مرحبا يا حلوين.. وبالذات بنات السعوديه ياريت تساعدوني والتي بتعرف كمان..

حبيت أسألكم عن وصفة الكبسه السعوديه .. أنا بعرف أنه لها طرق عديده وأظن أنه في بعض الطرق يضيفوا الطماطم والجزر وبعض أنواع الخضراوات... بس أنا مابدي هاي الطريقه.. أنا بدي يلي بكون فيها الأرز لونه بني وتكون كبسة لحم..
تسلموا حبايبي والله يخلينا لبعض

وياريت يلي بتعرف عن البهارات الخاصه بالكبسه تعطيني مقاديرها أو تقول لي من وين ممكن أشتريها
جزاك الله خيرا

أهلين ومرحبتين يا الله معاى على المطبخ

تبينه لحم أولا أنزعى الشحم جميعه من على اللحمه أنتى عارفه علشان الدسم يعنى ما تكون الكبسه فيها

زيت كثير على طول اذا عندك جدر ضغط أسهل وأسرع وأن كان الجدر العادى مش مشكله بس وقت أطول

ضعى اللحمه وعليها جميع البهارات صحيحه مثل الهيل* القرفه*المسمار (يعنى الفلفل الأسود) فصين ثوم

الى ما ينضج اللحم قبل ما تسكرين على اللحم أملحيه

فى الجدر الرأيسى 3 بصلات كبار مفرومين فرم متوسط مع نفس البهارات الصحيحه الى حطيتيهم على اللحم

من دون زيت بالماء بخرى البصل كلماء يجف ضعى قطرات الماء الى ما يسود البصل بس بالماء وعلى نار

هادئه وبعدين ضعى الزيت وضعى اللحمه وفوقها 3طماطات منزوع نواها وشرايح ناعمه وفى المطحنه 4 فصوص الثوم وقليل من الزنجبيل والكسبره و3 فلفل الحار ويطحن ويوضع على الباقى بس على نار هادئه ثم البهارات

من صوبى أحب الكمون الناعم *الكسبره الناعمه *ليمون أسود مطحون *ماجى أثنين *وقليل من البهار المشكل
ومعجون طماط لما يتسكب الجميع أطلع اللحمه وأدخلها الفرن تتحمر وأسكب الرز وأفضل بو كاس على المرق واذا
أحتاج ماء أضع ماء اللحم نفسه وحتا يستوى أقصر على نار هادئه وأضع من فوقه اللحمه وأغلف راس الجدر
باللألمنيوم وأدخله داخل الفرن ألذ طبعا

