تم حذف الصورة لمخالفتها



عندما ذهبت الى معمل التحاليل الطبية لعمل اختبار حمل لأول مرة كنت متوجسة خيفة اثناء ذهابى للحصول على النتيجة ..
اديا متلجة .. ضربات قلبى سريعة متلاحقة .. امتلاء المثانة و رغبة فى الذهاب للحمام كل دقيقتين و نص و كأنى على وشك سماع نتيجتى فى الثانوية العامة مع العلم انى كنت ثانوى فندقى مش عام
عرق فى عز ديسمبر و ارتعاش فى الاطراف و زغللة لدرجة فكرت امشى وانا على باب معمل الطرشى.. التحاليل

واخيرا استجمعت شجاعتى ودخلت اسأل

:مس اا اا ء ال خيي ررر

الممرض اللى قاعد : نعم

: الناحا ناحا نييي الترجمه كنت عملت تحليل حمل امبارح و عاوزة النتيجة

:مييين .. و بعد ما عدت الجملة 3 مرااات قاام فهم ..

الحمد لله

وبصلى بصة ذات مغزى و ارتسمت على شفتيه ابتسامة تشف من نوع حسرة عليها يا حسرة عليها و قال بانشكاااح مبرووووك يا مدااام بوستيف مبروووك

ام يوسف يعنى حامل فولد و كمان اسمه يوسف مش مصدقة نفسى

وفضل الممرض يقول مبرووك و يبتسم و يفرك ف اديه وهو منتظر الحلاوة حلاوة على ايه مش فاهمه انا اللى حامل يا بئف مش انت و نتشت التحليل منو اتأكد بأم و اب و عم وخال عينى و عين اللى خلفونى

فعلا بوستيف

مش شايفه حد ولا حاجة ولا سامعه اى شيىء حواليا وفجأة مع تأكدى من النتيجة .. اتلوت كتافى لورا و انبعج بطنى للامام و مشيت ببطء السلحفاة عشان عاوزة احافظ ع النونو كوانونو زوغنونو جمال عين امه

و فضلت افكر ازاى .. ازاى ازاى ازاى .. هنقل الخبر دا لزوجنا المصون

يتبع ....

اه طبعا حالة ولادة تستنى معانا هنا بدل ما تروحى و ترجعى طبعا ..

!!!!

************************

لااااااااااااااااااا لسه بدرىىى ارجع بالشريط يا ابنى


بروروروروروروررىء " صوت الشريط وهو بيرجع

*******************

50 كيلو يا مدام ازاااى .. ازاى دى مصيبة

***********************

ورا كماااان

برورورورورورىء

**************************


بوستيف يا مدام ..



كان زوجى العزيز فى بداية زواجنا بيشتغل لمدة خمس ايام متواصلة مع الاقامة فى مكان العمل و بيرجع البيت يومين بس اجازة

وانا طبعا مراوحى مش متحملة اتعايش مع خبر زى دا لوحدى لازم اقوله هقوووله هقوووله هرووووح و اقوله

بس الواجب استنى اما يرجع اجازة و اعمله جو و حركات و حورات و فكر ثوانى و اكسب سودانى

لكن ف الحقيقة مقدرتش استنى وهوووب مسكت سماعة التليفون

الوووووو

اهلا يا حبى ازييك

ازيك انت يا حياتى

عامله ايه ع الغدا النهارده

ولا حاجة اصلى ماليش نفس

ايه يعنى ازاى متعمليش غدا

عادى يعنى قولتلك ماليش نفس

دا حاجة و الغدا حاجة

هو انت يعنى كنت بتيجى تتغدا ف البيت ما براحتى اما تبقى متلاقيش غدا ابقى اتكلم

الله مش معاكى مصروف البيت متطبخيش ليه و الا عاوزة حماتى تقول عليا مبأكلكيش

مصروووف مصرووف ايه انت مش حاسس الاسعار بقيت ازاااى

ايه اهلا اهلااا انت شكلك راجعه من عند حماتى مش كدا

انا قولت المكالمة دى مش طبيعيه

بقى كدااااااااا

طيب انا غلطانة اللى اتصلت بيك والله منا قايلاللك مع السلامة


*************************


ترررررن تررررن ... تررررن بررررن ...

نعم

ايوا يا حبى ..

ايوا

دا انا كنت بهزر ..

حقيقي وانا كمان

اخبارك ايه ميسد يو

ميسد يو توو

عامل ايه فى الشغل

يووه كله مشاكل و دسائس و زوووونب كالعادة

يا قلبى معلشى استحمل وان شاء الله ربنا ينصرك على مين يعاديك والله اكبر فوق كيد المعتدى

معتدى مين هو انا هحارب

حاجة زى كدا يا قلبى

ايه مش فاهم

حزر فزر

يووووه مش بحب الغموووووض خلصى فى الدووور

ايه الخص ف الدوور دا مش كفاايه بقعد طول الاسبوع لوحدى زى القرد ع الشجرة مستنياك اما تيجى تعبرنى

وانا كان ب اديا يعنى ما نظام الشغل كدا والا انت مش عاوزة تستنيني ف البيت يعنى والا ايه

ايوا بس انا بتخنق و بمل و بزهق و بقولك ايه بقى و الله منا قايلاللك هه

و الخط هيقطع خلى بالك حط السماعة واحد اتنين تلاته اربعة .. اتنين و تلاتين خمسميه و سبعين


*************************

تررررن ترررن .. تررررن بررررن ...

