والله يابنات انا بكتب وانا مرعوبة خايفة لايكون حد تانى كتب وتفتكروا انى اتعديت عليه وتجاهلت موضوعه ولا حاجة بس بجد والله انا دورت مالقتش اى موضوع اتفتح .. عموما لو كان فى اى موضوع اتعمل وانا مش واخدة بالى ياريت يوميزو تشيل موضوعى .

يارب يكون التجمع وشه حلو علينا ويارب نتطمن على كراميلا .. ويتمم ليوميزو حملها على خير ان شاء الله .. ويشفى كل ولادنا

ماحدش ساعدنى يعنى ياوحشين فى الديكورات اللى قلتلكم عليها .. انا زعلانة منكم .. وااااااااااااااااااء

مستنياكم ماتتاخروش عليا

يابنتى مانت ماقلتيش انتعاوزة ديكورات ايه بالظبط
انت قولى وبس وبعدين ابقى اعتبي براحتك لو محدش خدمك في اللى هتقوليه

وبعدين يانهى انا حملى في ملك مكنش كدهخالص
بس اناالمره دى مخستعه اكتر مش عارفه ليه كدهوالحمل مش غزلانى لان الغزلانى بيجلهم البريود اول تلات اربع شهور حمل
انا اعرف واحده صاحبتى كانت كده وماعرفتش انها حامل الا في اخر التالت ولا الرابع حاجه كده
لما لاقيت نفسها بتتخن من غير ماتكون بتاكل ومع انها بتعمل رجيم راحت تحلل تشوف ليه بتتخن لاقت نفسها ححامل ههههههههههه

لكن انا اللى عندىمجهود ومطلوب منى الراحه التامه
وحيرانه جدا طب انا دلوقتى عند ماما طب لمااروح بيتي مين هايعملى
ده حتى جوزى مش راضي يخليني اغسل الصحون
طب وده اسمه كلام
الشغاله تاعتى عامله عمليه في ركبتها ولسه ماتعافتش لتيجى وكمان انا لما بلاقي نفسي كوبيسه لمده خمس دقايق حتى بتعافى واقوم اعمل كله وبيجى على راسي

ربنا يعدلها بقى من عنده

يوميزو انا قلت عايزة احول غرفة الانترية الى غرفة نوم لعمر وزياد.. يعنى اعمل سريرين منفصلين ولا سريرين فوق بعض .. مع العلم انى ححط فى الاوضة ترابيزة تليفزيون بس اللى هى مكتبة ومتقفلة بالفيميه ولان الاوضة صغيرة نوعا ما والبلكونة وباب الاوضة محطوطين فى مكان رخم فا مصعبين عليا الامر شوية

صباح الخير مبروك البيت الجديد وربنا يجعة فاتحة خير عليكم كلكم يارب نطمن على كارميلا يابنات والله قلبى متاخد كدة ربنا يستر ويطمنا عليها

يميزو ربنا معاكى وادعى على طول ربنا مش هينسكى ةهيكمل لك علىخير معلش لابد الراحة حتى ولو ال3 شهور الاولنيين

ريهام انا بعت اساللك اخواتى هناك وهيردوا علية واقولك

رشا حبيبتى ازيك وانتى اية اخبارك ممكن تفتحى البلكونة على الاوضة هتوسع لك المكان انا عملت كدة هناك كان عندى الاوضة صغيرة وفى بلكونة ومش محتجاها فتحتها خليت لى مساحةالاوضة واسعة وعملت فيها الا انا عايزاة

باقىالبنات نهى ريهام هدير افراج سندس داليا سارة البيت الجديد اهو يالا

شكرا يا فطوم على الاقتراح ده ... بس انا محتاجة البلكونةاوى لانى بنشر فيها وبصراحة بتدخل شمس حلوة اوى ماقدرش اقفلها واعمل مكانها شباك ... كمان البنا صعب اوى لانى فى الدور السابع وتحت بيتى فيه سوبر ماركتات كتير ولو اى طوبة وقعت لاقدر الله حيحصل مشاكل جامدة ؟؟؟؟؟؟؟؟؟

مش عارفة اعمل ايه محتارة اوى

طب يارشا ممكن لوتقدري تعمليلي رسم كروكي كده للاوضه على ورقه وترفعي صورتها على المنتدى او حتى توصيفهالى كده عميانى من اول باب الاوضه يمين وشمال هيكون في ايه

واناافضل ان يكون سريرن فوق بعض احسن لاماكن الصغيره او الضيقه

استنى كان في موضوع انا عملته في الديكور عشان كده
هادورلك عليه واحطلك لينكه

مبروك التجمع الجديد
يميم ربنا يكملك علي خير ومش كل حمل زي التاني اساليني انا
رشا اعملي مخطط للغرفة وحاولي تجمعي افكارك
فطومة شكرا يا قلبي

