بسم الله الرحمن الرحيم انا ضيفه جديده واول مره اشارك
اليوم جايبه لكم طريقة معكرونه بالبيشاميل .. اكيد اكثركم عارفينها .. بس لأني اسويها حلوه كثير قلت بكتب لكم
طريقتها

المقادير:معكرونه اي نوع تفضلين اسلقيها عادي بماي وملح وصفيها
للحشوه:
بصل مفروم
طماطم مقطع
لحم مفروم
3 ملاعق صلصه طماطم
رشة فلفل اسود
رشة ليمون اسود ناشف
ملح
البيشاميل :
5 ملاعق طحين
زيت
لتر حليب
3 ملاعق كبيره جبنة كاسات
بيضه ورشة فلفل وملح

الطريقه :حمري البصل في الزيت وضيفي اللحم وقلبيه لحد مايستوي و ضيفي الطماطم و قلبيها لحد ماتذوب وضيفي
الصلصه والبهارات .


حضري صينية فرن وحطي نصف كمية المعكرونه و بعدين فوقها الحشوه و حطي المكرونه الباقيه فوقها


سخني الزيت وضيفي الطحين قلبيه لحد ماتطلع ريحته بعدين ضيفي الحليب بالتدريج وحركيه مضرب الكيك
لحد ماتتفتت الكتل ويثقل قوامه
بعد ماتطفي النار ضيفي 3 ملاعق جبنة كاسات وحركيها بسرعه وضيفي البيضه واخلطيها زين
وصبي البيشاميل على المكرونه ودخليهااا الفرن و شغلي عليها الشوايه من فوق لحد مايحمر السطح ..

واذا حبيتي تحافظين على شكلها.. بعد ماتقطعينها خليها بالصينيه لحد ماتفتر شويه بعدين نزليها بالصحن عشان
يكون شكلها مرتب وماتتبعثر معاك

بسم الله

ماشاء الله تبارك الله شغل حلو ومرتب .......يعطيك العافيه اختى .ان شاء الله اعملها وارد لم خبر

تسلم ايدك اختي

ان شاء الله اجربها

يعطيك العافيه

سرابي
نور الزهراء ( على فكره اسمك حلو )
ريما

مشكوريين على التعقيب وانشالله اكسبكم اصدقاء جدد

ياهلا ومرحبا اختي لعلوعة

الف شكر على الطبق اللذيذ الرائع



ممكن طلب لا أمر

ممكن تصغرين المساحة اللي عايشة فيها ههههههههه

لأن الردود تطلع لبرى الشاشة وما تتناسق مع بقية الردود

وياهلا ومرحبا فيك

وفي اطباقك

جاري تثبيته

تسلم الايادي اللي عملتها وما اتوقع احد ما يحب المكرونة والله ينطيج الف عافية

تسلم ايديكي ويعطيكي العافية

احاسيس مرهفه :
مشكوره وجزاك الله كل خير على التثبيت ...
هذي اول موضوع لي ويتثبت .. شجعتيني اكتب مواضيع زياده
وعندي طبخات كثيره وحلوه انشالله ماببخل فيها على هالمنتدى الطيب

وبالنسبه للصور سووووووري مابعرف اصغرها .. ياريت تراسليني على الخاص عشان اعرف كييف