خبز الرحلات الإيطالي المحشي ||| بالخطوات المصورة |||*°*طبق متميز*°*

السلام عليكم و رحمة الله و بركاته :

كيفكم حبيباتي

الصراحة أن مش شاطرة كتير في حكاية المقدمات
و عشان هيك رح أخش على الموضوع بسرعة ..

رح خبركم أن هي أول مرة أشارك بموضوع في ركن المعجنات
و إن شاء الله تعجبكم مشاركتي و تجربوها

هل الرغيف المخبوز مع النكهات المميزة للمطبخ الإيطالي , رح يعجبك إن شاء الله و هو مناسب للرحلات بما أنه مقطع لأقسام و هي الصورة لتفتح نفسكم :

مكونات رغيف واحد ( يكفي لثمانية قطع ) :

كاستان و ثلث من الطحين الأبيض الفاخر
ملعقة صغيرة من الخميرة الجافة
كوب ماء دافي
نصف حزمة من الزعتر الأخضر الفرش
ملعقة كبيرة ملح
4 ملعقة كبيرة من زيت الزيتون ( منقوع في الفليلفة الحرة للنكهة , و يمكن استعمال زيت الزيتون العادي إذا مش متوفر )

الحشوة :

ربع كيلو نقانق ( أو ممكن يكون اسمها صاصيجو )
بندورة مجففة في الشمس
حبة بصل أحمر مقطعة بشكل رقيق
صنوبر محمص
جبنة غرويير مبشورة ( أو أي جبن أصفر متوفر )

الخطوة الأولى :

- لصنع العجينة , امزجي الطحين و الخميرة و الزعتر و الملح في وعاء كبير .
- اعملي حفرة في نصف الوعاء و أضيفي 3 ملاعق من الزيت و الماء الدافئ و ادعكي المكونات بأطراف أصابعك حتى تحصلي على عجينة طرية , اضيفي شوية ماء إذا كانت العجينة ناشفة شوي .

الخطوة الثانية :

- حطي العجينة على سطح خشبي مرشوش شوي بالطحين و اعجني العجينة لمدة 10 دقائق تقريباً حتى تصير ناعمة و مطاطة .
- ضعي العجينة في وعاء كبير مدهون بالزيت بشكل خفيف ثم غطي الوعاء باليلاستيك إلي يلتصق بالوعاء و خلي العجينة في مكان دافي لحوالي الساعة حتى يتضاعف حجمها .

الخطوة الثالثة :

- أثناء تخمير العجينة حضري الحشوة , قطعي النقانق لشرحات رقيقة و افرمي البندورة بشكل خشن .
- سخني معلقة الزيت الباقية في مقلاة تيفال و قلي النقانق مع البصل و الصنوبر حتى تبدأ تأخذ لون و تنضج و بعدها خليها لتبرد تماماً .

الخطوة الرابعة :

- مرغي ايدك بالطحين و بعدها اضربي العجينة المخمرة بلطف حتى تخرج فقاعات الهواء .
- ادعكي العجينة بلطف و بعدها رقيها لمربع .
- غطي العجنة بحشوة النقانق حتى تغطيها بشكل تام ثم وزعي البندورة المفرومة و أخر الشي رشي الجبنة .

الخطوة الخامسة :

- ادهني صينية كيك من النوع الذي تفصل جوانبه بالزيت .
- لفي العجينة مثل السويس رول بحث تلتف العجينة على الحشوة .
- اضغطي على العجينة بايدك بشكل لطيف حتى تطوليها لـ 50 سم تقريباً .
- مرري سكينة حادة في الطحين و بعدها قطعي العجينة لثمانية قطع متساوية .

الخطوة السادسة :

- رتبي قطع العجين في الصينية المدهونة و غطي الصينية باليلاستيك إلي يلتصق بالوعاء و اتركيها في مكان دافئ مدة 45 دقيقة حتى ينتفخ العجين و يملي الصينية و ما يترك فراغات بين القطع .
- سخني الفرن على 200 درجة مئوية ( أو عيار 6 ) .
- اخبزي الخبز في الصينية حتى يصير لونه ذهبي لمدة 35 أو 40 دقيقة .

