بيت الحضارات وفرات ودجلة..حياكم الله

**ام مسرة** · 31-10-2008, 02:48 AM

بيتنا بيت الحب والمحنة

بيتنا صابئة واكراد وشيعة وسنة

بيتنا بيت علم وفن وغنة

بيتنا بيت الشوك والحزن والمونة

بيتنا من الشرق للغرب كلة عراقنة

بيتنا عمرة مافرقتة الشيعة والسنة

بيتنا من الشمال للجنوب كلة محبة

بيتنا اطيب واحلى واغنى دولة

بيتنا بيت الحظارات والفرات ودجلة

بيتنا بيت الكرم والضيافة والدلة

بيتنا شمعة ونور المحلة

بيتنا بيت الحب والانين

نضل نصلي وندعي ونكول امين

نتمنة يوم رجعة العراق أمين

**ام مسرة** · 31-10-2008, 02:50 AM

يلا نظورة اتفظلي فتحت البيت
لخاطر عيونج

**intidhar** · 31-10-2008, 02:55 AM

من فدوه رحت للايد الي كتبت
كلامج بلسم وخلى عيوني دمعت
وتسلميلي ان شاء الله ويوم الي نتجمع هناك ابلدنا الغالي ونكعد نحجي وجها لوجه
حيييييييييييييل اذا صارت صدك شيخلص سوالفنا !!!
بهذه الحاله رياجينا يكتلهم الجوع
خخخخخخخ
مقصرتي يالغاليه وبارك الله بيج وفتحلج بيت بالجنه ان شاء الله
ويالله روحي تصبحين على خير

**ام مسرة** · 31-10-2008, 03:03 AM

تسلمين على الدعوة الحلوة والله يبارك بيج
يلا هسة استحقينا النومة في حفظ الله

**intidhar** · 31-10-2008, 05:49 AM

نوم العوافي حياتي انتي
شفتي هسه غلقوا البيت القديم
لو مجني فاتحه هذاالبيت جان اني هسه وين رحت !!!
ههههههههه
يالله نشوفكم على خير ان شاء الله

**عراقية بماليزيا** · 31-10-2008, 01:53 PM

الله ياأم مسرة و بارك الله بيج على هالكلمات
تصدكين جنت اني مفكرة اذا لكيت البيت مسدود افتح واحد جديد واكتب هيجي كلمات
بس لكيتج سابقتني وفاتحة بيت وأهم شي كاتبة أحلى الكلام
بارك الله بيج وجعلج من السبّاقين لعمل الخير ان شاء الله
اللهم امين يوم ننجمع بموطنة ونتشاوف هناك ان شاء الله
هسة خطية الباقين يتيهون بالمناطق والدرابين والفروع بلكت يلكون مختار المنطقة ويسألوه بيت أم مسرة وين صاير؟ ههههههه
سلامي الكم

**غسق الليل** · 31-10-2008, 04:24 PM

السلام عليكم ورحمة الله وبركاته
تسلمين يا ام مسرة ياعيني افتتاحيه للبيت رائعه يسلمي كلامك عسل والله يديم العراقيين على محبة والوفاء
عيني نظوره شلونك وشلون التمن اكلتي لو بعد ماتغديتم الف عافيه ..
شلونكم بنات وامهات ام مسرة وام هنوده وام مريومه لحد يزعل اني اكتب اسماء المتواجدات حاليا
وسلامي للجميعات

**ام مسرة** · 31-10-2008, 05:21 PM

بسم الله الرحمن الرحيم
حبيبتي ام هند تسلمين والله يبارك بيج على الدعوة الحلوة
والله لو ادري تريدين تفتحين جان مفتحت واحد بس البارحة اني وانتظار كضينا اليل كلة سوالف لحد ماعزلنا للبيت ههههههه
فنظورة كالت افتحي واحد حتى البنات يلكون مكان يحجون بي هطية شالت همكم ههههههههه
بس ان شاء الله البيت الجاي محد يفتحة غيرج
ولاتخافين راح اوكف شرطي مرور براس الشارع حتى يدليهم لو اكتب لافتة احسن

**ام مسرة** · 31-10-2008, 05:24 PM

انتي العسل يا ام محمد ياوردة
وان شاء الله يعم الامان ببلدنا واول ماروح للعراق اتصل بيج
لان كلش عاجبني اتعرف عليكم كلكم
وتدرين ابو مسرة شكد يحب الموصل واهل الموصل حتى عندة صديق مصلاوي هنا
كلش يعزة ودائما يكول اهل الموصل اهل نخوة ورجال من صدك
يارب يرجع الامان ويحفظكم من كل شر اللهم امين

**غسق الليل** · 31-10-2008, 05:39 PM

تسلمين عيني ام مسرة واللهم امين يرجع العراق احسن من قبل
وان شاء الله من ترجعون نتواصل ونتعرف على بعض اكثر والله يحفظ لكِ مسرة وابو مسرة
تعرفين دخل نفسي اعرف راح يتحسن الوضع بس من افكر مااصدق يتحسن الوضع
وكلش اضوج اقول الى متى يعني احنا بهل الاوضاع الله كريم ,,,,