أنا عارفه فى ناس رح تستغرب ايش هذا الخروف بس جربوه ورح تدعولي

المقادير

خاروف كامل
كيل ونص ورق عنب
بهارات، ملح

الطريقه

1- بتغسلي الخاروف غسيل كامل بالماء وبتنشفيه كويس كتير وبتملحيه وتبهريه بكل البهارات اللي بتحبيها من جوا ومن برا
2- بتلفي ورق العنب وبتحطي عليه بس كاسة ماء واحده ولما تغلي غلوتين بتطفي عليه
3- بتخلي حد يفتحلك بطن الخاروف وبتدلقي الورق فيه وبتسكري الخاروف بعيدان الشيش طاووق
4- بتلفي الخاروف بورق سولفان (قصدير) لفتين وبتحطي بالفرن على درجة حراره 200 لمدة 4 -5 ساعات حسب فرنك
لما تقدميه طولي ورق العنب من تحت علشان ما يتخربط معك وألف صحة وهنا

تسلم ايدك حبيبتي

على هذي الوليمة المعتبرة

واكيد الخروف لازم يكون بيبي

لأنه ما راح يكفية عشر علب ورق عنب

مشكورة يالغالية

واوو خروف كامل حتة وحدة مين ياكلة أذا عزمت الفريج وكل الي في المنتدي وطبعا أنتي أول وحدة بس أنتي الي تجيبي الخروف (أتيخيفف)
جزاك الله خيرا وتسلمين

هو انا شفت موضوعك امبارح في الليل بس جيت ارد لقيت الخدمه بطيئه
هسه هيني قاعدتك بده واحد زيه هه
شوفوا يا بنات اكيد رح يطلع طيب ميه الميه ليش امي بتعملها بطريقه ثانيه
بتجيب مثى جزء من خروف مثلا الفخذ واللي طيب كثير مع ورق العنب الريش ريش الخروف مش ريش الجاج ههه بايخه
اللي هي من القفص الصدري تبع الخروف تقطع ويتتبل هي والفخذ وعلشان الزفره توضع في الفرن وتدهن بالزيت بس تتغير لونها وعلشان يروح الدم منها وبعدها تحطي قطع طماطم وثوم وبصل في قاع الطنجره وفوقها الفخذ وبعدها طبقه ورق عنب وطبقه ريش لحد ما تخلصي وبعدها على الوجه ايضا ثوم وطماطم وبصل وتغمريها بالماء وتتركيها لحد ما تستوي
يم يم

تسلمولي أحاسيس وشربت وصدقوني لو جربتوه خطير وعلى السفره رهيب .

حبيبتي أحاسيس مو لازم يكون صغير يعني 10 -12 كيلو لأنه الرز اللى بورق العنب بينفش داخل الخروف ما تنسي انه احنا لما حطينا ورق العنب بالخاروف ما كان مستوي كامل كان يدوب لسه بادي يستوي. وصحتين

مش عارفه والله ايش اقلك يا هنلي بس والله اني بحبك بالله وما بتصدقي لما أشوفلك اي موضوع بكون كتير متلهفه عليه لانك ماشاء الله عليك وأزيدك من الشعر بيت امبارح كنت عم بتفرج على مطبخ منال وكانت فقرة الدجاج المشوي مع الخضار بس ما لحقت المقادير وضحكت قلت لحالي يلا مش مشكله بكره بلاقي هنلي كاتبته، وما تتخيلي قديش انا مبسوطه انك رديتي على موضوعي عموما يسلموا ايديكي ويرضى عليك ويوفقك وبما انك هون الله يرضى عليك ممكن طريقتك بعيش السرايا وبدي اسالك بتعرفي تفتلي المفتول؟؟؟ الله يجزيك الخير

تسلملي عينك اختي بسومه وهذا من زوقك ولطفك
اختي طريقه المفتول حطيتها في الرابط تبعك
وعيش السرايا مافي اسهل منه
بتجيب 10 قطع توست وتزيلي منها الجوانب وتحمصيها في الفرن وبعدها تضيفي لها القطر الساخن والمتماسك وفوقها قشطه ومكسرات
بس

هنلي ورق عنب مع الريش..
أمري لله راح اتهور وانط من فوق الجدار.. قولي للوالدة تجهز الفطور مسافة الطريق وانا عندها...
راح اسبقلك لهناك...
الله يسعدك بسك تشهينا واحنا صايمين....

بسومة الأمورة... طريقتك حلوة وبدل الرز والمكسرات والذي منه بنلاقي وجبة ورق عنب.. تسلمي يا امورة

لا يهمك يا عسل يا وعود معزومه عندي انتي واهل المنتدى كله ههههه
بس احكيلك بدل النط عن الجدران رح تنط الطناجر عنك رح ارسلها مع ارامكس

بس شو خطر في بالي هي بتعرفي القص المحشي يععني صدر الخروف المحشي يم يم شهيتيني لما اتذكرت الريش

والله انت اللي امورة يا وعود و ماشاء الله عليك دايما بتتحفينا بأشياء لذيذه. على فكره انت من جنين طلعنا جيران انا من طولكرم بس للاسف مش عايشه هناك واشتقتلها كتير كتير أصلا مش عارفه كيف صار شكلها هلأ. الله يرجعنا لبلادنا قولي آمين.