LinkBack URL
About LinkBacks
المسخن الفلسطيني بطريقة السندويشات اسهل واسرع واوفر واحلا شكلا وللعزايم احسن بكتيير
كيفكم يا بنات طبعا ما في بعد المسخن التقليدي بخبز الكماج بس اله شوية عيوب وهو الزايد ما بنئدر دايما نرجع ناكله مع العلم طعمه غير عن هاي الطريقه بس الطعم قريب...
واكيد انعرضت مثل هاي الطريقه لكن لكل وحده اسلوبها وانا بقدمها بطريقتي:
طبعا هاي الطريقه حلوه للعندها عزومه وحابه تشكل بالسفره وتنوع وازا زاد منه عادي بتسخن تاني يوم بالفرن وبتاكل كانه هلاء انعمل...
المقادير
خبز صاج رقيق مثل الكلاج
بصل كميه كبيره
صنوبر او لوز حسب الذوق
دجاج
سماق
كمون
ملح وفلفل وبهارات لمرقة الجاج
الطريقه
قلبي البصل بكميه من الزيت على نار متوسطه حتى يذبل :
فرمي البصل وخدي شويه منه وحطيه فوق الدجاج بالطنجره مع شوية زيت زيتون وقلبيهم شوي وحطي مي عليهم وخليه ينسلق ولا تنسي تسفي زفرة اللحمه وبعدين حطي البهارات على زوئك:
هلاء قللي شوي من الزيت وحطي الصنوبر المقلي المحمر والكمون حتى ما تعب المعده من الزيت والبصل الكتير :
قطعي الدجاج قطع صغيره وضيفيه الى باقي الخلطه وحطي السماق وملحيها للخلطه ودوئي ملحتها للتاكدي:
بنحتاج لخبز الصاج يلي راح نقطعه قطعه مستطيله ونحط بداخله الحشوه ونلفه زي ما بنلف الورق دوالي :
افردي الخبز وحطي بالوسط من الحشوه وسكري الاطراف الجوانب ولفيها مثل الورق دوالي:
بعد ما نلفهم ونصفهم بصينيه مدهونه زيت زيتون بندهن كل لفافه من فوء بالمرقه دهنه خفيفه وبعدين دهنة زيت زيتون وبنحطهم يتحمروا بالفرن:
وممكن نعملهم صغار كتيير اصغر من هيك بس انا كنت مطره اعملهم شوي كبار لديق الوقت يومها عندي:
انا حطيت بين كل طبقه منهم محارم ليمتص الزيت الزائد ونقلل من نسبة الدهون نوعا ما :
وصحتين وعافيه
للطلب مراسلتي على الخاص
شو هالروائع يا بنت مفيد
يعني اول كنا اصابع بنت مفيد وهلاء مسخن بنت مفيد بوسيلي وعود الصغيره بنوتك وان شاء الله يعجبهم ويضلوا يحكولك كمان يا ماما بدنا مسخن بنت مفيد 
....
الروابط المفضلة