عــــــــــــراق المحبة والاخوة يرحب بالعراقيات وكل الحبايب في شهر الخير والطاعه

**ام سما - العراق** · 02-09-2009, 02:29 PM

السلام عليكم ورحمة الله وبركاته
اليوم انسد البيت لان احنه صايمين فنطلع الحركة بالحجي والسوالف واكو ناس خفافيش اصلا متنام وفتحت الكم بيت بمكان البيت القديم يارب يكون بيت خير علينا كلنا
ان شاء الله
طبعا انتو هسه صايمين فمراح اضيفكم بشي من تفطرون اجيبلكم عمعم
يلا حبايبي تعالو نورو البيت بسوالفكم الحلوة

***مسك الختام*** · 02-09-2009, 02:32 PM

تسلمين حبي ام سمااوي وعاشت ايدج

على البيت ربي يديم اللمه الحلوه والمحبه بي

**بنت رمادي** · 02-09-2009, 02:43 PM

تسلمين ام سماوي

***مسك الختام*** · 02-09-2009, 02:49 PM

يالله حبايب اروح انام

باجر ورايه كعده من الصبح

نشوفكم بخير مع السلامه

**ام مسرة** · 02-09-2009, 03:04 PM

السلام عليكم ورحمة الله وبركاتة
عاشت ايدك ام سماوي وربي يجعلة عامر باهلة الطيبين
واسمك كلش حلو بنت اختي هم اسمها روى بس يدلعوها غندورة فشنو رايج ندلعج انتي هم بغندورة هههههههههههه
ام رناوي نوم العافية عيني ربي يخليلك البنوتات
هاي شنو اليوم رغودة حانة علية واجتي شلونك عيني اكول رغودة مجربتي طريقة التلقيح
هنا صديقة صديقتي سوتها وماشاء الله حامل جربيها بلكت ربك يسهلك ويفرح قلبك
ام بروئي خطية الحشرة خوما اتذت من كرصتج ههههههههههه
ليش هيج يصير خفقان مرحتي لدكتور خاف عندك فقر دم قوي لو قلبج ديحب ومديتحمل قوة الحب
رسولة وينج عيني ان شاء الله وصل الوالد بالسلامة اليوم يكن منشوفج مكابلة المشاوي وكاعدة
ام يوسف الله يخليلك الاولاد والله صحيح هوسة بس هم منكدر بدونهم من تطلع مسرة
مرات وية ابوها والله احس البيت مو حلو ربي يخليهم ويهديهم
ام سيف وينج عيني شلون صرتي ربي يشافيج
ام عبدالله شو مرة وحدة دخلت وبعد ماكو ان شاء الله خير

**ام مسرة** · 02-09-2009, 03:07 PM

حيل شكد حجيت عود صايمة
الفطور اليوم ان شاء الله دجاج وبرياني والحلو راح اسوي كنافة
ام سما ليش زعلانة عيني اذا تريدين ادزلج اميلي او رقم تليفوني تدللين
وبعدين كل هالاكلات الي تنزليها موصلت الردود 300 شدي حيلج تريدين انطيج كم رد من يمي هههههههههه

**ام سما - العراق** · 02-09-2009, 03:51 PM

هلا وكل الهلا بام مسرة حبي شلونج لا والله مزعلانه بس انقهر اشوفكم تحجون من ورايا واني هنا وحدي صافنه هههههههههه
اني بعدني داادور على حلو وملكيت شي ببالي
اما بالنسبه للردود لمو على الروس محتاجه ردود وحالتي ضعيفه ههههههه
ام براء وينج حبي اشو معزومه يعني فطور وهوسه ماكو شعندج بعد متكعدين تسولفين ويانه؟
رسولة حبي ان شاء الله يجي الوالد بسلامه وتفرحين بشوفته
رغوده حبي صدك اني هم اعرف جماعه جربوا التلقيح ونجح عدهم انتي شكم سنه صارلج متزوجه ربي يرزقج بجاه هذا الشهر العظيم
ام رنا تصبحين على خير واحلام ورديه اقصد بنفسجيه ههههههههههههه

**flower_10** · 02-09-2009, 04:30 PM

سلام عليكم
مبروك البيت الجديد
ان شاء الله عامر بوجودكم

**المطبخ وبس** · 02-09-2009, 04:58 PM

مبررررررررررروك البيت انشا الله عامر بسوالفنا الي ماتخلص
عاشت ايدج حبي رؤى واسمج كلش حلو ذكرتيني بصديقتي ايام الابتدائية
ام مسرة طلع حشور مو حشرة سرسري هههههههههههه