ركن الحلويات المغربية

الميل فوي
عجين مورق
كريم باتسيير(بودرة تحضير الكريم باتسييير+1/2لتر حليب +سكر تحط على النار وتقلب حتى تعقاد)
سكر كلاصي
ملعقة من الحامض
قليل من الشكلاط السود
يبسط العجين المورق ويقسم الى 3 مستطيلات متساوية يوضع في صينية ويتك بالشوكة
نضع فوقه ورقة ونتقاو بشحاجة تقيلة صينية اخرى متلا
مين يطيب العجين نحضر الكريم نحط الطبقة من العجين المورق فوقها كريم ساخن تم التانية تم الكريم تم التالتة
نخلط السكر كلاص مع الحامض وقليل من الماء حتى يصبح عجينة سائلة شيئا ما نغطي به وجه الحلوى نديب الشكلاط وبواسطة بوق مصنوع من الورق نضع خطوط متوازية فوق الكلاساج وبواسطة راس سكين نرسم خطوط في التجاه المعاكس للحصول على زواقة د الميلفوي نخليوها تيبس
ونقطعها بسكين حاد مستطيلات صغيرة

السلام عليكم اختي الحلوة جميلة جدا الوصفة

شكرا شمسية على المرور

تبارك الله على نانا وخلاصو اللع بعطيك الصحة

نانا واش هاد الركن نشاركو فيه معاك و لا لا هههههههههه
عندي واحد الاقتراح باش ايبانو الوصقات حينت غادي يكثارو ان شاء الله يمكن لينا نكتبو الوصفة بشي لون مغير على الردود و التعليقات الا عجباتك الفكرة اختاري لينا شي لون لي كلشي يكتب بيه غير الوصفة اوكي و سمحي ليا

شكرا أنا عملتها زوج المرات ولكن كنلقى صعوبة في تقطاعها لأن كريم باتسيير كيخرج من الجناب

حنان عندك الصح يا لله بداي انت كتبي لينا بالأحمر لون الحب والله فكرة عبقرية ماعمري فكرت فيها
مرحبا بالكل ولكن الوصفات خاص تكون مجربة ما ضحكوش علينا رجالنا

ام ايمن خاص الموس يكون ماضي والحلوة باردة في التلاجة او غير جربي هاد المرة غتنجحي وصيفتي لينا الصور

اوكي الحبيبة انا راه من صباح و انا كنقلب عليكم حتى طحت في حلوى ديال donut عرفتي من شحال هدي و انا كنقلب على الوصفة حينت كنشريها لذيييييييييييذة بزاف انا غدا عنجربها ان شاء الله

ام ايمن خاص الموص يكون ديال الخبز لي فيه سنينات بحال المنشار