الف مبروك على البيت الجديد بس حيرتونى لغايه ما لقيته فى الصفحه التانيه عموما قمرات برضه لذيذ مع انى كان نفسى اسال ليه بيسموا بلطيات على الاسكندرانيه مع ان البلطى ده سمك نيلى المهم ما علينا
انتى يارشا عايزة تعملى التغير ده حاجه مؤقته لغايه ما تلاقى شقه ولا التغير ده لمدة طويله اولا لان اولادك ان شاء الله من خير شر هاتلاقهم بسرعه دخلوا المدرسه و طبعا وضع التليفزيون فى غرفتهم مش هايبقى عملى و بعدين السراير الى فوق بعض هى جميله قوى بس برضه مشكلتها انها لسن معين و بتبقى مش عمليه عموما انا مرة شوفت غرفه طفل بسرير دورين جميله قوى بس للاسف مش عارفه هى هنا و لا فى حته تانيه اول ما الاقيها هابعت لكى الصورة
و بالنسبه للبلكونه طيب ما تقفليها الوميتال بلاش مبانى و تبقى برضه فيها منشر خارجىو طبعا هذا بناء على مساحه البلكونه يعنى لو كويسه و هاتفرق معاكى طبعا دخليها بس لو صغيرةيبقى ما تستاهلش التكلفه يعنى عموما ده وجهه نظر و على راى يميزو الكلام كده عميانى ما بينفعش
يميزو000 لازم تحرصى على نفسك و ياستى ارتاحى شويه لغايه الازمه دى ما تعدى و انتى عارفه انا برضه مريت بكده فى حملى فى مرام و لدرجه انى استقلت من شغلى وكنت مخنوقه جدا بس علشان اخد علقه قبلها اتعلمت الادب فمعلش برضه شويه دلع مش هاخسروا و ووفرى النشاط لما ان شاء الله تقومى بالسلامه لانك حاتحتاجيه جد

الف مبروك البيت الجديد ربنا يملاه حب ومودة بيننا
رشا ربنا يوفقك فى تغيير الشقةهى بتبقة حوسة لغاية ماتستقرى على ال انتى عاوزاه وتنفذيه وبعدها التجديد نفسه بينسيكى اى تعب او مجهود وازى الاولاد دلوقت؟؟؟؟؟؟؟؟؟
يميزو الف سلامة ياقمر ربنا يتمملك على خير يارب بدعى لك فى كل وقت ياحبيبتى
سارة سلامة جدك الف سلامة وربنا يعينك على مسؤلياتك ويخليلك اخوكى وخطيبك وخلى بالك من شريكك طالما هو طلع مش امين كدة يبقى عاوز مراقبة دايما
منار ازيك انتى وشادن فينك يابنتى؟؟؟؟؟؟؟؟؟؟؟
فاطمة اخبارك ايه ياحبيبتى يارب تكونى بخير انتى واولادك
نهى وحشانى والله عاملة ايه وانتى الون كدة ربنا يرجعهولكم بالسلامة ولا تتحرموش من بعض
ونفسى نفسى مرة اظبطك متلبسة عالماسنجر ههههههههه
كارميلا يابنات محدش يعرف عنها حاجة انا قلقانة عليها جدا وخصوصا بعد كلام ام لمى ولمار
ياريت ال يعرف تليفونها او اى حد من اصدقاءها يسال عليها ويطمننا
ريهام كل سنة وجوزك بخير وتعيشوا مع بعض فى هنا وسعادة لما تبقوا عندكم 100سنة وماشيين على عكاكيز هههههههههههههه
هدير اخبارك ايه لسه عند تيتة؟؟؟؟؟؟؟؟
ايمان فينك انتى مش باينة ليه
داليدا اخبار تظبيط مواعيد النوم ايييييه
داليا ياواد ياجامد انت يابتاع العلوم وتهديد الميسات اخبارك ايه ؟؟؟؟؟؟؟
فى حد نسيته يابنات
عموما سلاماتى وتحياتى وقبلتى للكل ولو
نسيت حد الزعل مرفوض والغلط اييييه


شاطرين مردوووود

اهلا يا بنات اخيرا لقيتكو الحمدلله
يا جماعه مفيش اى حد من هنا يعرف كارميلا ولا رقمها؟
سندس الحمدلله مواعيدى اتظبطتت .انا داخله انام اهو
رشا.والله كلنا عبرناكى.وانا كتبتلك من فتره انك لازم تبعتلنا اى مخطط كروكى.واكتبى المساحه كام فى كام.ومكان الباب ومكان البلكونه.ولو معرفتيش ترسمى.اوصفى وصف دقيق.
يميم مفيش حد هينفعك لو تعبتى بعد الشر عليكى.حاولى تخلى حد قريبك يساعدك.او لغاية ما شغالتك تخف.هاتى واحده يوم بيومه كده.تنظملك الدنيا.قلبى معاكى يا قمر.

وحشتونى كلكم يا بنات بس ضرورى الى يعرف ايميل كارميلا حتى.يبعتلها