"شعار التميز"عيش السرايا اللذيذ والسريع ... واكيد بالصور

حبيت اوريكم اشلون اسوي عيش السرايا وطعمه لذيذ



اول شي طبقة التوست

لما اعمل اي شي من التوست تزيد عندي الاطراف فاحمرها بالفرن وبعدين اطحنها يصير عندي شكلها مثل البقسماط

اخذ منها كوبين ونص واحمره اشوي على النار بدون دهن

وبعدين ابعده عن النار واكب عليه كوب ونص شيره او اقل حسب ماتحبين الحلى واخلطه جيدا حتى يتشرب كل الشيره

احط الخليط في طبق البايركس واساويه واضغط عليه اشوي اشوي

نجي لطبقة القشطه

كاسين حليب سائل
خمس ملاعق اكل نشا مملوئه
قليل من الهيل
وماء ورد
وعلبة قشطه

احط الحليب والنشا والهيل حتى يثخن عندي وبعدين اكب فوقه القشطه واخلطه بسرعه حتى يمتزج الخليط جيدا
اخر شي احط ملعقتين او ثلاث ملاعق ماء ورد واخلطه

اصبه فوق طبقة التوست واساويه وارتب شكله



نجي للمكسرات

حطي صنوبر والكازو وحمريهم بالدهن اشوي

وحطي لوز مكسر وفستق واشوي جوز الهند

بالاخر حطيها بالثلاجه حتى تبرد وقطعيها ووزعيها

وفي ناس تحب تاكلها وهي دافيه او ساخنه اشوي

وعليكم بالعافيه







وتراها ما تاخذ وووووقت

المفروض احط شعار ماكو فكه من السمنه مع ام عزيزان ههههههههههههههههه

المفروض احط شعار ماكو فكه من السمنه مع ام عزيزان

الطبق رهيب ورائع
وطبقناه من زماااااااااااان بعد ما شفته في حواء وانبهرت فيه

يا سلام عليج يا هنووووووووووووووووده

دايما سباقه بالشغلات الحلوه والمشششششجعه

ومافي احتجاج طلبك مرفوض هههههههههه

ااااه توني متغديه ومشتهيته ......

مشكلتي كسوله

يعطيك العافيه

مااااااااااااااا شاء الله تجنن ولا الجاهزة كل طرقك جميلة ومتبوعة بالصور


اللة لايحرمنا من ابداعاتك

رفقاً بنا يام عزيزان

كل يوم طبق احلا من الثاني

ما شاء الله عليكِ

واوزاننا في تزايد الله المستعان

هلا الغالية ام عزيزان

تصدقين عاد ماعمري سويت عيش السرايا
الحين اجربها انشاء الله
مشكورة الغالية على الطريقة الحلوة
وماننحرم الغالية من وصفاتج

بسم الله عليك يا ام عزيزان
روعههههههههههههههههه
بس سؤال مبارح فضل عندي خبز فرنسي
ممكن احمصه واطحنه معقول يظبط او لالالالالالالالا ؟؟؟؟؟؟؟
شو رايك انت
يسلم ايديك يا رب