جا موسم الزيت والزيتون..........

بنات هل تعملون عندكم المسخن (الخبز اللي عليه بصل وسماق ومغطي بالزيت وبجانبه دجاج

نعم حبيبتي ،،،، و هو كتير رائع أنا بدي أجيب السنة رطل زيتون اسمر و لرطل أخضر و نص تنكة زيت هل يا ترى الزيت بيكفي أنا و زوجي و ابني عمرة 6 شهور؟
عندك طريق لكبس الزيتون الاخضر لانه السنة اللي فاتت ما زبط معي

كيف بتسوي المسخن انتي ؟؟؟

اسمعي انا بأكتبلك طريقتي متعوده اعمل 10 كيلو زتزن .اول ما نجيبه ونرصعه اضع عليه كثير ملح حتى ما يسمر واضعه بمرطبانات عليه ماء طبعا واسكرهم لمده اسبوع او اكثر شوي وبعد الأسبع اسكب كل الماء اللسي بالمرطبنات بوعاء علشان اعرف قديش كميه الماء المطلوبه.بقدر الماء المطلوب حضري ماء مع ملح وليمون .هذه الكميه بدها حوالي 30 حبة ليمون وملح كيلو الا ربع وطبعا ثومه واذا بدك فلفل حار وعلى الوجه شوي زيت علشان ما يسمر ا.وطبعا بكون جاهز بعد وقت مثل اسبوعين تقريبا وصحتين وعافيه وان شاء الله راح اسوي اكثر السنه لأنه السنه اللي فاتت خلصناه بدري

احنا بنفرم البصل بالمكطسر الكهربائي وبعدها نقلبه بزيت كثير وقت لحد ما يدبل البصل وما يقرش .ستوي الدجاج لوحده ولما يستوي الدجاج وكذلك البصل نغمس كل رغيف مش متذكره شو اسم الخيز بس طبعا مش عادي كبير نغمسه بالزيت ونعصره نفرده وعليه نفرد بصل وعليه سماق وصنوبر مقلي .ولما تقدميه عالطاوله لازم يكون سخحن (مش مسخن اسمه) تضعي قطعة الدجاج على كل رغيف تقدميه وصحتين وعافيه .على فكره انا بعمله والحمد لله زاكي حسب ما بيقولولي للكن ما بذوقه لأني ما بحب الزيت ابدا ابدا ابدا هم بيأكلوا وانا اعمل لي شوربه مع الدجاج . وكيف طريقتكم احب اسمعها

يعني انتي ما بتدقية و لا تشقيه بالسكين؟؟؟
انا بعمل الملح على البضة و الترصيع يعني بتحطي ملح كثير و ماء و بتحطيه في المرطبانات بدون اشي و بعدين بتشوفي كمية الماى نفسها و بتحطي قدها و عليها ليمون و ملح و فلفل اخضر ؟
طيب و لو ما رصعته شو بصير و لا بالترصيع ازكي و ممكن استبد اللمون بحامض اللمون ولا لا؟

و الله أنا بعملة تقريبًا شبهها :
بستوي الجاج عادي مع بهاراته
و بقطع البصل على الميكسر بس بيكون خشن شوي و بقليه بزيت الزيتون و بحط سماق كتير و مغرفتين شوربة جاج و بسيبه يتسبك
أنا بفرد خبز الشراك بصينية و بحط شوية بصل بالزيت بين كل طبقة و تانية بس قليل كتير
و الطبق الاخيرة بحط البصل كلة و فوقه الفراخ اللي طبعا بتحطيها مع البصل علشان توخد طعم.
و بحمر الصينية

و سلامتك

يعني ما بتبلي الخبز بالزيت زينا ظ وبالنسبه للزيتزن انا هذا ما اعرفه وذكرتيني اعتقد بنحط شوي ملح الليمون بس اسأل حماتي علشان هي ما بتنسى .واذا ما بدك رصع بنفع تشقحيه بالسكين وهذا بطول اكثر طبعا. اجو اولادي بدي اقوم علشان نأكل تفضلوا

ايوه شايفكم شغالين وانا داخله بينكم
بالنسبه للزيتون اذا الحبه صغيره اويدها للي بيرصع الزيتون وبعدها احطه في برطمانات واضع ثلث ماء وملح وثلث عصير ليمون وثلث زيت زيتون وشوفي ما الذ طعمه
وبالنسبه للماء كل كوب ماء له ملعقه ملح كبيره

واذا الحبه كبيره في جهاز صغير في السوق زي اللي بيكسر الجوز بس هو لازاله البذور من الزيتون يعني زيتون من دون بذور
وهي على فكره 5-10 شيكل مش غاليه يعني
بس بدها طوله بال وبعدها اعبيء الزيتون في برطمان وثلث ماء وثلث لمون وثلث زيت وكم قطعه ليمون بينها
يم يمم

يا جماعة تراني دخلت على الخط


انا نفسي كثير اعمل المسخن وعندي كم طبخة من المنتدى هون

وكاعدة بفرقهن على الزميلات معايه

وكل وحدة تسأل عندك طبخات

اقول الها عندي مسخن فلسطيني ايجنن

هذا وانا عمري ما جربته اقول ايجنن عجل لو اجربه ايش رح اقول

بس عن جد طريقته زاكية جداً وحركة الطبقات وبينهم البصل عجبتني يادعاء