البيت العراقي يفتح ابوابه للجميع في موسم الربيع

**ام مرمر و ليلو** · 28-03-2009, 12:20 PM

يامية هلا ومرحبا بالجميع

الدنيا ربيع والجو بديع
تفضلوا
أرجـع يالرحت بعيد عن بغـداد
وسكنت هناك دولة ما هي دولتنه

حقك من رحت جان الوضع مو زين
تفجيـر وقتـل وأرهـاب موتنه

بس هسه الوضع مو نفسة ذاك الجان
عراقييـن كلنا وهـاي طيبتنـه

بعد ماكو جوادر مأتم وأحـزان
كبل جانت كبل بسنين شدتنـه

عبرناها الشـدايـد والحمد لله
وهالدمع اليصب هذا دمع فرحتنه

كافي من الغرب مو صار خمس سنين
مل حتى الغـرب من كثر غربتنـه

أرجع للأهل للصحبة والأحباب
نلتم مـن جـديد يا محلة لمتنـه

أرجع للنجف لدهوك والأنبـار
لتكريت وسماوه أرجع لبصرتنه

أرجع للفضل للثورة والنعمان
مناطقنه اصبحت والله جنتنه

يــا دجلة الخير يا أم البساتين
أرجع وأرتوي من ماي دجلتنه

أضربلك مثل صغير عن بغداد
حاول تفتهم وتشوف حيرتنه

بغداد الحضن والشرف والديرة
والأم والحبيبـة وهي هيبتنه

عايف هالحضن وساكن بغير احضان
وعفت هذا الشرف وهجرت ديرتنه

أرجع والنصر والله يعود وياك
وبيدك هاي بيدك شيل رايتـنه

أدري أنت وفي وأدريك ما مرتاح
وتصيح الله واكبر لغربة ذلتنـه

وأدري أنت أصيل ومعدنك يا نوع
وأدري انت الشهم والغيرة فزعتنه

أفرض بالغرب لاكاك ملك الموت
وبتراب نزلت ما هي تربتنـه

درجع والجواز هناك شمرة بعيد
ومزقها الأقامة وهاي فرحتنه

أرجع والفرح ينتظرك ابغداد

أرجع و الوطن محتاج وكفتنه

**ام مرمر و ليلو** · 28-03-2009, 01:20 PM

هاااااااااااااااااي شنو وينكم
من البارحة العصر البيت مسدود
وكلت ماافتح بيت جديد خلي انتو تفتحون
واجيت الصبح ومحد فاتح
وفتحتلكم بيت
وصار اكثر من ساعة وهم محد اجة ويييييييييييييييييييينكم
تعاااااااااااااااااااااااالو

***مسك الختام*** · 28-03-2009, 02:18 PM

ال

السلام عليكم

عاشت ايدج ام مريم يخبل الشعر

تصدكين اني هم من البارحه واليوم انتظر احد يفتح البيت وكل شويه اروح وارد ضليت تايهه

اي شلونج بعد مريومه شلونها

يالله بنات تعاااااالو شلنا للبيت الجديد

***مسك الختام*** · 28-03-2009, 02:48 PM

يالله حبايب اني اترخص انتظرتكم محد اجه اروح انااااام نعست

اشوفكم من يصير عدكم ليل ان شاء الله سلامي لكل الحبايب

**ام سيف الجنابي** · 28-03-2009, 02:57 PM

هلا والله ام مريم الف مبروك على البيت الجديد واشاء الله دوم يجمعنه على المحبه والاخوه والافراح وعاشت ايدك ام مريم على هذا الشعر الحلو

اهلا ام رنا شلونج والبنات شلونهم وين رايحه مو اني جيت
ام مسره شلونج وشلون مسره
رسل شلونج عيني اكيد اليوم الوالده وصلت الحمد لله على سلامته مقدما
شلونكم ميلار وفرقونه شلونج وسلامي للاهل غسوقه والله مشتاقيلك الك وحشه
وسلامي للجميع

**فرقونه2009** · 28-03-2009, 05:37 PM

السلام عليكم
ام مريم عاشت ايدك على الشعر
والف مبروك عالبيت ان شاء الله دوم افراح عالعراقين
شلونج عيني ام مريومه وشلون مريومه
شلونج ام رناوي بالعافيه لكيتي الاسم
ام سيوفي شلونج
سلامي للجميع

**غسق الليل** · 28-03-2009, 07:19 PM

السلام عليكم ورحمة الله وبركاته

شلونكم حبايب ان شاء الله الكل بخير وصحة
ماشاء الله منو حامل ريحانه الله يتمم عليك بالخير والصورة التمام
والله الايام تمشي وتربيهم سوا والله يعطي الرزق والصحة والقوة
ديربالك على حملك وصحتك والله يسهل عليكم ...

شلونكم عيوني الحين زيارة بسيطة عود بعدين اسلم عليكم
رسولة يمكن هسه الوالده وصلت بسلامة قرة عيونك بيها

انا رجعت من بيت اهلي قبل ساعه وتعرفون لازم من نرجع عل شغل والاولاد والبيت
مبارك ام رنا الاسم القديم وشلونك انت والحلوات

**ام سيف الجنابي** · 28-03-2009, 08:48 PM

السلام عليكم هلو عيني فرقونه وسلامي للاهل
اهلا غسوقه شلونج الاولاد شلونهم انشاء الله بخير
والله مشتاقيلك وسلامي للجميع

**غسق الليل** · 29-03-2009, 12:08 AM

هلا ام سيوف الله يبارك فيك وتشتاقلك العافيه

طبعا حتى نسيت ماقلت لأم مريومه عاشت ايدها عل بيت
والله يبارك بيها بس انقهرت من شفت الشعر وقلت ياحسر ياريت لو رجع الأمان للموصل ياريت تحسن الوضع
يمكن الاوضاع احس بغير مكان بس همينا لا لان بغداد والله خوالي يقولون الواحد على اعصابه مو امان الشغلة
بس احسن من قبل اما الموصل كل جالها الى الوراء ماما على طول كلما اخواتي يطلعون من البيت تشوفها وجهها
اصفرالى عود رجعتهم وبابا واوضاع التهديد احنا تقريبا بس يعطلون الاولاد نهج بس داخل الوطن ,,
والموصل حتى الواحد اذا ماعنده شغلة لا تهديد ولا مشاكل بس ماكو راحة هاي التفجير وقتل الشرطة والمفارز
على غفلة يصير ضرب وبهدله وعل غفلة تهدء الاوضاع والله ينتقم من الظالميين ويسهل علينا

عندك العافيه ام سراوي ومبارك على كيلوين بس نفسي اقوم بسلامة وينقص وزني
لا والله مو بس الوزن بس ثقل بطني راح اتخبل حتى اذا انام افز مااقدر انام براحه حتى البارحه قلت لماما خلي نروح
للمستشفى واجيب واخلص هو بكل الاحوال راح اجيب طلوق اصطناعي الا اذا الله شاء هل مرة يصير عندي طلوق,,؟
الله كريم
رسولة عود تعالي يالله حكينا شلون الوالده ان شاء الله زينه وفرحانه شوفي عيني مو من ترجع تسلميها الراية
خلي كم يوم ترتاح وبعدين خلي تشوف شطارتك وش جابتلك هدية ,,,, واخبار زوجة اخوك ؟
وين بقية الحبايب سلامي لكم,, مااقدر بعد اكتب الحوض احس راح ينشلع من الوجع فد ضايجة
اسمع صوت صرر صياح صفار بالغرفة بس معرف وينها راح اقوم حملة بحث ,,,,,,,,الله يعين ..