كريم كراميل غير شكل وبالصور

**عذبة لحساس** · 11-12-2005, 09:05 PM

السلام عليكم

ماادري اذا تعرفون الطريقة هذي بالكريم كراميل بس لي اعرفه انها الذ طريقة جديدة وروعة

(مااحتاج اذكر هي تجربة والصور من المصدر المااخوذ منه الطريقة )

المقادير

علبة حليب محلى (نستلة او اي نوع تبغين )
علبة حليب ابو القوس المهم الخاص بالشاي مو مهم ايضا اي نوع
8 بيضات
ملعقة ونصف فانيلا
12/ نصف كوب سكر

الطريقة
نفصل الصفار عن البياض ونضع الصفار في زبدية

نضبف اليه الحليب المحلى وحليب الشاي والفانيلا ونخفق

يترك الخليط على جمب ثم نضع السكر على النار ليتحول الى كراميل

نضعه بسرعة في صينية الفرن قبل ليجمد

ممكن تخلينه يبرد بالثلاجة او حتى بره ماياثر المهم ماتحطين الخليط على الكراميل وهو حار لانه راح يختلط مع بعض ويصير شكله مو حلو

**عذبة لحساس** · 11-12-2005, 09:09 PM

نضع الخليط فوق الكراميل ثم نضعه في صينية اكبر

ونضع القليل من الماء استعدادا لادخالها الفرن

يترك بعد اخراجه من الفرن ليفتر ويبرد بعدها بالسكين نمرره على الاطراف ليسهل قلب الكريم كراميل في صحن التقديم

وهذي النتيجة النهائية

جربوه يابنات تراه سهل ومايبغاله وقت والكل في عيلتك راح يحبه

**ملكة جدة** · 11-12-2005, 09:10 PM

تسلم يدك ياحلوة الصراحة الحلو مايطلع منه الا الحلو اكييييييييييييييييييييد انتي حلوة ياقمر

**شفق** · 11-12-2005, 09:14 PM

شكله عجيييب ويجنن

عجييييبه يا عذوووبه

حلوو و بجربه ..
انتظري النتايج

تسلم ايدج
وأنا بشوق لرؤية جديدج

**mmjh1** · 11-12-2005, 09:26 PM

بسم الله الرحمن الرحيم
اعطيكي العافيه شكلو جدا لذيذ
بس عني سؤال
ليه فصلتي الصفار عن البياض ؟
يعني ما نستعمل البياض بعد ذلك؟
وهل هذه القالب فيه كميه واحده ولا ضاعفتيها ؟
والقوالب البلسكيه فين الاقيها اذا ممكن ؟
وشكرا لكي وسلمت يداكي

**عذبة لحساس** · 11-12-2005, 09:49 PM

هلا اختي ملكة جدة

عيونك الحلوة عيوني وتسلمين الغالية على المرور العطر

هلا اختي شفق

وانا بنتظار النتيجة الغالية وانشاء الله يعجبج

**عذبة لحساس** · 11-12-2005, 09:56 PM

هلا اختي mmjh1

الغالية فصلت الصفار لاني مااحتاج غيره يعني مايدخل بالطريقة البياض (البياض لاتكبينه استخدميه كطريقة للمرينك للاولاد او حتى للكبار حرام ينكب)

هذا القالب فيه نقس الكمية لي سويناها مومضاعفة لان القالب بعد التكبير يبين كبير مرة بس هو من الحجم المتوسط ولاتنسين ان الحليب المركز والحليب الخاص بالشاي يزيد الكمية ويضاعفها

اختي القوالب لبلاستيكية ممكن تلاقينها بالبقالات لكبيرة (انا مااعرف انتي من وين عشان احدد لج )
بس اذا انتي من السعودية هي تلقينها بالسيف ووي او لاست شانس او بندة وبالبحرين نفس الشي بالبقلات لكبيرة يااختي هو سهل الحصول عليها بس على فكرة موشرط نجاح الطبق بالقالب القالب فقط منظر

وهم ممكن تلاقينه بالمحلات لي تبيه الصواني الخاصة بالحلويا ت

اتمنى اني ساعدتك واذا في اي سؤال اختي حاضرة