الحاجة أم الاختراع " Homemade Sub "//طبف متميز//

**إيمان علي** · 15-09-2005, 01:46 AM

بسم الله الرحمن الرحيم

السلام عليكم ورحمة الله وبركاته

رح أختصر قدر الإمكان ..
يا صبايا أول مبارح بناتي قعدوا يزنوا واحنا راجعين من المدرسة بدهم Marco's sub
هذا المحل للبيتزا والصب، أعتقد أنه أطيب صب ساخن ممكن تاكلوه بأي مكان في العالم..
فقلت لهم أنه من يومين أكلنا بمطعم، وهذا صراحة حرام كل يومين!
طبعاً قعد الزن وأنا مطنشة حتى جاءتني فكرة، أنا عندي كل المكونات من الخبز للحشوة، ليش ما أجربها؟؟
سألتهم فتحمسوا واتكلنا على الله..

فكانت المكونات عبارة عن:

خبز الباجيت الفرنسي الطويل
دجاج مطبوخ، أي بقايا دجاج في البراد
مايونيز أو dressing فيه نكهة الثوم، ما كان عندي الدرسينج فاستخدمت المايونيز ولهذا استخدمت رشة ثوم معه
رشة أوريجانو
بندورة مقطعة شرايح أو بأي طريقة
زيت زيتون
جبنة مبروشة من النوع اللي بيمط لما يسيح

وملاحظة أخيرة: بإمكانكن تعملوا ترتيب الطبقات مثل ما بتحبوا وبأي كمية حسب الرغبة، أنا كل ساندويش عملته بترتيب مختلف..
والحق يقال طلع ما في أطيب من هيك أبداً، بنتي الصغيرة ما بتحب الساندويشات اللي فيها مكونات كثيرة، بس حبتها كثير ولأول مرة بتاكل كل الساندويش.. الكبيرة تاكل وتقول: ممممممممم جهزي اللي بعدها يا ماما لأنه الطعم بيجنن، وكثير بيشبه ماركوز صب.

المهم أترككم مع الصور..

وعلى فكرة هي شبيهة بالشاورما اللي كتبتها من فترة

**وردة الرياض** · 15-09-2005, 03:04 AM

تسلم الاختراعات يا ايمان

**Em zaid** · 15-09-2005, 08:10 AM

ايمان ايش الصدف هادي
اليوم كنت عاملة متل سندويشاتك
كان عندي جاج سحبته وبهرته
ومتل مكوناتك ما عدا الجبنة
وكانت بتشهي طيبة
ومرات بحط معها مخلل خيار كمان طيبة

تسلم اديك

**رندوش** · 15-09-2005, 08:36 AM

ايمان تسلم الاختراعات شهتيني اياه
دائما بعتقد انه الصب طعمه غير شكل بس هيك الله يهونها عليك
بعملها و بتفاخر فيها انا بعلم صب
شكرا كتير

**lanloon** · 15-09-2005, 11:25 AM

مممممممممممم شئ بسيل اللعاب يا ام بلال بجد تسلم ايديكِ
و صحتين و هنا و عافيه على قلب بناتك

الله يزيدك من فضله و تظلك تتحفينا

**الباجوري** · 15-09-2005, 12:47 PM

ما شاء الله طريقة رائعة امونة تسلم ايديكِ
الصور خطيرة وباين عليه لذيذ جدااا

**إيمان علي** · 15-09-2005, 03:42 PM

الله يسلمك يا وردة

أم زيد.. صحتين وهنا، اللي عملتيه على فكرة بعمله نفسه بس هذه الشاورما، كتبتها مرة، وكانت أطيب من الشاورما اللي في المخابز

رندوش، الصب بيختلف من مكان إلى آخر، وهو عادة بيكون بارد وفيه لحمة شرايح باردة، وفيه مكونات كثير من الخضار الباردة الغير مطبوخة، لذيذ جداً ولكنه بيبهدل جداً

لكن هذا المحل الماركوز بيعمل الصب محمص مثل الطريقة اللي كتبتها، أكيد فيه اختلاف بالطعم ولكن لا شيء يذكر

الله يسلمك يا لنلون

سلمتي وعشتي رهومة