عندما يدخل اسلامي في الإنتخابات المصرية ؟!!
مرة واحد إسلامي دخل الانتخابات
نجح ، قالوا : بسبب الشعارات الدينية
سقط ، قالوا : خايب ودخلها ليه أساساً
قاطع الانتخابات ، قالوا : شفتم السلبية وبيتكلم عن الايجابية والمشاركة ؟!!
دخل بأغلبية ، قالوا : عشان يكوش على المقاعد وتبقى دولة دينية
دخل بثلث المقاعد ، قالوا : عشان حق الفيتو ويعترضلنا في كل حاجة
دخل بأقلية ، قالوا : شفتم .. ده حجمهم الحقيقى.
ساب لهم البلد ومشى , قالوا : سابولنا البلد خربانة وطفشوا .
ساب الأرض وراح المريخ , قالوا : شفتم حايعمل غزو عربي وينشر الوهابية .
رجع تاني يزورهم , قالوا : عاوز يبقى زي الخوميني ويمسك الحكم.
رفع عليهم قضية سبّ , قالوا : بيسئ استخدام الحق العام وضد حرية التعبير واحنا كنا بنهزر .
فقد أعصابه وشتمهم ,
قالوا : شوفت السفاله .
سابهم وراح اعتكف ,
قالوا : شوفت الدروشه .
قام راح شغله ،
قالوا : طمعان في الدنيا .
نزل التحرير،
قالوا : ركب الثورة .
سابلهم التحرير،
قالوا : خان الثورة
ربى دقنه ،
قالوا : متمسك بالمظهر مش الجوهر .
حلق دقنه ،
قالوا : منافق
زهق ورمى نفسه في النيل ,
قالوا : كافر وانتحر.
إرضاء الناس غاية لا تدرك فاحرص على إرضاء ربك ولا تجعل كلام الناس يغير من رأيك وطريقك ما دمت على طريق الحق
رد مع الاستدلال
الروابط المفضلة