قصيدة كتبها واحد متعقد من المكياج

**داعيه لله** · 23-01-2010, 07:39 PM

السلام عليكم ورحمة الله وبركاته

قصيدة كتبها واحد متعقد من المكياج تقول :

يا صانع المكياج الله يجازيك

خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت أصلي

خليتني اركض ورا البنت هاذيك
واشوفها أجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شف حسني الأخاذ وروجي العسلّي

طالعتها ثم قلت هالقلب يبغيك
ومن شاف حسنك خلى غيرك يولي

ابغي اشوفك دون مكياج يكسيك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الأرض تدور وأنا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج ...خلها تولي

**ام العزاز** · 23-01-2010, 07:46 PM

ههههههه

اللي بلا مكياج خلها حواليك
واللي تحط مكياج ...خلها تولي

صح لسانه وتسلم يدك الي نقلت ياغالية

**روعة الأيام** · 23-01-2010, 07:53 PM

يسلموووو
صراحه قصيده حلوه
يعطيك العافيه

ريمي*** · 24-01-2010, 12:34 AM

قصيده في محلها تسلمي ياعمري

**شدىالالحان** · 24-01-2010, 10:08 AM

ياكاتبة الوضوع الله يجازك
سكبت دموعي من كثر ضحكي
الله ينصرك على من يعاديك
وينور وجهك يوم تلاقي ربي

**وعود الخير** · 24-01-2010, 10:10 AM

صح لسانه

معاه حق

الله يرحمها ستي كانت تقول اذا الشاب بيتزوج بنت ممكيجة خلي يغسل وجهها قبل ما ينوي

شكرا لك داعية على نقل هذه الابيات

**مــزن** · 24-01-2010, 10:23 AM

يا صانع المكياج الله يجازيك

خليتني مخدوع في شكل خلي

ههههههههههههههه هههههههههههههه هههههههههههههه
صح لسانه
مطلع رااااااااااااائـــــــــــــــع
هو صـــــــــــــــــــــــــــــــــــــادق
جزاااااااااااك ربي خير ومشكورة وجـــــــــــــــااااااااري تحميل القصيدة

**داعيه لله** · 25-01-2010, 09:20 AM

أهلين وسهلين فيكن أخواتي الحبيبات نورتوااااااا

مزن .........وعود الخير .........شدىالألحان ........ريمي ........روعة الأيام ..........أم العزاز

**ابريكه** · 25-01-2010, 09:26 AM

هههههههههههههههههههههههههههههه
اعشق القصائد الخليجية
لانها جدا قريبة من قصائدنا الليبية
وبعض الكلمات ينطقونها مثلنا
صح لسانة هالشاعر
بس اقولة
المكياج في هالزمن لا غنى عنى
ولو الوجة زين وحلو

**صاحبة الـ@ـسك** · 25-01-2010, 10:41 AM

ههههه تسلمى حبيبتى

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: قصيدة كتبها واحد متعقد من المكياج

أدوات الموضوع

العرض