مساعدة مستعجلة الله يخليكم!!

**أم أيموني** · 17-10-2004, 10:18 AM

السلام عليكم ورحمة الله وبركاته

الستات الحلوين بدي مساعدة مستعجلة .. بدي طريقة الشاكرية ؟؟ ياريت تفيدوني بسرعة!!

**(راما)** · 17-10-2004, 10:50 AM

كتبت بواسطة أم أيموني

السلام عليكم ورحمة الله وبركاته

الستات الحلوين بدي مساعدة مستعجلة .. بدي طريقة الشاكرية ؟؟ ياريت تفيدوني بسرعة!!

و الله ما بعرف شو هي الشاكرية أذا عرفتيها فيدينا

**أم أيموني** · 17-10-2004, 11:35 AM

الشاكرية عبارة عن هبر لحمة باللبن وتتاكل مع رز وبيسموها لبن إمه بس أنا مابعرف أعملها بالضبط .. بس كتيييييييييييييييييييير طيبة

**بسومه الاموره** · 17-10-2004, 12:21 PM

احلى شاكريه لاحلى ام أيموني

المقادير

1 كيلو لحمه لعظمها (لانه العظم بيعطي طعم غير شكل للطبخه) وتكون قطع متوسطة الحجم
4 كاسات لبن (الكاسه نص كيلو تقريبا)
4 ملاعق نشا كبيرة (ملعقة طعام)
بهارات مشكله، هيل، ورق غار، ملح، بصل
رز (الكمية اللي بتحبيها)

الطريقة

1- بتغسلي اللحمة وبتقطعي البصل شرحات ثم بتقلي البصل بالطنجرة مع شوية زيت قلي وبتقلبي اللحمه فيها وبتسلقيها لحد ماتستوي.
2- بتحطي اللبن بطنجره تانيه وبتحطي عليه النشا وبتحركهيم مع بعض مع نص كاسة ماء على النار وبتبقي تحركي اللبن حركة دائرية مع عقارب الساعة وبطيئة لحد مايغلي. لما يغلي رح تلاحظي انه صار شكله زي السحلب ساعتها بتحطيه عليه اللحمة المسلوقه وشوية من ماء السلق (ما تكتري ماء يعني تقريبا كاسه).
3- بتخليهم يغلوا مع بعض غلوتين وبتوطي عليه 10 دقايق وصحتين.
4- لاتنسي تعملي الرز بجانبه والف صحة وهنا
لاتنسيني من دعائك