الوووووووووووووووووووووووووووووو

ايوا يا حبيبي انا حامل

نعم


صمت






صمت




صمت

حامل ازاى

حامل يا حبيبي هتبقى اب

اب ازاى

اب يا حبيبي هجيبلك نونو امووور شبهك

اموور ازاى

طلقنىىىىىىىىىىىىىىىى

اطلقك ازاى

**********************

هههههههههههههههههههههههههههههههههههههه

حلوه اوى كملى

بعد ما قدرت ابسط الامر لمحمد و افهمه انه اخيرا الحمد لله هنبقى تلاته تملى تلاته و نزعل اوى لو نبقى اتنين و انه احضر حالا ماشيا او عائما او طائرا فقد رزقت بمفعوص صغير و انه ان شاء الله هيكون عنده فرصة كبيره يطلع على المسكين القادم كل عقد طفولته و يقطع عنه المصروف وقت ما يحب فضل يقول

اب يااه مبروووك

انا هيجيلى ولد مبرووك يا حبيبتى

هتجبيلنا نونه ربنا يقومك بالسلامة

هجيب بامبرز و سيريلاك و الف على دكاترة اطفال البلد كلها فنص الليل عشان الواد عنده تسلخات ايه الهنا اللى انا فيه دا

احمدك يااااااارب

و غالبا سقط مغشيا عليه

*********************

ابتديت اجيب كتب عن الحمل و العناية بالاطفال حديثى الولادة و اجمع فصور عيال ملونين لعل و عسى الواد يتعدى لون كدا و الا كدا يبقى اشطه جدا

ثم قررت انى لازم اروح اتابع مع دكتورة عشان اطمئن ان كل المسائل فى السليم

كنت لسه معرفش حاجات كتير فى المنطقة اللى ساكنة فيها و معظم اطباء النساء فيها رجاله و طول عمر ولادك يا بلدنا الخ .. فمرضيتش اروح

و لقيت جمعية خيرية فاتحة مركز طبى و فيه دكتورة قالوا انها شاطرة جدا قلت خير و بركه و روحت حجزت كشف لقيت المكان مزدحم جدا
قلت دى اشارة جيدة اكيد دكتورة ممتازة

لكن الزحام كان له سبب تانى و هو ان الاجر رمزى

طيب شيىء جميل بردو يبقى مهارة و اجر رمزى مين يقول لاء

و لقيت الممرضه بتنادى بالخمس اسامى مع بعض و بيدخلوا فى طرقة طوييييييييلة

اها بترتبهم عشان سهولة وسرعة الحركة

نادت على اسمى و فلانه و علانه و قلقانه و اتفضلى يا مدام

اتفضلت

مساء الخير و بضرب عينى فى الاوضه لقيت فيها اربع برفانات و اربع سراير كشف و الدكتورة بتزعق و تقول

يالا اى واحدة فى اللى دخلوا تيجى تقعد تقول بتشتكى من ايه

ياماااااامااااااااااااا

و شاورت عليا انتى اسمك ايه

لا لا انا جايه مع اختى هروح اناديلها اصلها فى دورة الميه عن اذنك

وعنها و خرجت جرررى بلا عودة للمكان دا و برغم انى لما حكيت لجيرانى ع اللى حصل قالوا انها فعلا طبيبة ممتازة انما على رأى المثل يغور اللبن من وش القرد والا باين مش دا المهم انى مش ممكن اروح اكشف فى مكان مفيهوش خصوصية ولا مراعاة مشاعر المريض بالشكل دا ولا كأنها سويقة ادى اللى خدناه م الحمل و سنينه

و ابتديت ادور تانى على دكتورة فى عيادة محترمة

و ابتدى الحمل ياخد شكل جدى مش جدى ابو بابا و لا ابو ماما طبعا ما علينا

وابتدت مرحلة ال .. اوووووووووووووووع

اقووم عشان افطر

اووووع

طب كوباية شاااى

اووووع

طب بقسماطه

اووووعاا عييي عوووو

و فضل وزنى ينزل

ينزل

ينزل

وضغطى ينخفض و ينخفض و ينخفض

اخد حبوب لمنع القيىء مفيش فايدة

دوا شرب مفيش فايدة

مفيش الا الحقن و فعلا الدكتورة " اه منا لقيت دكتورة كويسه " قالتلى مفيش حاجة هتنفعك الا الحقن وكل يوم حقنه

واخد الحقن اللى بكرههاااااااا و بردو
اوووووع

اضافة للانيميا و كبسولات الحديد اللى هى اصلا من ريحتها متتبلعش

و الدوخة فى الشارع ووسط الناس و الاغماء و السقوط ارضا و الاحراج

و استمرت هذه المأساة حتى منتصف الشهر الخااامس

يتبع بردو ....

نقلتى الخبر ازاى؟ مئستنين

هههههههههههههههه ضحكتينى فكرتينى بالذى مضى كلنا هذا الرجل

اخواتى الحبيبات ندى و دودو ريري منورين الموضوع
و هملكم ان شاء الله بس كمان شويه لان ميعاد وصول زوجى قرب

ههههههههههههههههههههههههههه
الله يعطيك الصحة والعافية
وبنتظار المزيد

موضوع حلو زيك يا قمر

موضوع حلو