أن شأالله وفيت بالشرح وأنا مستعده للأى سؤال

هلا اختي غزال انا باعطيكي طريقة كبستي اللي ماحد ذاقها الا وينجن عليها ويسالني عن طريقتها حتى لي صديقه جزائريه ذاقتها وانجنت هي وزوجها على مذاقها قام يطالبها بان تتعلمها مني.... هذي خوش دعايه لكبستي هههههههههههههه
بس انتبهي طبقيها مثل ماانا كاتبه زييييين بسم الله الرحمن الرحيم نبدا( هاتي قدر وحطي فيه الاتي 3 بصل مقطع مكعبات 3 فصوص ثوم مفرومات و1 طماطم حمممممرا مقطعه مكعبات ضعي الان 4مكعبات ماجي م ك ملح صيني م ص كمون ونص م ص فلفل اسود مطحونات و2م ك ملح خشن و2 م مليانه صلصه افضل صلصة العلالي وحطي بهارت عدله اللي هي قرفه + قرنفل +هيل صبي عليهن زيت وكثريه شوي واحمسيييييه حركيه وقلبيه خليه على نار هادئه لحد ماتذوب البهارات والطماطم بعد كذا اضيفي الدجاج اوقطع اللحم حركي قلبي وخليه يتسبك اذا تبين الكبسه يصير لونها بني احمسيه لحد مايحترق شووووووي اضيفي الماء الى ثلاث ارباع القدر وضعي 2 ليمون اسود عدل خلييييييه يطبخ على نار متوسطه حتى استوااااء اللحم او الدجاج ومري عليه بين فتره والثانيه لاتنسينه عشان ماتنشششششف المرقه وتخررررب الكبسه sid تكونييين منقعه 3 اكواب مليانه ارز بماء مغلي لمدة نص ساعه
وترى نوع الرز له دور كبيييير بانجاح اوفشل الكبسه انا استخدم رز المهيدب نوعه عنبر..... لان فيه نوع اخر اسمه مزه ايضا من المهيدب طلعي اللحم او الدجاج خوذي ملئ مغرفه وحطي 1 م صلصه وعصير نص ليمونه وشوييييي زيت ذره وادهني اللحم او الدجاج وحمريييه بالفرن الان الرز صفيه من المويه وضعيه على مرق اللحم بحيث تكون كمية الماء مناااااسبه للرز يعني ماهو كثيييير ولا شوووووي عشان ماتتوهقين افضل طريقه استخدمي الملعقه يعني اذا صبيتي الرز بماء اللحمه حركيه لحد مايتساوى وحطي الملعقه بالوسط بحيث تكون تتمايل شوووي معنى ذلك ان الماء مناسب اما اذا ثبتتتت بقوه معناته يحتاج الرز لقلييييل من المويه اما اذا طاحت الملعقه بالقدر معناته المويه كثثثيره فتشيلين كم مغرفه منها ذوقي المرقه لاااازم يكون الملح طالع لان الرز يمتص الملح اضيفي فلفل اخضرعدل (حبحر) حار خلي الرز بالبدايه على نار عااااليه خللك عنده لاتبعدييين لحد مايشرب الرز الماء تماما قصري عليييه فوووورا عشان مايحتررررق اذا احترق خربت عليك الكبسه sid sid وخليه على نار هاااادئه في هذه الاثناء تكونين مقطعه 4بصل وسط مكعبات ضيفي عليه زيت ذره وحطي الاتي 2 م ص ليمون اسود مطحون و1 م ص كمون و2 م ص هيل مطحون و2 م ص قرفه مطحون وم ص كركم احمسيه على نار هادئه وحركيه وقلبيه وغطيه وخليييه يتسبك لحد مايستوي البصل تماما اذاحبيتي اضيفي الزبيب على البصل ضعي البصل على وجه الرزبعد مايشرب الرز الماااء تماااما وغطيه مدة ساعه ثم صبيه اولا شيلي خلطة البصل على جنب وصبي الرز بصحن التقديم ثم زينيه بالبصل وقدميه وبالهناء والعافيه
انا افضل اذا سويتي كبسة اللحم نفس الطريقه لكن لاتحطين طماطم ولا صلصه ولا ماجي استبدليه بالماجي الابيض و 2 م ص اجي (ملح صيني) اكتفي بالبهارات العدله لاتحطين مطحونه حتى تاخذ اللون الابيض وحمري اللحم بنفس الطريقه السابقه ولك حرية الاختياار بس هاه اذا سويتيها قوليي لي رايك فيها وبالتوفييييق

تسلمي حبيبتي المن والسلوى وإن شاء الله راح أجرب الوصفه وأحكيلك كيف طلعت

تسلمي حبيبتي أم مالك بس عندي كام سؤال ولا أمر عليكي


1ما هو الملح الصيني?

2 القرفه و الهيل و القرنفل هل يكونوا مطحونين أم مثل ما هم?

3 عندما أضيف اللحم يكون مش مستوي أبدا يعني نيء?

4 بماذا أدهن اللحم بالضبط ?

5 كيف تكون كمية الماء مناسبه للأرز ? كم كوب ماء لكل كوب أرز?

تسلمي حبيبتي .. غلبتك معي

هلا اختي غزال خوذي راحتك اي استفسار انا براس الخد مه اهم شي عندي اني افيدك.......بالنسبه للملح الصيني عباره عن كيس شفاف والمسحوق لونه ابيض ناصع مكتوب عليه مونوصوديوم غلوتاميت النقي من شركة قودي انتاج اندونيسيا ومعروف باسم الاجي

بالنسبه للحم ضعيه في القدر وهو ني


بالنسبه لتحمير اللحم خوذي ملء مغرفه او اكثر شوي من مرقة اللحم وحطي عليه 1 م صلصه وشوي مصفر وعصير ليمونه وادهني اللحم وحمريه من فوق بس الى ان يشقر
القرفه والهيل والقرنفل اللي مع الكبسه عدله
اما اللي مع البصل اللي لوجه الارز مطحون
بالنسبه للارز استخدمي طريقة الملعقه مثل ماانا مبينه لك بالطريقه واهم شي تنقعينه بالماء الحار مدة نصف ساعه قبل وضعه في مرقة اللحم واسسسسسسفه على التاخير

تسلم إيديكي يا أم مالك .. أنا شفت الملح الصيني في السوبر ماركت بس ماكنت متأكده أنه هو ..

إن شاء الله راح أجرب الكبسه قريب وأحكيلك شو صار معي ...