اكلة مصرية 100%

اسمها ويكة
هذة الاكلة تتكون من البامية كبيرة الحجم هتجيبيها مثلا نص كيلو وتقطعيها من تحت ومن فوق زى العادي طبعا دة بعد الغسيل والتنشيف بعد كدةنقطعها شرائح ثم نحطها فى مرقة 2 كوب لو احتاجتى اكتر زودى مع ملاحظة انها مش المفروض تكون سائلة اوى مع 3 فلفلات حارة مفرومين وواحدة طماطم معصورة وملح وفلفل اسود وماجى وبعد متلاحظى انها بدات تكون لينة غير متماسكة تحضرى شوكة كبيرة وتقلبيها لحد متصبح سائلة متماسكة يعنى مش سائلة زى الملوخية لا متماسكة اكتروبعدين تعملى التقلية زى الملوخية م ك كسبرة ناشفة و3 فص ثوم ناعم على النار فى طاسة فيها م ك زيت لحد ميتغيراللون يكون ذهبى تروحى حطاها على الويكة وانشاء الله تعجبكم

جزيل الشكر يا اخت يويو من مصر على هذا الطبق

تسلم الايادي عزيزتي بارك الله فيك اول مره اسمع فيها ويكه

عاشت الايادي

اتمنى تجربوها وتعجبكم

حلوه يا يويو مع انى من مصر بس عمرى ما كلتها عموما الباميه تطلع بس و ها اجربها و اقللك و شكرا على مجهودك حبيبتى

الله بامية ويكا
أنا لما كنت بمصر أكلتها
لذييييييييييييييييييييييذة
و تغيير عن الباميا العادية

عموما يا دندونة هى اصلها الصعيد وتلاقى مفيش فرع صعيدى عندكم فى العيلة المهم جربيها وفوليلى رايك

تسلم الايادي ويعطيك الف عافيه

شكرا يا يويو ...عجبتني اوي