سلام عليكم , اكبد فكرتوا اني وضعت الوصفة ,لكن الحقيقة اني شفت بمسلسل ليالي الصالحية انهن حيطبخوا ابو شلهوب وهي اول مرة بسمع بهاالاكلة , فيا ريت اللي بتعرف تخبرنا ومشكورين.

عيني عليك يا لموعة...
ياليت الأخوات الشاميات يساعدونا..
اموت واعرف شو اكلة ابوشلهوب..

مرحبا يا حلوين ..

أكلة ابو شلهوب أكلة شعبية قدييييييييييييييييييييييمة وهي عبارة عن برغل وكوسا مفرومة ناعمة..
بس هاي هي

أم أيموني... وينك يا حلوة
دخلت والله جابك .. الطريقة يا قمر الشام...
المقادير والطريقة....

ابو شلهوب مبين عليه عامل عمايل

والله ما عنديش اي فكرة

بس لو تقدر الأخت ام ايموني

تعطينا تفاصيل الطبخة نكون شاكرين لها

ايوه يا صبايا الله يرضى عليكم شو ابو شلهوب هاد؟

الطريقه بالتفصيل لو سمحتوا

أثارني الإسم ودخلت أثاري ما فيه طبخة فيه طلب مساعدة والله وبحثت لكن للأسف ما فلحت وأنا على أحر من الجمر لمعرفة ماهية هذه الطبخة خصوصا وأنا من العشقات للشام وكل شيء في الشام ومن الشام.

السلام عليكم ورحمة الله وبركاته

قرأت إسم الأكلة إفتكرتها حلوى و تقرب لأم على

طلعت كوسة و برغل بس أكيد حلوة لإنها شامية

فياريت الطريقة يا أم أيموني

بسم الله الرحمن الرحيم

عزيزاتي أبو شلهوب أكلة شامية لذيذة جداً ومقاديرها كالتالي:

4 كاسات برغل خشن
1 كيلو كوسا حجمه كبير ويقطع إلى مكعبات كبيرة
1/2 كيلو لحم مفروم
راس ثوم مقشر ومهروس
ملح
بهارات مشكلة

يقلى اللحم ثم يوضع فوقه الكوسا ونخفف النار تحته ونغطيه مع التقليب المستمر حتى يصبح الكوسا طري.
يغمر اللحم والكوسا بالماء ويضاف له الملح والبهار حسب الذوق ويسلق.
ثم يضاف البرغل فوقه ونتركه حتى يستوي البرغل فنوزع الثوم المدقوق على وجه البرغل ونحمي كمية من السمن أو الزيت ويوضع على وجه البرغل والثوم ويحرك بعدها بالشوكة ليختلط.

يقدم بجانبه سلطة عربية باستعمال الخل بدلاً من الليمون.
وبالصحة والعافية.

تسلم ايدك اخت ديما , والله فرحت كتير بردك ..وشكرا لوضع الوصفة وتسلمي .