احلي تجمع لبنات الكروشيه

السلام عليكم

وعليكم السلام و رحمة الله و بركاته

بصى يا مشمش الى محيرنى انه مش بخيل
يعنى بيجيبلى هدايا من غير مناسبات
لما بنخرج الصراحه مش بحاول اطلب منه حاجه وبحاول تكون الخروجه بأقل مصاريف اصلا
اساسا انا مش بحب اطلب حاجه من حد و مش بحب اكلف حد

هو كمان نضيف جدا و شيك فى لبسه و تصرفاته و كلامه و كل حاجه

بصي يا بوسي سلوي صحبتي بعد ما بنت خالته اتدخلت جامد وضايقتها ف حاجات ملهاش تدخل فيها هي بطلت تستحمل
لانه يوم العفش كل شويه تنقي حاجه ف حماتها تقولها لا هاتي زي بتاع تشوي الا ايه ده الصالون زي بتاع نشوي
الاوضه لازم تجيبها زي بتاعت نشوي البنت اتخنقت نشوي دي بنت خالتهم وهو معندوش اخوات بنات وباين انها مسيطره علي امه وهو ابن امه وبيمشي كلامها
بعد ما اختارت غرفتين نوم حلوين قالها نقي واحده راحت منقيه واحده جت امه قالت له لا هات دي دي شبه بتاعت نشوي
راحت سوسو بعل كده قالت نعمل تسويط وراحت مناديانا كلنا واختارنا الي عجبتها هي وامه اتضايقت قوي
فقررت هي بعد كل ده تفك الخطبه

انا فكرت كتير اسيبه و انهى الخطوبة
مرة بجد رجعت من شغلى و انا بقلع شبكتى قلعت الدبله و حطيتها فى علبتها و قررت اكلمه و اقوله خد حاجتك
و قلت لماما و ماما هى الى قعدت تهديني


اناعارفه ان ظروفه مش مساعداه بس كمان انا مش هتجوز كل يوم
و انا مش طالبه المستحيل يعنى انا طالبه كله فى حدود المعقول

المهم اقولها استهدي بالله تقولي ابدا ده قبل ما يبوسني حيروح يسأل نشوي
وبعدين انا عرفت انها كانت بتحبه وانه رفض يتجوزها لانه مش حاسس نحيتها بشئ ف ممكن تكون لسه بتحبه وممكن تكون بتخرب كل جوزاته بسبب كده انا مش مستعده اتطلق وف ايدي عيل

المهم كل يوم يا حبيبتي يهديكي يرضيكي لالالالالالالالالالالا
زاتصلت بحماها وقالت له كل شئ نصيب
عارفه بقيت اغصب عليها تصلي استخاره
كل يوم تقولي لا بردو مش مرتاحه
لحد امبارح حماها راح زارهم وطيب خاطرها ولبست الدبله تاني لوحدها واتفقو ان محدش يتدخل ف حياتهم

بقولك كده علشان اوصلك ان ربنا هو الي ممكن يساعدك انك تشيلي الهم الي علي قلبك لو كل يوم تصلي حينورلك طريقك والله ويمكن انتي تقتنعي وتشوفي خير

انا مش بقولك فكيها يا بنتي ربنا ما يجيب كده ابدا انا بقولك حاولي تلجأي للي بأيده كل الحلول علشان تبقي مرضيه وتقولي خلاص انا حاولت وربنا اختارلي الصح وخلاص

يارب يامشمش بجد انا بقيت مش عارفه اركز فى اى حاجه فعلا
ربنا يستر
وان شاء الله اصلى و احاول اتكلم معاه بهدوء
مشكلتى اى بحاول مجرحوش بأى كلمه ولو صغيرة ولا احسسه انه مش قادر يجيبلي الى عايزاه
اناعارفه انه احساس صعب على اى حد ما بالك لو راجل قدام خطيبته

ربنا يصلحله الحال

انتو منين ف كفر الشيخ

اه يا جميل انا عارفه انه مش قصدك كده
انا بحكيلك الى فكرته و عملته بس


ربنا يقدم مافيه الخير
و يهديه هو و حمايا ده


انا من اول نظرة ارتحت لخطيبي
بس مناول نظره مش مرتاحه لحمايا ده خااااااااااااالص ههههههههههههههههه
شكله سوسة كده

انا من دسوق لو تعرفيها

هو بقى من بلد قريبه بس تبع الغربيه
بينا و بينها نص ساعه او اقل