لحم مع الخضار "طبق تعلمته في غربتي 2" ( Kott med gronsaker och currysas)
لحم مع الخضار و صوص الكارى
حبيباتي الغاليات
هذا الطبق الثاني اللي تعلمته في غربتي ( السويد )
وهو عبارة عن لحم مع الخضار وصوص الكاري
المقادير
رز
لحم بقر
صوص الكاري ( جاهز من السوق )
بازلاء وجزر مسلوقين
بهارات سويدية ( grillkrydda)
زيت
حليب
فلفل اسود
ملح
بطاطا
الطريقة
أول شي ننقع الرز ونتركه على جنب وبعدين نسلق البطاطا
وبعد ربع ساعة بتكون البطاطا جهزت فـ نقشرها ونقطعها قطع كبيرة شوي
وبنحط ملعقتين زيت على النار ونشوح البطاطا فيه
وبعد ما تحمر البطاطا بنرش عليها ملعقة كبيرة من البهارات
وهيك بيكون شكلها بعد ما جهزت
بعدين بنقطع اللحم شرائح مثل لو كنتي بتعملي شاورما
بهالشكل
بنحط اللحم بنفس القدر اللي استخدمناه للبطاطا
وبنشوح اللحم الى ان ينشف المي
بس ينشف المي بنضيف للحم رشة فلفل اسود ورشة بهارات
وبعدها بنضيف كوب حليب
ونترك اللحم الى ان ينشف من الحليب
وبهالأثناء بنطبخ الرز عاااادي
وبعد ما يستوي اللحم بيكون هيك شكله
والرز بعد الطبخ
نجي الآن للبازلاء والجزر ( للاسف ما كان عندي جزر) فـ انا جبت كيس خضار مشكل اللي بيكون مفرز
وحطيته بطاسة كبيرة وحطيت فوقها مي سااااااااخنة وتركتها على جنب لانه هي جاهزة
وبنفس القدر اللي طبخت فيه البطاطا واللحم عملت صوص الكاري
جبت ظرف كامل منه
حطيت كوب حليب بالقدر وبعدها حطيت ظرف كامل من باودر صوص الكاري على الحليب وخلطتهم مع بعض
وظفت شوية بهارات وفلفل اسود وشوي ملح
الى ان تماسك الخليط وصار جاهز
وهنا بالصحن خليت الرز والخضرة واللحم وبالطاطا بهالشكل
وهنا عملت 3 صحون الي ولبنتي وابني
وهنا بعد ما سكبت صوص الكاري
صورة أقرررررررب
وبالنهاية يا رب يكون الطبق عجبكم
رد مع الاستدلال
كتبت بواسطة اشجان الحياة
الروابط المفضلة