انا ان شاء الله هكتبلكم اكلة سمك سهلة و بسيطة و متكاملة
يعنى ان شاء الله هكتب
سمك فيليه مقلى
سمك مشوىفى الفرن
رز السمك
رز بالجمبرى
جمبرى مسلوق
جمبرى مقلى
سلطة طحينة جنب الاكلة الحلوة دى
بس هكتبهم ان شاء الله على مراحل عشان الوقت
وتابعوا معايا ان شاء الله
الجزء الأول http://www.lakii.com/vb/showthread.php?t=376460
الجزء الثانى http://www.lakii.com/vb/showthread.php?t=377113
و ده بقى الجزء الثالث
خامسا رز بالجمبرى
نجيب جمبرى و نقشره او نجيبه مقشر جاهز ونغسله كويس
نبشر بصلةو نحطها فى حلة و عليها ملح و فلفل اسود و رشة قرفة و شوية زيت
نحطها على النار و نقلبها لغاية ما تبدأ تبقى دهبى
نضيف الجمبرى و نقلبه معاها شوية
نضيف كوب ماء و نغطى الحلة و لما تغلى نضيف الرز المغسول و نزود الماء حسب كمية الرز
نقلبه مع بعض و نوطى النار لغاية مايستوى
سادسا رز السمك
نبشر بصلةو نحطها فى حلة و عليها ملح و فلفل اسود و رشة قرفة و شوية زيت
نحطها على النار و نقلبها لغاية ما تتحمر و تبقى دهبى
نضيف كوب ماء و نغطى الحلة و لما تغلى نضيف الرز المغسول و نزود الماء حسب كمية الرز
نقلبه مع بعض و نوطى النار لغاية مايستوى
سابعا سلطة الطحينة
نحط معلقتين كبار طحينة و نحط لها ملح و فلفل اسود وتوم مفروم و كمون و ليمون و معلقة صغيرة خل وشطة(اختيارى)
نقلبها كويس و نضيف حوالى 5 ملاعق كبيرة ماء دافئ
نقلبها و نضربها بالشوكة و نضيف ماء دافئ شوية شوية لغاية ما نوصل للسمك المطلوب
ملحوظة هى هتلاقيها اتجمدت و كلكعت معاكى بس مع التقليب و الماء الدافئ هتفك ان شاء الله
الروابط المفضلة