أشكر لك هذه المشاركة لكن أمي تعمل المسخن على الطريقة الفلسطينية "أهل نابلس" تقلب البصلات مع الزيت والسماق حتى يأخذ لون السماق ويذبل بس الزيت يكون كتير شوي نص تنكة تحمر الدجاج بالفرن بعد سلقه وتدهن على جلده زيت زيتون وسماق ولبن زبادي حتى يحمر تأخذ الخبز النابلسي وتسخنه ثم تضع عليه البصل والدجاج ويرش على الوجه اللوز المقلي ويقدم مع اللبن الزبادي " بس عندي سؤال ليش الدجاج لونه أصفر عندك" ولك شكري

الدجاج اصفر من البهارات والكركم
واهلا وسهلا بك وبأهل نابلس
بس المسخن طبق شعبي من جنين .. وغير هيك بأزعل.

حلوة عيوني هالطبخة ... بس عيونك و نفسك أحلى ... ننتظر منك المزيد يا أحلى من العسل

خالتو احاسيس
أنا جيت ..
كيفك انت والمسخن..
ما تنسي بس تعملي المنسف ابعثي لي شي صحن ..
يعطيك العافية.

احكيلكم ليش الدجاج اصفر
بتعرفوا انه احسن طريقه لتنظيف الجاج وازاله الزنخه منه هي دهنه بالكركم ورشه ملح وعصير ليمون فهيك بيروح الزنخه منه

ايه الفن ده كله يا سيسو

فى الحقيقة وصفاتكم كلها تجنن

و وصفة وعود المودرن عجبتنى كمان جدا

تسلموا

شرفتي يا بوسي.. منورة والله..

هنلي .. معلوماتك صح 100% .. الكركم رائع لازالة الزفر من الدجاج
واحكي لكم سر.. بس بيني وبينكم
احيانا اصحاب زوجي بيفكروا انهم بياكلوا عنا دجاج بلدي..
والسر اني بأضيف شوية كركم او زعفران للدجاج اثناء الطبخ بيعطي لون خفيف مثل لون الدجاج البلدي.

احيانا اصحاب زوجي بيفكروا انهم بياكلوا عنا دجاج بلدي..

و اللهى فكرة يا وعود

انا جيت،،
وعود انا حكيتلك المسخن على الطريق ما صدقتيني ...
على العموم انا امبارح قررت اسويه على طريقة اهل جنين و فعلا عملته مثل خطواتك بالضبط .. و الله يستر اليوم لما ناكله
طبعًا بما انه انا مودرن عملته على الطريقة المودرن ...
و اليوم على الغذاء بيبين هو ازكى من اللي كنت اهمله زمان و لا لأ...
خاصة زوجي بيموت فيه و بيحبه كتير
بس تعرفي وعود لما عملت المسخن عملت منه رولين كبار و قسمتهم من النص يعني صاروا اربع رولات صغار
و طبعًا فرشت خبزة شراك واحده و حطيت عليها شويه زيت و بعدين فوقها كمان واحدة و رشيت عليها البصل كلها (صح و لا غلط ؟) و بعدين السماق و كترت سماق كتييير (صح و لا غلط؟) و بعدين لفيتها و قسمتها و حطيتها بالصينية و حطيت الفراخ لوحدها برة يعني ما دخلتها بالخبزة مسحبة و ما ررشيت عليها سماق يعني ضلت على لونها (صح و لا غلط؟)
و اليوم رح احمرهم و ناكلهم ان شاء الله
بس في ملاحظة انا عملت كيلو بصل و تعرفي اجا على قد 2 شراك يعني اربع رولات بالعافية ما بعرف البصل بيذوب كتييير ... لما ذقته لقيته ذايب ما بعرف من النار كتييير و البصل هالايام لانه مش اوانه ؟؟؟
و كمان خبز الشراك لما حطيت عليه الزيت و البصل ذاب شويه ...
بس على العموم سلم ايديك و شكرًا على الطريقة الصحيحية للمسخن
و طول امبارح و انا اقول للكل عاملة مسخن على طريقة اهل جنين لدرجة انه امي حكت اللي قوليلنا كيف؟ ما رضيت اقولها و حكيت الها لما يعجبني و يزبط بقولك ..
و ان شاء تسلم ايدك و رح ادعيلك انا و زوجي
بس ردي على اسألتي وعود و ما تنسيني و قوليلي اللي عملته صح و لا غلط ..
انتي عارفة الواحد اول مرة بيجرب وصفة جديدة بتكون اسئلته كتيييرة تحملينا..

مشغولة وعود و منها فاضية
الله يعينها عندها زوار ....