بيت احلى شلة فلسطينية عند رمرم حياااااكم

**عيون ريم** · 29-03-2009, 04:09 PM

كيفكم ياصباااااااااايا انا وعدتكم الضياااافه عندي المرة الجاي واهلا ومية مرحبا اتفضلواااااااااااااا

وهلا الي رجعه للضيافه بس اعمل الكيكة

**دلوعة صديقتهااا** · 29-03-2009, 04:21 PM

مرحبا صبايااا
كيفكم؟؟؟

يسلمو رمرم ع البيت الحلوو متلك والله يديم المحبة بينك وبين زوجك ويخليلك اولادك ياارب

بعرفك عن حالي
انا دلوعة ايمي الحقيقي(وطن)عمري 15 سنة و9 شهووور ساكنة بقرية قضاء رام الله اسمها دير غسانة بدرس بالمدرسة صف عااشر...وانا اكبر وحدة باخوتي وخواتي وعتدي اختين واخ وبسسسسسس...بدك تعرفي عني شي انا جاهزة حبيبتي

ميسو وينها اليوم ما بينت اشتأتلهاا

سيسي صحة ع الكبة

ريمو شو اخباارها ابسر ازا اجت ع الرياض ولا لسا ان شاء الله تكون انبسطت بعمان

سنوووءة كيفك حبيبتي شو اخباارك مبرووك لأخوكي والله يتمملهم ع خيير يارب

سموحة يا حماتي موفئة بالتؤريا وان شاء الله تاخديها من أول مرة وتكون الاسئلة سهلة

الماسا العسوولة شو هالابداعات هدوول جد شهيتيني يمي يمي الله يخليكي يارب

ام سما ان شاء الله يكون هادا الشب كزاب وتنزلي عند أهلك وتشوفيهم وتحضري عرس اختك وتنبسطي يااارب

قمر فلسطين كيفك شو اخباارك

ام سوسو كيفك يا عسوولة وسلامة ايدك ما تشووف شر وصحة ع البيتزا جاي ع بالي والله كلي عني وعنك

ام سعد كيفك وينها اليوم ما بينت اشتئتلها والله

بلقيييييييس كيفك حبيبتي والله اشتأتلك كتييييييييييييييييييييييييير..يلا ازا بريحك الاستقالة استقيلي وان شاء الله تطلعي عند زوجك وتستقري عنده ...وبنستنا بابداعاتك حبيبتي

دلع وغدغوود كييييييييفكم؟؟؟

حنونة كيفها زمان ما شفتها والله اشتئتلهااا
رحلتهم بعد بكرا ان شاء الله بنبسطوو احنا رحلتنا الخميس ان شاء الله الجو يكون منيح

**دلوعة صديقتهااا** · 29-03-2009, 04:25 PM

اما بالنسبة لغياابي والله اشتئتلكم كتيييييييييييييييييييييييييير واكيد انتو كماااان

هادا يوم الاحد الماضي كان ماما عندها محكمة وكل الناس بيجو عنا وكمان الاتنين نفس الشي طلعت ع المحكمة وما فضيت ادخل ع النت واشووفكم وكمان كان عندي امتحانات يلا هانت ضايل امتحانيين...اما التلاتاء كان عندي تدريب موسيقى لأنو تاني يوم عنا حفلة وانا اتدرب اول مرة بعزف عنا بالبلد وتدريب ورا تدريب..والاربعاء كان عنا حفلة موسيقى والحمد لله عزفت وكان حلووو نشكر الله...والخميس كان عنا عرس صاحبيتي اللي هي كمان بنت خال ماما روحت من المدرسة على 1 اتحممت بسرعة ورحت عند وحدة عشان تسحبلي شعراتي رحت عندها على 2 وروحت على 3 وربع وبعديهارحت عند دار خالتي وكنت مشخصة ههههه وبعدين رحت مع ماما وخالاتي وخواتي وبنت خالتي على دار العروس سلمنا عليها وبعدين اجا الباص الكبير واخدناا ورحنا على رام الله والعرس كان كتييييييييييييير حلو وانبسطنا كتيييييير...وانا كنت زمان مو عاملة شعري سحب الكل حكالي السحب احلى من الكيرلي فهلأ رح اسير اعمل شعري اسبوع كيرلي واسبوع سحب هههههههه والجمعة ضليت نايمة للساعة 1 وبعدين صحيت اشتغلت مع ماما وضبينا البيت وتعزييييل واااع ودرست علووم وبسسسسسسسسسسسسسس
كيف بالله اسبووعي حافل بالمشاوير والحفلات والااعراااس
بس اشتئتلكم كتير وكنتو ببالي على طووول

**allmasa** · 29-03-2009, 04:34 PM

يا عيني يا رمرومة يسلمو على البيت الجميل والضيافة الاجمل

انا بشرب الكبتشينو لاني بموت فيه

دلوعة يا ام الاعراس بسما قلتيلنا شو لبستي بالعرس؟

احكيلي اعراسكو مختلطة ولا كيف بتكون؟

**دلوعة صديقتهااا** · 29-03-2009, 04:37 PM

دلوعة يا ام الاعراس بسما قلتيلنا شو لبستي بالعرس؟

احكيلي اعراسكو مختلطة ولا كيف بتكون؟

صحة على الكابيتشينو اعمليلي معك

لبست بنطلون سكيني اسود وفوقة سترابلس سكني وفوء السترابلس بلوزة تلتين لونها نهدي وفوء البلوزة النهدي جايكت قصير نهدي كنت ناوية اشلح الجاكيت بس كان برد وسحبت شعري ولبست كندرة باليه سكني بعيد عنك

لا الاعراس مو مختلطة
يعني حسب طلب العرسان ازا بدهم مختلط بكون مختلط وازا عادي عادي
عرس خالي قبل 6 سنين كان مختلط بس كان حلو كتير

بس هادا العرس ما كان مختلط بس اخر العرس بدخلو اهل العريس وبرقصو وبدبكو وبدخلو اهل العروس وبرقصو وبدبكو

**دلوعة صديقتهااا** · 29-03-2009, 04:41 PM

طيب الماسا انا بدي ارووح اكل ميتة جوووع وكمان ميتة نعس هففففففف متى ييجي الصيف والعطلة ونشبع نوم ونشبع طش وزيارات ورحلات ههههههههه

صحيح الماسا مرة سألتك بس ما جاوبتيني
بتعرفي واحد اسمه عدي الخطيب هو خليلي ساكن بمخيم الفوار بغني وصوته حلو كتيير؟؟؟
بتعرفيه؟؟

يلا سلامات صباايا
بشوفكم المسا ان شاء الله