هدرزه ليبيه...هيا تعالو يالغاليات عليا ....ومتخلونيش وحدانيه

السلام عليكم ورحمة الله وبركاته
الجميع .......كيف حالكم
ومرحبتين بيكم

السلام عليكم ورحمةالله
سلمها ياربي وسلم دويرتها ...كيف حالك يامصراته شن اخبارك
منورة الدويرة بيك..بارك الله فيك وعتبة مباركة ...
اهو جيتك ماخليتكش بروحك ...وتي القهوة

السلام عليكم ورحمة الله وبركاته

مبروك عليكم الدوير الجديد وان شاء عتبت خير علينا

وسلمها ياربي مصرتي والله طحكت لم شفت عنوان الهدرز هههههههههههه

شني حال البنوتات

تعرفي ان درهلي كبدي المنتدي امبكري درت ردا عريض ومابش يمشي حلفت وماني معودتها وسكرت وغير علي حواء ههههههههههه

اهلين بيك ياام المنتدر كيف حالك وحال بنوتاتك

وان شاءالله ربي يسخرلها امك وتجيك

كيف حالكي ياحلوين

ياتماضر سامحين بكري كتبلك مرتين ومابش يمشي

كيف حالك وحال صغار

بنسب لي رزطها نعرفها ونديرو فيها في الحوش متكون من حليب ولوز مريكون احلي بس يجي بلوز عادي ويكون مرحي وحطيتهم في خلاط وديرلهم سكر واي نكها انتي تبيها

بس مية الوز اول مر نسمعها بالك البنات يفيدوك نعرف بروح لوز بش مية لوز

السلامعليكم
كيف حالكم يا بنات دون استتناء
مصراته بارك الله فيك علي اللمه الحلوه وان شاء الله ما تقعديش بروحك
مش معقوله كيف حالك يا حبيبه وحال بنياتك
طمنينا علي اميمتك يارب تكون بخير
جباليه ولا يهمك يا حبيبه وصحيتي علي الطريقه اني نبي طريقه الرزاطه وهي يسمو فيها اميه اللوز
رواد وينك طمنينا عليك يا غاليه
انهار وينك يا رب تكوني بخير
البنات سلامي ليكم وحده وحده

السلام عليكم

مبارك عليكم الدويرة

كيف حالكم كلكم ان شاء الله بخير

يا بنات بنبلغكم على انهار الود
تسلم عليكم كلكم
وهي مسكينة وليدها تعبان شوووية
وجايينها عويلة من ليبيا
معاش قدرت توصل فيكم

المهم ان شاء الله كلكم اخباركم طيبة
وبالله كيف حال رواد ان شاء الله خير توة

السلام عليكم
بالله يا بنات اسمعو المحاضره هادي عن اللسان و افاته
وكما نعرف ان نبينا الحبيب عليه الف صلاه وسلام قال بما معني اكتر اهل النار النساء لانهن يكترن اللعن ويكفرن العشير
اللهم اغفر لنا خطايانا يا رب
http://www.islamway.com/?iw_s=Lesson...esson_id=59203

بنت بلادي كيف حالك وحال صغارك

يا بنات بنبلغكم على انهار الود
تسلم عليكم كلكم
وهي مسكينة وليدها تعبان شوووية
وجايينها عويلة من ليبيا
معاش قدرت توصل فيكم

بارك الله فيك
سلميلي عليها هلللللبه وقليلها ربي يشفيلك وليدك ويحفضهولك يارب
ولا باس عليها
وربي يعونها ويانسها بيهم
بنت بلادي راهو المرا الي نعرفها اسمها يبدا بحرف ل

السلام عليكم
خيركم مكسداااااااااااااااات

كتبت بواسطة تماضر اللافي

بنت بلادي كيف حالك وحال صغارك

الله يسلمك ويبارك فيك
انا عندى وليد بس وربي يرزقنا

بارك الله فيك

وفيك بارك الله

سلميلي عليها هلللللبه وقليلها ربي يشفيلك وليدك ويحفضهولك يارب
ولا باس عليها
وربي يعونها ويانسها بيهم

يوصل باذن الله

بنت بلادي راهو المرا الي نعرفها اسمها يبدا بحرف ل

لالا انا بنت خالي بــ آ

السلام عليكم
كيف حالكم يابنات اليوم
تماضر ...كيف حالك وحال الصغار ..سلمك نشادة ياربي ..امي بخير ولله الحمد امس كلمتها والله طمنتني قعدت اليوم كله وانا فرحانة

بنت بلادي كيف حالك وحال وليدك ..ربي يحفظه..
باهي طمنينتا هلى نهورة والله فقدتها ..وقلت شورها لاهية مع جارتها هههههههههههههه..سلميلنا عليها هلبة
وبالنسبة لرواد امس كلمتها تعبانة شوية ..محصاة بردة قوية وكحاحة
ادعولها ربي يشفيها راهي نوارة الهدرزة..
مصراتة وينك يامولاة الدار ...طمعت روحي بالقهوة ..وراجيت لين رقدت وانا نحلم بقهوتك البارح ...ههههههههههه نبصر عليك

مساء الخير بابنات اليو م
مبروك عليكم هل الدويره ان شاء الله ديما عامره بيكم ............
ولله نبى انهدرز و لكن عندى ولدى سلامته يبى يلعب على الكميوتر كرييب يخننى
نشاء الله بعدين نرجع بعد ما انعشيهم ورقدهم باش نبداء على راحتى نهدرز مع اوخياتى