الفريكه مع الرز

المقادير

كاستين فريكه مغسوله ونظيفه

كاسة رز بسمتي

دجاجه او اكتر (زي ما تحبي )

الطريقه

قطعي الدجاج عادي واسلقيه عادي كمان شيليه من الشوربه وادهنيه زبده

ورشة ملح هيك بيكون جاهز للتحمير

الان الرز البسمتي انقعيه حوالي عشر دقائق بس

اقلي كمية بصل كتيره يعني راسين كبار بصل جوانح

وحطي عليهم المرقه مع هيل وفصين مستكه وشوية فلفل اسود ورشة عصفر

طبعا البصل تقليه بالزيت او سمنه بيطلع اطيب

المهم انا باحط المرقه بالنظر لما تغلي حطي مكعب ماجي

اغسلي الفريكه والرز وحطيهم في الشوربه يعني يكونوا مغمورين

لما يغلوا هدي النار واتركيهم بدهم حوالي ربع ساعه او اكتر شوي

بتعرفي انهم استووا لما يتشربوا خلاص (في ناس بيعملوها بس فريكه لكن انا باحط كاسة الرز عشان يطلع مفلفل

يعني ما بيخبص

المهم حمري الدجاج واقلي لوز وصنوبر وعالوجه

قدميها مع لبن وخيار كمان طيبه

صحه وهنا

هلا أم الأفكار غمرتينى بالأطايب يا أختى شو هذا ،، والله تقريباً نفس طريقتى الإختلاف فقط فى البهارات
طبعاً وكنت مفكرة حالى مخترعاها وناوية نزلها تسلمى على الطبق الشهى فعلا وأنصح الصبايا يجربوه لسببين إنه من أم الأفكار الزينة وإنه فعلا شهى ومفيد كمان...
سلام و جزاك الله كل خيـــــــــــــــــر

الله يسعدك يا جبل النور والنور كله

انا باسويها من زمان مع الرز

تحياتي لغزه واهلها

يا ستي اهل غزة بيسلموا عليك
وبيقولوا لك شرفينا بزيارة

على فكرة هاي نفس طريقتي بس باعملها صينية بالفرن بس باستعمل الرز الامريكي الاصفر..
يمممممييييي شو طيبة

يسلموا الأيادي يا ام الافكار

الله يسعدك يا وعود

الله يوعدنا بزيارة غزه قولي امين

تحياتي

آمين آمين .. آمييييييييييييييييييييييييين

تسلم أيدك أم الأفكار ..
والله يعافيك ..

الله يعطيك ألف ومليون عافية .. شكلها بيشهي .. خصوصاً إني من عشاق الفريكة .. بس إحنا طريقتنا غير ..
اما مفلفلة لحالها .. أو على الطريقة الحلبية بتكون فريكة مفلفلة وفوقها طبقة رز ابيض مفلفل وطبقة بازيلاء مسلوقة ومكسرات .. يميميمي ما أطيبها وبتنعمل باللحمة والدجاج بس بالدجاج أطيب ..

وإنشاءالله راح أجربها وأخبرك بالنتيجة ..

الاخوات ام ايموني ومسامرة النجوم

الف صحه وهنا على قلوبكم

فينك يا مسامرة النجوم غبت وطولت علينا وحشتينا