رز مقدر زاكي كثير

**الفتاةالطويله** · 19-10-2004, 02:03 PM

انا اعطيكم مقدار كاسين من ارز .مقدار بيتي
المقادير رز كركم راس بصل كبي 6 فصوص من الثوم (حسب الرغبه)

حمص مستوي طبعا ملح وبهار
الطريقه : تحلوسي البصله(تقلبيها عالغاز ) لما تطرى اضيفي الثوم طبها مقشر واذا كبير قطعيه شرائح ولما يدبل الثوم اضيقي الرز والحمص والكركم والبهارات والملح واخيرا المرقه حوالي 4 كؤوس مرقه وضعيه عالنار ولما يغلي وطي وغطي الطنجره ولما يستوي ممكن وضعه بصحن كبير وعلبه قطع اللحم وممكن ابضا مع دجاج

**(راما)** · 19-10-2004, 02:50 PM

و الله كتير طيب و أنا بحبه كتير و بسميه قدرة و سهلة في العمايل عن جد جربوها و رح تعجبكم و كتروا البهار لانه بيعطيها نكهة طيبة

**احاسيس مرهفة** · 19-10-2004, 04:04 PM

تسلم ايدك فتاتي

والله يعطيك ماتتمنيه

ايتها الرائعة

لكن الحمص يكون مسلوق ؟؟

وهل تضيفيه مباشرة مع الرز وقت السلق

زي ماقلتي زاكية

شامة الريحة لعندنا في السعودية

**الفتاةالطويله** · 19-10-2004, 05:57 PM

ايوه يا حسوسه ااحمص يكون مسلوق ونضعه مع الرز لما نستوي الرز فهمتي؟ يا ريت اللي اتمناه وادعي طول الوقت انه الله يسهل لنا طريق الحج والطياره تكون من الأردن للمدينه مش لجده علشان سمعت المسافه بين المدينه وجده بعيده صح؟؟؟؟؟؟؟؟؟؟ وتانيا ان اولادي يضلوا بخير ويرعوهم منيح واحنا بالحج ما تتخيليش قديش قلقانه عليهم لأنه الكبيره عليها امتحانات وقتها واقول يارب ادعولي

**الفتاةالطويله** · 19-10-2004, 05:58 PM

وشكرا دعاء على التشجيع اكيد الفليسطينيات يعرفوها ............ لسا ما عملتها برمضان

**sima** · 19-10-2004, 09:50 PM

تسلم ايديك غاليتي

**وعود الخير** · 21-10-2004, 11:44 AM

تسلمي يا ام يوسف .. وهيك امنت طبخة الجمعة ..

وهاي طريقتي في عمل القدرة وعلى فكرة اصلية ومن الخليل...
4 كاسات ارز ويفضل من الحبه الطويله
1كيلو لحم خروف (وممكن استعمال اللحم البقري بس بنضيف معاه شوية لية للدسم)
بهارات القدرة
حمص مسلوق
سمنه او زيت اللي تحبي تستعمليه (أنا باستعمل الزبدة)
بصل

الطريقه
بتقلبي اللحم على نار هادئه مع البصل ثم تقومي باضافة
الماء بتتركيه على نار هادئة حتى ينضج
في هذا الوقت بتكوني نقعت الارز في ماء دافي 15 دقيقه
في طنجرة ثانية بتقومي بفرم البصل ناعم وبتقليه على نار هادية مع البهارات وبعدين بتضيفي الثوم بقشره بس بتكوني ناقعاه بشوية مية لفترة بسيطة علشان ما تنحرق القشرة ثم بتضيفي الرز وتقلبي شوية حتى يتشرب الرز النكهة من البهارات والملح ...
وبعدين بتضيفي الحمص المسلوق... وبتقلبي كويس...
وبعدين بنضيف اللحمة المسلوقة وبنضيف كمية من المرق تكون مناسبة يعني بارتفاع سم تقريبا ونضع ورق القصدير وتكي نكتم البخار ونتركها تغلي غلوة واحدة ثم نضعها في فرن حام ونخفض درجة النار لأقل ما يمكن.... ونتركه لمدة تقريبا من ثلث ساعة لنصف ساعة... وبعدها نكشف الوجه كي تتحمر اللحمة..
ثم تغطي وتترك مغطاه حتى وقت التقديم وتقدم مع اللبن الزبادي او السلطة وصحتين وأي استفسار أنا في الخدمة...

وممكن عملها على نار البوتوجاز لكن في هذه الحاله نقوم بوضع فوطة مبللة لكتم البخار.. وتترك على نار هادئة جدا وتحتها قطعة حديدية

**(راما)** · 21-10-2004, 12:14 PM

وعود حبيبي،،
وينك من زمان ؟؟؟ ان شاء الله عساك بخير؟؟؟
بعدين نسيت الثوم و الكركم و لا كيف؟؟

**وعود الخير** · 21-10-2004, 12:38 PM

دعاء اقرأي كويس.. شكل الصيام مأثر عليك..
الكركم من ضمن البهارات شيء معروف .. والثوم مكتوب مع الطريقة...
وحقك علي المرة الجاية راح انتبه وأضيفها مع المقادير.