مكرونة حمراء
المقادير
معكرونة مسلوقة و يفضل النوع اللي على شكل قواقع
مشروم
صلصة حمراء النوع اللي يكون مكتوب عليها باستا ( النوع اللي يكون بنكهة الثوم و البصل )
جبنة بارميزان
قشطة
الطريقة
حطي الصلصة الحمراء على النار و اتريي شويه يا لين تحر و اضيفي القشطة اذا مسويه الكميه لاربع الشخاص فملعقتين تكفي و اذا اكثر اضيفي العلبة اخلطي القشطة مع الصلصة تمام تذوقي الصلصة اذا كانت محتاجة ملح اول قلقل فحطيلها و بعدين حطي المشروم و لما يستوون
حطي المكرونة و خليها على نار هادئة لما تمتص الصلصه زين و قبل ما اطفين النار اضيفي البارميزان و لا تخلينها على النار وقت طويل لانه البارميزان بسرعه يذوب و طفي النار
معكرونة بيضا
معكونة مسلوقه
بطاطا مقطع قطع متوسطة مسلوق
دجاج مخلي و مقطع و مسلوق في ماء و ملح و شوية كركم
زبادي
ملعقتين طعام كاري و الكمية ممكن تعديلها حسب الذوق
ملعقتين طعام مايونيز وممكن تعديل الكمية حسب الذوق
الطريقة
اخلطي الكاري مع الزبادي و المايونيز تمام و بعدين اخلطي المعكرونة مع الدجاج و البطاطس و صبي عليهم الصلصة و خلاص قدميها...بس ممكن تزينينها ببقدونس
معكرونة باردة
معكرونة مسلوقة
زيتون اسود
فليفة خضراء مقطعه صغير
طماطم مقطع صغير بس تكون كميته اكثرمن الزيتون و الفليفة
ليمون
ملح
فلفل
زيتون
الطريقة
اخلطي المعكونة مع الطماطم و الزيتون و الفليفله و اضيفي زيت الزيتون و الملح و الفلفل و الليمون و ضبطي التتبيله حسب ذوقج يعني المفروض انه طعمها يكون حامض بفضل ماء الطماطم و الليمون
و بس يا حلوين ان شاء الله الوصفات تعجبكم
الروابط المفضلة