الهدرزة الليبية وتنسيقها للمسابقة الرمضانية

**بنت_بلادي** · 25-08-2008, 03:49 PM

السلام عليكم ورحمة الله

كيف حالكم يا بنات
وكل عام وانتم طيبات بخير
وان شاء الله ديما ملتمات

ليكم وحشة كبيرة

انا ليا وقت طويل عالهدرزة

المهم يا حبيبات يلا شدو الهمة وخلونا نعرفو شن بنديرو

وباذن الله نشجعو بعضنا ونطيرو من هالكساد والملل ايلي حايط بينا

والهدرزة مفتوحة للجميع
للمشاركات وباقي الحبيبات
نونسو بعضنا ونستفيدو من خبرات بعض

نستنا في ردودكم الحلوة
نخليكم توة في رعاية الله
وكل عام وانتم بالف خير

**غلا ليبيا** · 25-08-2008, 05:20 PM

أهلين ببنت بلادي كيف حاااااااااااااااااااااااااالك

أنا والله مشتااااااااقة أتكلم معاااااااااااااااكم

**المطمئنه** · 25-08-2008, 07:51 PM

السلام عليكم

اهلا بنت بلادي وبباقي البنات احب ان اشارك معكن فى تنسيق مسابقة رمضان
هيا شدو الهمه حتي نستفيد ويستفاد منا

**بنت_بلادي** · 25-08-2008, 08:54 PM

كتبت بواسطة غلا ليبيا

أهلين ببنت بلادي كيف حاااااااااااااااااااااااااالك

أنا والله مشتااااااااقة أتكلم معاااااااااااااااكم

اهلا بغلا ليبيا
نورتي الصفحة يا حبيبا

مرحبتين بيك وسطنا

كتبت بواسطة المطمئنه

السلام عليكم

اهلا بنت بلادي وبباقي البنات احب ان اشارك معكن فى تنسيق مسابقة رمضان
هيا شدو الهمه حتي نستفيد ويستفاد منا

وعليكم السلام ورحمة الله

اهلا بيك يا حبيبا
انستينا
ونورتينا
ونستنو باقي البنات

**ام ياسمين ليبيا** · 25-08-2008, 11:53 PM

صحيتي على فتح الملف يابنت بلادي
هيا انسقو شن بنديرو رغم ان اسمي مازال منزلش في القائمة
في البداية كل وحدة تكتب الاكلات الرمضانية المتعودة عليها
واسمحولي نكون الاولى
بداية بالشربة 1_ شربة الحوت
2_الشربة العربية بالدجاج او اللحم
الوجبات الرئيسية 1_رشتة الكسكاس
2_كسكسي بالحوت
3_طاجين حوت
4_فاصوليا بالكوارع _بالكرشة _باللحم
5_صالصة بفواكه البحر
الوجبات الجانبية 1_المبطن
2_المحشي بانواعه فلفل _براك _ظولمة_قريعة
3_البيتسة
4_الهمبورغا
5_دجاج في السيخ
6_الكفتة بالبصلة
7_طاجين جبن
داخ راسي معاش عرفت شن تاني اكيد كل وحدة تخش تدلي بدلوها
وياريت حد يقسم الفريق الى فريقين لان العدد لحد الان عشرة مشتركات

**ام ليانة** · 26-08-2008, 12:06 AM

السلام عليكم

يعطيكم العافية حبيباتي

يلا شدو همتكم صبايا الفرق كلها بدات الشغل علشان هيك بدنا همة عالية وارجعوا راسلوا بقية الصبايا ويا ريت ينورونا ...

موفقات وسلام الكم يا حلوين

**ام ياسمين ليبيا** · 26-08-2008, 12:06 AM

ولو تسمحولي اني انقسم وشوفو كل وحدة تقول رايها
الفريق الاول 1_حنان ليبيا
2_اسيرة السهر
3_هبة الجبل
4_بنت بلادي
5_هندا
الفريق التاني 1_جنان92
2_المطمئنة
3_ ام منير
4_كيتي قاقو
5_ام ياسمين
زي ماقلت هادا اقتراحي وزعت فيه الشاطرات مع المبتدات زي حالاتي باش نساندو بعض
على فكرة الفريقين لازم ما يدعمو بعض في النهاية نبو الفوز لمطبخنا الليبي ان شاء الله

**ام ليانة** · 26-08-2008, 12:10 AM

ام ياسمين تقسيمة حلوة بس ياريت الصبايا يلتزموا ويبانوا ويبداوا يشتغلوا وتنسقوا بينكم وبين بعض مش باقي وقت

انا بعتت لجنان ولحنان وما ردوا علي ... جربي ابعتيلهم تاني ولباقي البنات وان شاء الله ينورونا حبيبتي

**RAWAD** · 26-08-2008, 12:12 AM

السلام عليكم و رحمة الله و بركاته
كيف حالكم يا حبيبات
جميعا و بدون تحديد اسماء
تمنياتى لكن بالصحة و السلامة
و كل عام و انتن بخير
اللهم بلغنا رمضان على خير و أعنّا على اداء الطاعات و الابتعاد عن المعاصى
غالياتى
يسعدنى مبادرتكن فى التنسيق لمسابقة رمضان الكريم .. التى ارجوا الا تبعدكن عن اجواء العبادة
حبيباتى
حسب رد الغالية ام ليانة فان العدد الان حوالى ثمانية .. و باضافة ام ياسمين بيكونوا ان شاء الله تسعة .. يعنى فريقين ..فريق اربعة .. و فريق خمسة
ارجو منكم تأكيد اشترككم حتى يتم اختيار عضوات كل فريق و شيف الفريق .. و ان شاء الله انا ساتابعكم من الان .. و اى استفسار انا حاضرة

نريد حضورا يشرف ليبيا و سيدات المطابخ الليبية المعروفة
التعريف بالتراث و العادات و المطبخ الليبيى اصبحت مهمتكم يا غاليات
فلا تترددوا وشرفونا كما عودوتنا دائما

بس لازم تعجلوا فى التنسيق لان الوقت ضيق .. و باقى الفرق ما شاء الله نسقت و بدأت العمل ..
تمنياتى بالتوفيق للجميع

**RAWAD** · 26-08-2008, 12:14 AM

ما شاء الله .. ام ليانة متابعة .

الله يحفظك

ام ياسمين توزيعك جميل
و نتمنى من الاخوات الالتزام
و ما فيش باس لو كان لكل رئيسة فريق مساعدة تغطى عنها غيابها لو حدث ..و يكون التنسيق بين الرئيسة و الفريق
تمنياتى بالتوفيق