و هي الصورة بعد الخبز :

تنويعات :

- في رمضان الفائت عملت نفس الخبز بس غيرت الحشوة , بعد ما مديت العجين غطيته بجبنة دهن و بعدها بجبنة بيضاء و بعدها رشيت الجبنة الصفراء و تابعت بنفس الطريقة ,, طلعت كتير لذيذة و حبتها العيلة كلها على السحووور

و بس
صحتين و هنا و عوافي على قلبكم الحلو ..
أنا بانتظار ردودكم و تجاربكم

اممممممممممم وصلتني الرائحة الزكية فجيييييت جري






ما شاء الله عليك طبق اكثر من رااااااااااااااائع وسهل تسلم الايادي












نورت ركن المعجنات ابق زورينا و خاصة و انت محملة بأطباق و وصفات جميلة مثل اليوم


دمت بخير عزيزتي و الله يعطيك العافية

السلام عليكم ورحمة الله وبركاته
تسلمى ايدك باين عليها يتشهى وطيبه ..بس يمكن نغير الحشوه علشان النقانق صعب تلقيها حلال وين بتحصليها بتكون غاليه ؟؟
يعطيك الف عافيه

منمووووووووووووووووونتي يا ربي نور الركن كله ....لما جيت ادخل الركن ما قدرت افتح من كتر النور اللي طالع منه

كيفك عمري؟؟؟؟؟
و بعدييييييييييييييييييييييييييييين شو هالاكله الطيبه هاي؟؟؟؟؟؟؟؟؟
صدقي قبل قتره شفت هالخبز هاد و ظل بنفسي و قلت ابصر كيف عاملينوا

يللا هي منمونتي ما خلته بنفسي و فرجتني ياه


يسلموا هالايدين يا رب

يا عينيييييييييي
فعلا مميزه وشكله بيشهييييييييييييييي
يعني ليوم شانين حرب علينا منمونه وام البنات
ارحمونااااااااااااااا
يسلم ايديك

عاشت الايادي شي مبتكر ولذيذ وسهل

هلا بأختي الغالية أم البنات

اممممممممممم وصلتني الرائحة الزكية فجيييييت جري

لسه لو تذوقي الطعم ,, حيعجبك أكيد .

نورت ركن المعجنات ابق زورينا و خاصة و انت محملة بأطباق و وصفات جميلة مثل اليوم

الركن منور بعضواته الحلوات ,, و خلاص يا أحلى أم البنوتات ,, رح أهريكم وصفات





هلا غاليتي مصراته

بس يمكن نغير الحشوه علشان النقانق

أكيد ممكن نغير الحشو ,,
أنا ناوية شي مرة جربه بالدجاج !!!
و مثل ما ذكرت جربته مرة بحشوات الجبنة و طلعت كتير طيبة

يعطيك الف عافيه

الله يعافيك يالغالية ..
نورتيني





هلا بحبيبة قلبي و نور عيوني لنلونتي

لما جيت ادخل الركن ما قدرت افتح من كتر النور اللي طالع منه

لاااا خلاص راسي كبر
و بالزور عرفت أدخل للموضوع و أرد

كيفك عمري؟؟؟؟؟

أنا مشتاقة لك كتير ,, و نفسي أعملك زيارة على إيطاليا و أحطك و نحكي

يللا هي منمونتي ما خلته بنفسي و فرجتني ياه

يلى يا عسل ..
بقي عليك التطبيق

أنتظر ردك ر تطبيقاتك




هلا بأختي الغالية أمولة

فعلا مميزه وشكله بيشهييييييييييييييي

هذا من لطفك و زوقك يا عسل ..

يعني ليوم شانين حرب علينا منمونه وام البنات

يسلم ايديك

الله يسلمك حبيبتي ,, و نورتيني





هلا بأختي العزيزة دودي

عاشت الايادي شي مبتكر ولذيذ وسهل

هذا من من لطفك حبيبتي
مشكورة على المروور و الرد

مين منمن عم قول انا ليش هل الركن منورة زيادة عم اللزوم عم قول انا
اتاري طلعت منمن هون اي هيك ها من الاول اشتناقلك يا عسل
واشتقنا لوصفاتك الطيبة والغير شكل وهل الخبز بشهي
تسلم هل الادين يارب ولا يحرمنا منك
نورتي يا غالية نورتي

منمن
طبعا انت مش بحاجة لرأيي
ما شاء الله سياسة الخطوات مريحة
طبعا للمفضلة لحين التطبيق بعد الانتهاء من الكيلوات الزائدة..

سلمت يا أحلى منمن في الوجوووووووووووووود

يامنى ممكن نستعمل عجينه السينمون ونعملها بأى حشوه صح والا مش ممكن. انا مخمره عجينه وحأعملها سينمون . ممكن اعمل قطعه منها بهده الطريقه واجربها تعيش ايديكى وافكارك