الوصفة هاي من الاكلات الهنديه وايد حلوه ولذيذه وتستاهل اتجربونها00

المقادير
4 صدر دجاج مقطع ( مكعبات )
2 فص ثوم + ملعقة شاي زنجبيل ( مهروس )
2 طماطم مفروم + 1 فلفل اخضر حار
ربع كوب كزبره مفرومه
1 علبة صلصة طماطم
نص علبة قيمر ( نستلة ) + نص فنجان ماء
4 ملاعق طعام زبدة + ملعقة زيت
ملح + (يهار التندوري + يهارات الكاري + قليل من الكركم)

الطريقة
1- انحط الزبدة والزيت على النار وبعدين انحط الثوم والزنجبيل
2- وانضيف له الدجاج المقطع وحتى ان يستوي وبعدين انحط الطماطم المفروم والفلفل والكزبرة
3- ونحط البهارات ونحرك اشوي( بهار التندوري يكون اكثر من البهارات الباقيه ) ونضيف له صلصة طماط
وشويت ماي (ماء) بحيث يكون القوام غليظ ونخلي يطبخ على النار لمدة ( 25 دقيقه ) تقريبا
4- وقبل اغلاق النار ( 5 دقائق ) انحط القيمر وهو( بخلط القيمر مع الماء )

ويقدم ساخن مع 0000 خبز النان او الرز الابيض

ويمكن اضافت المكسرات المطحونه مثل 00 الجوز + اللوز وهذا على حسب الرغبه
طبعا انا اضيف المكسرات

وبالهناء والعافيه

تسلم ايدك اختي غزوز

انا اعمل هذي الحركة بس بدل القيمر اضع حليب جوز الهند

او كريمة الخفق وساعات احط روب بس نادر جداً

.. teslam edek 3ala hal wasfeh il taibehhhh. ana kteer bahebha

هلا بااختي احاسيس انشاء الله راح اسوي طريقتج بضيف حليب جوز الهند - كريمه للخفق بالنسبه للروب
اسوي بس طريقه ثانيه اسم الطبخه ( دجاج كشميري ) راح انزل الطريقه


مرحبا فيج krisانشاءالله عجبتج الوصفه

صراحة أنا وأولادي بنحب الأكلات الحريفه ( يعنى كل الأكل الهندي )

يا عيني عليه تسلم يدك

وياالله زيدينا منه كثير

وزورينا هناك

مشكوره يا أم غزيز على الوصفات اللي تنزلينهن كل فتره و فتره

بصراحه كل أكله احلى من ربيعتها ..زائد انه وصفج للطريقه سهل مره

تحياتي لج

تسلم ايديك..جربتها وطلعت اكثر من روعه بالفعل لذيذه حتى اطيب من المطعم ...انا ما كان عندي دجاج مسحب قطعت الدجاجه بعضامها بس قطع ضغيرة ومشيت على الوصفه بحذا فيرها.......تسلمي وزيدينا اكل هندي زيدينا ......

تسلمين ياسيه ويعطيج العافية حبيبتي
بالعافية kris بالعافية 00 انشا الله راح انزل لج طبخات هندية استني علي اشوي

اقول اختي

لو سمحتي

ماعندكم مجال للتذووق

امممممممممممم يسلمو هالايدين يارب

اشلونج حبيبتي طيوفه
يالسه افكرلج في الطريقة للتذوق وحياج الله معانه
مع السلامة طيوفه 000