هنلي الله يسعدك بدي اتعلم افتل المفتول بتعرفي كيف؟؟؟

يا حبيبتي المفتول زاكي في الشتاء
بس شغلته شغله بس شغل البيت ازكا طبعا
بتجيب نص كيلو برغل مثلا ويكون ناعم مش كثير وبتنقعيه في ماء دافئ مع ملح نص ساعه
مع اما نص كيلو طحين اسمر مع نص ابيض او كله اسمر والافضل اسمر لانه طعمه ازكا بيكون
ماء دافئ مع ملح كوب

الطريقه بتعصري البرغل وبتحطيه في المنخلوبعدها على صينيه لما يتفلفل وبترشي رشه طحين اسمر وبتفتلي بشكل دائري فكل حبه برغل بتكون عليها طبقه طحين
وبعدها بتنخليهن وبتقيمي الحبات الكبار منهن واما بتنشفيهن وبتخزنيهن او بتطيخهن
بتعملي جاج او لحم ولما يستوي بتحطي على المرقه عصير وصلصه بندوره لحد ما تتلون
وبعدها في القدر المخصص للمفتول بتحطي المصفاه اللي فيها المفتول على الطنجره وبيستوي على البخار
وممكن تتناوليه هيك لو ممكن تحطيه في طنجره مع شويه من المرقه وبيكون ازكا هيك
وبتحمري الجاج وبتكوني عامله حمص حب مطبوخ مع المرقه وبتحطيه على الوش مع صنوبر ولوز محمص ورشه بقدونس مفروم وصحتين وعافيه

بس اديك رح يتكسرن من كثر الفتل يعني بدك عضلات قويه
وصحتين


هيك بشوف ستي وهي مش راضيه تعلمني لاني على قلتها لسه ايدي ما اتخشنن لانها بدها فوه وعضلات
بس عمري ما جربتها هيك بشوفها

الله يجزيك الخير ويوفقك ويرضى عليك هنو

بتعرفي في غزة بيفتلوا على سميد ناعم .. ويمييي شو زاكي... اطيب منه ما ذقت ...
وبيحطو معه تتبيلة من البصل الناعم المدقوق مع عين الجرادة وفلفل احمر ناشف..

بس افضى باكتب الطريقة.

المفتول هو نفسه الكسكي والا لا ؟

يسلموا ايديكِ يا هنلى شكلي راح اجرب اعمله
ستي الله يرحمها كانت تعملنا ياه و انا الان ندمانه اني ما اتعلمت منها

سيسو لا المفتول بختلف

ايوه يا وعود اختلف المفتول بين ستاتي الثنتين وحده بتعمله بسميد ووحده بتعمله ببرغل ناعم والثنين ازكى من بعض
المفتول هو الكسكسي بس الكسكسي بتكون حبته اكبر ولما يطبخوه بينعمل غير ما بنطبخه احنا
والا هو هو

تسلم ايديكم كلكم بس وعود الله يسعدك لاتنسي تكتبيلنا طريقتك كمان لمزيد من الاستفادة ويرضى عليكم كلكم.