LinkBack URL
About LinkBacks
₪وصفه متميزه₪ أبو بسطي >>>> طبق شامي أصلي 100% وبالصور
بسم الله الرحمن الرحيم
هذا الطبق من الأطباق السورية الشامية تحديداً ،، ( أبو بَـسْـطي ) >>> ولا تسألوني ليش هيك اسمه
والصراحة هو طبق مفيد ولذيذ كتير وبيشبه بمكوناته ( طباخ روحو ) كمان طبق شامي >> أسامي عجيبة ،، واعذروني يا بنات المقادير رح تكون حسب عيلتك وما في شي محدد
المقادير:
لحمة خاروف أو بقر مسلوقة مع ( بصلة ، ملح ، فلفل حب ، هيل حب ، عود قرفة=دارسين ، ورق غار )
يقطين مقطع مكعبات ويللي ما بيعرفه هي صورته ،، طبعا هي قطعة منه وهو كبير كتير هون عنا ما بعرف كيف شكله ببلادنا العربية ,, وقشرته خضراء من برة وقاسية نوعاً ما ,,,
بصل مقطع مكعبات
بندورة مقطعة مكعبات
حمص حب ( معلب ) نصف علبة أو قد تم سلقه بالطبع
3 م. ك معجون الطماطم أو حسب الرغبة
3 م.ك نعنع يابس تقريبا
2 سن كبير ثوم مهروس
3 م .ك عصير تمر هندي مركز أو حسب الرغبة
الطريقة:
يقلب البصل بزيت مازولا أو سمنة حتى يذبل
تضاف البندورة وتقلب معه
يضاف الحمص ويقلب
ثم يضاف اليقطين ويقلب حتى ينضج ولا يحتاج كثيرا من الوقت ,, ويضاف ملح وفلفل حسب الرغبة ,, أنا أضفته بالآخر لأن الخضر عنا بشكل عام تستوي سريعا
وعندما ينضج اليقطين يضاف قليلا من مرق اللحم حسب الرغبة وقطع اللحم ويضاف معجون الطماطم
ثم عندما يغلي يضاف الثوم والنعنع اليابس والتمر الهندي ،، ويترك قليلا على نار هادئة حتى يتسبك ،،
يقدم بجانبه الرز بالشعيرية أو البرغل بالشعيرية وهو معه ألذ طبعاً
ويؤكل بجانبه الخضرة المتنوعة ( جرجير ، بصل أخضر ، فجل ، فليلفة خضراء ) وعذراً لرداءة الصور ,,, >> تصوير موبايل ,,, وأعرف أنها كبيرة وليس عندي فوتو شوب ،،
وصحة وعافية وأي سؤال أنا جاهزة ,,,,
ونحن هيك بنقول
أبو بسطي .... كلي وانبسطي .....
رد مع الاستدلال
الروابط المفضلة