*موضوع متميز*10 طـــــــــرق لطهي الجمــــــــــــــــبري..من مطبخي وبالصـــور...

بسم الله نبدأ.....
(1)..الجمبري بالزيت والليمون:
-جمبري حجم كبير مقشر ومنظف
-للتبيل (ثوم+ملح+شطه+كمون+ليمون)
-ملعقتين زيت
......
-قومي بحشو شق الجمبري بالتتبيله ورصيه فالصينيه وضيفي له الزيت ثم أتركيه ساعه



-ارفعيه علي نار هادئه حتي يجف ماؤه ويبدأ في التحمير الخفيف...







(2)كفته الجمبري:
-جمبري حجم صغير
-دقيق أرز حسب كميه الجمبري
-بصله متوسطه+4فصوص ثوم
-بقدونس وشبت
-ملح وفلفل وكمون
.........

-في الخلاط قطعي البصل وضيفي له الثوم والبقدونس والشبت(مقطع علشان ميلفش جوه الخلاط) والبهارات
-بمدق اللحم أو في الهون..دقي الجمبري دقات خفيفه (مش لدرجه انه يتهرس ..وده علشان يتماسك مع خليط الدقيق)
-في وعاء عميق اخلطي الدقيق بالجمبير بالخليط السابق حتي تتكون لديكي عجينه لينه نوعا ما غير يابسه



- امسحي يدك بالزيت وشكلي العجينه علي شكل اصابع أو دوائر

-وهنا خياران اما تقلي فالزيت علي نار هادئه (ونتيجتها بالصوره)..أو تسلق في ماء مغلي وملح ثم تنشل وتحمر فالزيت..وانا أفضل الطريقه الاولي


...رجاء عدم الرد حتي يكتمل الموضوع...

(3)كفته الجمبري بالصلصه
-يؤخذ مقدار من الكفته المقليه
-عصير طماطم
-3فصوص ثوم
-ملح وبهارات
..........
-في حله عميقه أهرسي الثوم وحمريه في الزيت
-ضيفي عصير الطماطم والبهارات وأتركيه ليغلي
- ضيفي الكفته واتركيها لحد ما تتسبك شويه وتقدم بهذا الشكل
-أو ممكن تقومي بعمل نفس المراحل في الصينيه وبعد التسبيك تدخل الفرن
....انا اسفه الطريقه دي صورتها مش موجوده


(4)الجمبري المشوي 1:
-المقادير موضحه بالصوره وطريقه العمل أيضا












(5)الجمبري المشوي2:
-جمبري متوسط الحجم
-مياه للتمليح عباره عن (ملح +ليمون+شطه+2ك مياه)
..........
-علي صاج ساخن يشوي الجمبري علي نار متوسطه
-بعد النضج يتم مباشره اضافه الجمبري لمياه التمليح
-يترك حتي يمتص الملح ثم ينشل





...رجاء عدم الرد حتي يكتمل الموضوع...

(6)الجمبري المسلوق:
-جمبري حجم كبير
-طماطم حلقات
-فلفل رومي حلقات
-بصل حلقات
-فلفل وكمون وملح
.........
تخلط المكونات وتوضع في اناء مغطي علي النار حتي النضج






(7)شوربه الجمبري:
-جمبري حجم وسط أوكبير (منظف بالطبع ولكن استخدمي نصف الكميه مقشره والنصف الاخر بالقشره
-2كابوريا منظفه ومقطعه
-نص كوب لبن
-مستكه
-ملح وفلفل
.........
-في اناء الطهي ضعي ملعقه زيت +المستكه
-ضيفي لهم الجمبري والكابوريا والملح والفلفل+2ك ماء
-اتركيه حتي يغلي ويدخل في النضج ثم ضيفي اللبن وأرفعيه من علي النار.






...رجاء عدم الرد حتي يكتمل الموضوع....

(8)الجمبري الصياديه بالارز:
-جمبري وسط أو صغير
-بصله متوسطه
-أرز مصري مغسول
-شبت أو بقدونس
-حبه فلفل رومي أحمر مقطعه صغيرا
-ملح فلفل كمون
..........
-حمري البصله فالزيت حتي تصل للون البني
-ضيفي الجمبري والملح والبهارات والفلفل الاحمر وقلبي
-ضيفي الارز المغسول +الماء
-بعد النضج وقبل التقديم قومي بفرم البقدونس أو الكسبره وأخلطيه مع الارز جيدا




...علي فكره هو مش غامق أوي كده..ده من الاضاءه

(9)طاجن الجمبري في الفرن:
-جمبري حجم صغير
-بصله مفرومه
-عصير طماطم
-بقدونس مفروم
-ملح وفلفل وكمون
..........
-حمري البصله حتي يصبح لونها ذهبي
-أضيفي عصير الطماطم حتي يغلي
-ضيفي الجمبري والبهارات والبقدونس مع التقليب
-أتركيه علي نار هادئه ..ثم أدخليه الفرن






(10)الملــــــوخيه بالجمبري:
-عصير طماطم
-ملوخيه خضراء مخروطه طبعا
-جمبري حجم صغير
-ثوم مفروم +كسبره ناشفه
-2م زيت
......
-في الحله ضعي الزيت + الجمبري+عصير الطماطم وأتركيه يغلي حتي يصل للقوام المطلوب
-ضيفي الملوخيه مع التقليب لمده دقائق ثم ارفعيه من علي النار
-في الزيت حمري الكسبره +الثوم ثم ضيفيها للملوخيه مع تغطيه الاناء جيدا




.....بتمني الطرق تعجبكوا...واللي يعجبها الموضوع أو تستفيد منه بحاجه ..أرجو الا تنساني من الدعاء بالذريه الصالحه....

yaslamou oukhti ala al wasfat al hilwa allah yarzokik al doria al saliha

بسم الله ماشاءالله عليكى ياعمرى

انا من حقى اختار الطبق اللى يعجبنى

وبصراحة كل طبق احل من الثانى على العموم هسيب شوية للاحباب

تسلم ايديكى ياعمرى

والف صحة وعافية عليكم يارب

وكل عام وانتى باالف خير

ما شاء الله عليكي .. تسلم إيديكي حبيبتي
كل طبق أشهى من التاني
يعطيكي العافية يا رب

ما شاء الله عليكى ...بجد تحفة كل الطرق الذ من بعضها
ربنا يبارك لك ويرزقك الذرية الصالحة ويقر بها عينك ...آآآآمين
الشرح تفصيلى والمعلومة واضحة وتسلم ايدك ...

رائع رائع ماشاء الله عليك

كل الوصفات والطرق عجبتنا

تسلم الايادي المبدعة

ماشاء الله بجد تسلم ايديك عالمجهود الجامد جدا ده كلهم يجننوا وانا اصلا باموت فى السى فووود .... ويارب يارب يرزقك الذريه الصالحه ان شاء الله