جديد وهكذا نعيد الكره خمس مرات حتى نرى انه الماء أصبح نظيفا مع غسل الفريكه

هذه هي الطريقة الصحيحة لغسل الفريكه.


وهذه الفريكه اللي سويتها من فترة لما كتبت الموضوع بمنتدى ثاني لكن طبعا الصورة مش واضحه كتير الكاميرا تعبانه عندي وكمان على السريع صورت ما زوزقتها كتير اما الاخت ما شاء الله عليها فنانة بالديكور يا رب يوفقها

هذه صورة فريكتي بالدجاج وفعلا طمعها روووعه ودسمه من حالها لحالها