جلسة سودانية للمشاركة في المسابقة الرمضانية

**سمسماية** · 22-08-2008, 09:39 PM

بسم الله الرحمن الرحيم

السلام عليكم ورحمة الله

رمضان كريم
تصومو وتفطرو على خير
اللهم اعنا على فعل الطاعات

اختى المحراب الجميل
يبدو ان الفريق السودانى لا يوجد فيه غيرنا
فالنتعاون بروح الفريق ونتفاكر
ونجعل هذه الصفحة لوضع الاجندة
أولا: كتابة الاكلات الشعبية فى رمضان
مصنفة بانواعها ومن ثمّ توزيعها على المشاركات
بالاضافة الى عاداتنا السودانية السمحة لاستقبال الشهر الكريم
والعادات المتبعة خلال شهر البركة
فالنجعل مشاركتنا بوابة تعبر بها اخواتنا في لك الى هذا البلد الطيب اهله
فالنشمر السواعد
وسوف اتواصل مع المشرفات لمعرفة امكانية انضمام اخريات للفريق
اتمني ان نوفق فى زيادة العدد
وان نوفق فى تقديم ما لدينا بصورة كاملة الوضوح
فالمسئولية كبيرة جمة

**سمسماية** · 23-08-2008, 01:32 AM

بيتزا مخصوص وين غاطسة انتى
شايفاك ما جايبة خبر للمسابقة
قولى رايك أتمنى انك تشاركى
ما شاء الله عليك كتااااااااااااااااااااااااابة
ما خليتى ليك دلكة ولاخمرة ولا دخان فى جمرة
ههههههههههههههههه

ام العزاز اللذاذ انت وين كدى ورينى ؟
تجرو رجلنا للجلسة وتفوتو ما تجو
نناديكم ما تجو نجيكم تكاركو
المسااااااااااااااااااااااابقة
عاوزين تفاعل

يكن مشيتى الاجازة وجيتى بنفسيات تمام ما شاء الله
يالله الهمة انا بتمنى انكم تنضمو لينا فى مسابقة رمضان

والدعوة برضو لشذى الايام
وأم شدن
وكل السودانيات بالله طلو علينا وشاورونا ان شاء الله بالافكار

المهم المساندة

عبرونى انا شايلة قرعدتى لانو الزمن وبعدين كل ما بيدنا بدرى احسن
لأنو الظروف ما معروفة

المحراب الجميل ادى الحريم ديل لكزة

**ام العزاز** · 23-08-2008, 02:48 AM

كيفك سماسم معليش والله كنت مشغولة معاي ضيوف ومشينا عمرة ودعيت ليكم كلكم ربنا يسهل ليكم اموركم يارب والله انا قايلة التسجيل انتهى للمسابقة لكن معاكم يادي كان كدي ويارب نكون قدر المسؤولية

**سمسماية** · 23-08-2008, 07:30 AM

كتبت بواسطة ام العزاز

كيفك سماسم معليش والله كنت مشغولة معاي ضيوف ومشينا عمرة ودعيت ليكم كلكم ربنا يسهل ليكم اموركم يارب والله انا قايلة التسجيل انتهى للمسابقة لكن معاكم يادي كان كدي ويارب نكون قدر المسؤولية

عمره مبروكة
ربي يوعدنا لقد اشتقنا لزيارة بيته

مرحب بيك عشرة معنا فى الفريق (حبابك عشرة بلا كشرة)
بس المفروض نكتب اسماء الوصفات
علشان بعدين نقسمها علينا
وممكن انت تعملى شنو؟
انا بكتب فى موضوع عن العادات الرمضانية ح امرره عليكم عبر لخاص
للاضافة بس اخلص منو

**ام ليانة** · 23-08-2008, 11:52 AM

السلام عليكم

كيفكم يا احلى صبايا

شدو الهمة و رمضان على الابواب ينعاد عليكم بالخير ان شاء الله

الفرق التانية بدات العمل .... يعطيكم العافية وفي انتظار روئعكم

موفقين ان شاء الله

**yakin** · 23-08-2008, 09:06 PM

سلام يا سمسم انا ممكن اشارك معاكم ....بس ما عارفه المطلوب بالظبط شنو ...وضحى اكتر ...وربنا يوفقنا

**سمسماية** · 23-08-2008, 10:19 PM

كتبت بواسطة yakin

سلام يا سمسم انا ممكن اشارك معاكم ....بس ما عارفه المطلوب بالظبط شنو ...وضحى اكتر ...وربنا يوفقنا

وعليكم السلام
رتبتى البيت ولا لسه؟

ياستى دى مسابقة رمضانية المفروض الشغل يكون فى مجموعات ويكون هنالك قائد للمجموع للتسيق وارسال المشاركات
الفريق يتكون من اعضاء لا يقل عددهم عن 4و لا يزيد عن 6

كل فريق سيقدم

1- نبدة عن بلده و عاداته برمضان

مع

2-اهم الوصفات المقدمة بهذا الشهر الفضيل

اكانت مقبلات معجنات اطباق او حلويات

على ان يكون عدد الاطباق لا يقل عن 8و لا يزيد عن12

انا كتبت نبذة عن العادات فى السودان خلال الشهر ومررتها للمحراب لتقول رايها وان كان هنالك اضافة او تعديل وتمررها لأم العزاز لتقول رائيها ايضا
ولان يكن بقت معانا برضو نمررها لك

بعدين بجى دور الاكلات كل واحدة تشوف هى فالحة فى شنو وتعملو دة بعد نتفق على الاصناف حسب التصنيف مقبلات معجنات رئيسية وحلويات
ان شاء الله الفكرة تكون واضحة
بعدين الوصفات تكتب باللغة الفصحى بالاضافة الى صورة اخيرة للطبق

**سمسماية** · 23-08-2008, 10:21 PM

الفريق مبدئيا يتكون من
سمسماية
المحراب الجميل
ام العزاز
yakin

**yakin** · 23-08-2008, 11:27 PM

كلام حلو وانا فالحه فى الاكلات الهايفه مقبلات ومعجنات بس علمونى بتنزلوا الصور كيف
البيت الحمدلله راق كتير فاضل بس الدواليب لازم اخلص قبل رمضان ان شاء الله
اها والعصاير كيف وما تنسوا الشوربه على