بسم الله الرحمن الرحيم
مرررررررحبا...
بصراحه أنا مهناش بالمطبخ===>يعني نص نص..
ما أحبه بس وش نسوي مجبر أخاك لا بطل...راحت أيام الدلع...
فنتيجة لذلك أُجبرت أتعلم بعض الطبخات الخفيفه==>من قالتس تعرسين..!
وأسهل طبخه تعلمتها هي...
(( الدجاج بالبروكلي ))...==>تطبخها السبت والاحد والثلاثاء والاربعاء..
وقلت خلني أشخص عليكم شوي وأسوي نفسي ربة بيت...
وإليكم الطريقه...==>قلت لكم ما أحب المطبخ فلا تشرهون على طريقة وصفي...
==============
احم احم...
أول شي==>عجلي علينا الناس جوعانين..
المقاديررررررر:-
صدور دجاج...==>مقطعه مكعبات ومتبله بملح وفلفل أسود==>صارت طريقه مب مقادير...
ملح وفلفل==>حق تتبيل الدجاج...
بروكلي...
قشطة خفق...
جبن كرافت الازرق حق البشر..
جبن سايل==>هذاك اللي يقولون مضرّ..
مويه
قدر===>قلت لكم ماعندي سالفه..
=============
قطعي الدجاج وقطعيه مكعبات...ولا اشتريه مقطع مكعبات وخالص==>الله من العجز..
واسلقي البروكلي بعد نقطيفه بمويه==>متأكده مب حليب!!
((تعرفون تقطعون البروكلي ولا أعلمكم؟؟))==>يله بعلمكم شكلكم ما تعرفون..
جيبي البروكليه..وبإيدك قطفي الدويرات دويره دويره...مب مثل بعض الناس تمسكين السكين وتقطعين==>مب أنا!!!
المهم...اسلقي البروكلي بمويه...
وإذا خلص...==>عشان تعرفين وشلون خلص أول ماتحطينه بالمويه دقي على أمك قولي حطيت البروكلي بالمويه...وتبدا هي تحسب متى يخلص....!!
وبعد عشر دقايق دقي عليها قولي هاه ياماما خلص!!!==>طريقه فعاله ومجربه..
والدجاج..حطيه بمقلى==>ذاك الدويري حق قلي البيض...
وحطي شوي زيت وقلبيه لما يتحمر...وإذا ماودك اسلقيه ==>اسهل..
كل الطريقتين تنفع..
وبعدين...جيبي صينيه==>صينيه ولا يابانيه..!!
صينيه قزاز==>قزاز ولا محمود سعيد==>ترى مصختيها!!
المهم..جيبي صينيه قزاز..بايركس..وحطي البروكلي والدجاج وصبي عليه قشطة الخفق....
وحطي جبن كرافت مبشوووره..وحطي ملعقتين جبن سايل===>هذولي ممكن تستغنين عنهم إذا ماودك تتفلسفين ..
إذا حطيتي جبن تكون ثقيله...وإذا ماحطيتي تكون خفيفه...وكلهم زينات..
وإذا حطيتي الأشياء كلها دخليه قبل التقديم للفرن خمس دقايق من فوق وعشره من تحت..
وطلعيه وكليه مع خبز أو بالشوكه اللي تحبين...
وبسسسسسسس====>أخيرا ما بغيتي تخلصين!!
((ألقاكم تقولون إن جبتي طبخه ثانيه مب أحسن لك...==>على طول حذذذذذذذف))
===================
ملللللللحوظه..
إذا سويتي أي طبخه وخربت...مامنها أمل..حطي عليها قشطة خفق ودخليها الفرن..تصير كذا
===>مجربتها قبلكم...
وشوكرن كثييييييييير...
أختكم/
الشيفه ==>لا تفهمون غلط يعني مؤنث شيف!
الشيفهPoOopcorn
الروابط المفضلة