دويرة هدرزتنا الليبية ... ووخياتي ملتمين فيها جملية

السلام عليكم ورحمة الله

كيف حالكم يا غوالي ... اجعل دويرتنا ديما عامرة بالحب والخير والذكر النافع ومنورة ببركة الرحمـــن

مع نو هالصيف والحنحاطي قلت خلي نعزم اوخياتي في تقعميزة على الشطيطة الليبية ونسمة بحرنا الباهية

ما تجيبوا شئ يا بنات ... غير تعالوا بس والله طويسة شاهي وتهدريزة باهية معاكم خير من كل شئ ...
لكن ما عندكم ما تقولوا في هذه الدلاعة الليبية وخاصة لما مصقعة ....!!!!

وهذه الدلاعة موديل صيني ... آخر إنتاج الدلاع من عندهم ...

يعطيك الله الصحه تهبل هاصوره
مبارك اعلينا الدويره
مشاء الله مواتيه الجو
البحر ودلاع
فالحه شنو تزيدى تسحنى فينا
حشاك نحن الجو يالاطيف امطر وصقع يقرد

السلام عليكم
شن حالكم اليوم ربى يبرد عليكم ياجماعة ليبيا وصحيتى يالفالحة على الدويرة ان شاء الله ديما منورة
ام منير شن حالك ومبروك على وخيتك وصحيحة الحنة
سبحان الله الطقس يختلف من مكان لاخر
غطسو رجيلاتكم فى هالشطيطة

السلام عليكم
دويرة مباركة ان شاء الله وعتبة خير
بارك الله فيك يافالحة على الصور الحلوة
ومشكورة ياسوسو
وينك شاف من عاشك ...قصدي عاش من شافك
وين البنات مغطسات
بنت بلادي الله يحفظها قالت مشغولة
وين رواد
وام نوسة ؟؟
خيرهم غطسوا لاحس ولاخبر
طمنونا عليكم يابنات

صبحهم بالخير يا ربي كيف حال وخياتي اليــــــوم
ومرحباااااااااااااااااااااا بالي جاني وخدي بخاطري وهناني
انا عاد قلت الدنيا نوا والبنات قعدوا من غير دويرة قلت خلي نفتح للغاليات دويرتي
مع برودة الصيف والنسمة الباهية والدلاع المصقع

أم منير ... فكرتيني في ولدي لما يربح فريقة يقول لجماعة الفريق الخاسر ( سحنة فيهم صقع عليهم )

كتبت بواسطة sosso

السلام عليكم
شن حالكم اليوم ربى يبرد عليكم ياجماعة ليبيا وصحيتى يالفالحة على الدويرة ان شاء الله ديما منورة

سوسو ... آمين وان شاءالله ربي يدفي الجماعة الصقعانين الدويرة منورة بوجودكم يا حبيبة


أم المنذر ... ان شاءالله عتبة خير عليا وعليكم ... كيف حالك ياأبلة ان شاءالله بخير
والله صدقتي وين البنات لا ريات ؟؟؟؟؟؟؟؟؟ إن شاءالله خير
بنت بلادي وقالت مشغولة !!!
ووخيتنا ليبية مغتربة آخر مرة قالت طالعة ندهور من هديكا معادش بانت
باهي وين رواد ... أم نوسة ... أم جنى ... أم دانية ... أروى ... حنان لببيا ... جوري
وعاد خليك مع ... جبالية ... تجويد ... وأرض النور ... بنت طرابلس معادش بانو مرة وحدة ان شاءالله المانع خير

عسلامة لباااااااااااااااااااااااااااااااااس عليكم؟؟
شنهي حالكم ليا برشا ما جيتش قداكم
وشربت طويسة شاهي
وتسلم ايديك اختي الفالحة على هذه الدويرة
السمحة
ويا رب يكونو كل الوخيات بخير
شنهي حالك يا ام المنذر
وليبية مغتربة و سوسو
وكل الوخيات
احبكم في الله

السلام عليكم ورحمة الله : كيف حالكم اخواتي جميعا وبارك الله فيكم علي السؤال:اختي فالحة خطوة مباركة الله يجعلهادويرة عامرة بذكر الله وشهد لنا لا علينا, كيف حالك يا ام المندر وشن اخبارك, وكيف حالك يا سوسو , الصورة اللي حطتيها مش عادية قداش ليا علي شوفت البحر , وكيف حالك يا اممنير وام حباش وحنان وام جني , كيف حالك يا رواد وشن اخبارك يا بني بلادي , اسأل الله ان ايكون الجميع بصحةوعافية .

انذكركم اخواتي : اليوم تسميع الحديث الخامس الله ايوفق الجميع