][طبق متميز][وسع وسع فطيرة الدجاج الخاصة بام سهيل وصلت

**ام سهيل** · 07-06-2005, 08:29 PM

السلام عليكم يا احلى عضوات

عمري ماكتبت لكم وصفاتي للمعجنات

قلت ازودكم باحلى وصفات

بس لاقيت ركنكم مليان بفطيرة الدجاج

بس مالاقيت وحدة مثل فطيرتي

وهذه هي في الصورة

راح اعطيكم مقاديرها هي تفجع بس لما تسوها

راح تلقوها سهلة

ومقاديرها متوفرة في كل بيت صدقوني

انا لما احوس اعملها

نجي للمقادير:

كاسان دجاج مسلوق وقطع لقطع صغيرة
فنجان بازلاء, انا استخدم ذرة بدلا عنه
جزرة مسلوقة ومقطعة لمكعبات بحجم البازلاء
بصلة متوسطة
ملعقتان دقيق
بيضة وممكن الاستغناء عنها
نصف كاس حليب
نصف كاس مرقة دجاج مسلوق
4 ملاعق زيت
نصف ملعقة فلفل اسود
ملح.

مقادير الفطيرة :

كاسان دقيق
من نصف الى ثلاث ارباع الكاس سمن او زبدة
بيضة وممكن الاستغناء عنها
ملعقة صغيرة بيكنج باودر
ماء وعصير ليمون للعجن
ذرة ملح.

طريقة عمل الفطير:

ضعي الدقيق ومعه السمن وافركي باطراف الاصابع مع رفع الايدي الى الاعلى

حتى يتخلله الهواء ثم اضيفي الملح والبيكنج باودر.

اعجني بالماء المضاف اليه نقط من عصير الليمون حتى تتكون عجينة يابسة نوعا ما .

اقسمي العجينة الى قسمين قسم لتبطين الصينية وقسم لعمل شرائح على وجه الفطيرة

بطني القالب من القاع والجوانب بالعجينة بعد دهنه بالسمن ثم خرمي القاع

بالشوكة

ثانيا عمل الصلصة

ضعي ملعقتين من الدقيق على ثلاث ملاعث من الزيت وارفعيهم على النار وقلبي قليلا

ثم اضيفي نصف كاس مرق الدجاج ونصف كاس حليب وبيضة

وقلبي جيدا حتى يتجانس الخليط ضعي عليه الملح والفلفل

واطفئي تحته

ثالثا عمل خلطة الدجاج :

قطعي البصلة الى حلقات وحمريها قليلا في الزيت

اضيفي معها البازلاء والجزر وقطع الدجاج المسلوق

وقلبي قليلا على النار

ثم ضعي خليط الدجاج على خليط الصلصة البيضاء

وقلبيه جيدا حتى يتجانس مع اضافة الملح حسب الرغبة

اخيرا :

ضعي الخليط في القالب المبطن بالفطير ثم غطي القالب بباقي العجين

على هيئة شرائح عريضة بالطول والعرض والورب ثم تطوى الفطيرة من الاطراف

وتبرم

اخبزيها في فرن حار لمردة 35 - 45 دقيقة

اخرجيها من الفرن وقدميها ساخنة

وبالهناء والعافية .

**وَطَن** · 08-06-2005, 12:27 AM

السلام عليكم ورحمة الله وبركاته
ما شاء الله ،،هلا تفضلى أختنا أم سهيل منورة والله

لا وشو وصفة مرتبة وحلوة و سهلة،،

جزاك الله كل خير يا أم سهيل ويعطيكى العافية

**وعود الخير** · 08-06-2005, 12:12 PM

انا باقول لحالي من هذه اللي نازلة فينا وسع وسع

تقولي سايقة قطار ومبسوطة بحالها مع فطيرتها

دخلت اشوف شو القصة

لقيت ام سهيل ما غيرها

واااااااااااااااااااااااااااااااو

شو اعمل يا ام سهيل اختاري العقوبة اللي تناسبك

يعني عالصبح مش مفطرة والاقي فطيرة بتشهي من الصورة

شو احكي اقول سلمت الايادي والا اقول تسلمي

بصراحة ..................رووووووووووووووووووووعة

وتحال للتطبيق.. خلاص اعتمدنا عشا الخميس..

**ام سهيل** · 08-06-2005, 03:16 PM

اهلا فيكن

جبل النور مشكورة على ها الاطراء الحلو
وتسلم لي طلتك الحلوة

وعود بدي عقوبة انك تعزميني لما تعمليها
والله عن جد حلوة وانا لما اعملها اعمل معها شوربة خضار وتصير وجبة ما احلاها

وبالعافية مقدما ياغالية .

**الباجوري** · 08-06-2005, 04:07 PM

تسلم ايديكِ عزيزتي ام سهيل شكل الفطيرة ما شاء الله جميل جداااا

والطريقة واضحة بارك الله فيكِ عزيزتي

**ام سهيل** · 08-06-2005, 10:49 PM

الله يسلمك غاليتي الباجوري

ايش تجي جنب طبخاتك يالغلا.

**lanloon** · 09-06-2005, 01:50 AM

ماشاء الله شكلها بشهي كتييييير
يعطيكِ العافيه

سنسن شوفي شغلك

**سنووايت** · 09-06-2005, 08:17 PM

ام سهيل والله زعلتيني منك وين كنت مخباية كل هيدا
وهلق لحتى بينتي على الشاشة
لالالا هيك ما بصير ولك طالع معك ولا شيف
ما احلاها تسلم ايديك يارب ودائما بدي انتظر منك هيك اطباق
تكرم عينيك لنلون راح شوف شغلي

ستاهل ام سهيل لانو طبق مميز

**meeemo** · 10-06-2005, 06:03 PM

عزيزتي ام سهيل
جربت الوصفة بس انت ما حددت معيار المي فحطيت 1\4 كاس مي وطلعت العجينة كتييييييييييير مرءة وحرام اكبها فشو رايك? ازيد طحين واستعملها??????

**وَطَن** · 10-06-2005, 07:09 PM

أختى ميمو وبعد إذن أختنا أم سهيل لحتى ما يضيع الوقت وتخرب العجينة أنا بفضل انك نزيديها طحين لأنه حرام تكبيها فعلا وإذا خايفة من النتاتج ممكن تزيدها الطحين لحد ما تصير منيحة وبعدين تنفرد واعمليها على شكل مثلثات أو شو ما بتحبى أشكال وإقليها بالزيت وبعد القلى رشيها سكر أو زعتر
بتطلع زلابيا طيبة... وجربى عجينة الفطيرة مرة تانية وحطى المى شوية شوية لحتى ما تمرق معاكى... أتمنى أكون أفدتك بشئ..
تحياتى