المصري هو اللي

**مشتاقة لبلادي** · 08-02-2007, 10:46 PM

المصري هو اللي

المصري هو اللي لو عمل حاجة حلوة يبعت لجاره طبق يدوقه
وهو اللي لو لقى الدنيا بتشتّي يجري يخبّط عليك يقولك لمّ الغسيل
وهو اللي لو شم عندك حاجة بتتحرق يجري يطمن عليك لا تكون اتخنقت
وهو اللي لو سمع صوت زعيق وخناق عندك يجي يصلح
وهو اللي لو لقى خناقة في الشارع يقف يحوش مش بس يتفرّج
وهو اللي لو لقى حد بيغرق يجري ينط في الميه حتى لو هيغرق معاه
وهو اللي لو اتفرط منك كيس الجوافة في الشارع يقف يلمّ معاك
**********
المصري هو اللي لو حس انك مزنوق يعملك جمعية مخصوص و يقبّضك الأول
و هو اللي يقف معاك في الأحزان و الأفراح زي مايكون من بقية اهلك
و هو اللي يلمّلك من الركاب فلوس لو مرتبك اتسرق منك في الأتوبيس رغم انه مايعرفكش
و هو اللي لو لقاك في مواصلة و كان عارفك يحلف ميت يمين ليدفعلك الأجرة حتى لو مافيش في جيبه غير نص جنيه
**********
المصري هو اللي يقعد معاك ع الفطار في رمضان
المصري اللي يشتري بالونات لولادك في العيد
المصري اللي يقف جنبك وانت بتدبح الاضحية
المصري اللي يباركلك لما ابنك يجيب مجموع ويساعدك يجيبله شغلانة
المصري اللي ييجي يقولك تجيب كشاكيل و أقلام بالجملة عشان توفر المصاريف
**********
منقول
وحشتيني يا مصر

**Oum Lina et Lilia** · 08-02-2007, 11:13 PM

حلوووووووووووووووووووووووو
لكن شو هاد التعصب
ماشي فقط المصري او المغربي او الجزائري او...............
كل الناس وفي كل كمان من العالم غتلاقي الصالح و الطالح

**زرقاءاليمامه** · 08-02-2007, 11:25 PM

مصرنا رائعة والمصريين أروع ولكن الاروع والاروع هو اسلامنا ففي كل مكان في العالم المسلم هو اخي يجدني اينما احتاجني ...

الله يرجعك مصر سالمه وماتزعلي ياتوتا كلنا اخوات في المنتدى

**مشتاقة لبلادي** · 09-02-2007, 12:16 AM

جزاكم الله خيرا اخواتي على ردودكم

لكن لي تعقيب بسيط
اولا انا ما ذكرتش ان المصريين احسن من اي بلد تاني وما اتعصبتش كمان
ده مش تعصب ده حب لبلدي وللمصريين
وكوني عايشه في بلد غربي ده من أهم الأسباب اللي تخليني اكتب الكلام الجميل ده
لأنه فعلا لمس قلبي
وسامحوني اذا كنت ضايقت أي حد بالكلام عن بلدي
ربنا ما يغرب حد عن أهله أو بلده
جزاكم الله خيرا

**نورا1980** · 09-02-2007, 01:03 AM

المصري ...................... مصري

تاريخه وحضارته ودينه

بتقول انه مصري

صح كلامك

يارب ترجعى بالسلامة

لا للعنصرية ولا للتعصب

لكن يا مصر اسمحى لي

با احبك

**مشتاقة لبلادي** · 09-02-2007, 01:07 AM

كتبت بواسطة نورا1980

المصري ...................... مصري

تاريخه وحضارته ودينه

بتقول انه مصري

صح كلامك

يارب ترجعى بالسلامة

لا للعنصرية ولا للتعصب

لكن يا مصر اسمحى لي

با احبك

جزاكي الله خيرا

**bosy_md** · 09-02-2007, 01:20 AM

عزيزتى مشتاقة لبلادى
موضوعك راااائع
و المصرى شخص جميل
و زيه السعودى و الاماراتى و الكويتى و كل المسلمين فى كل مكان
بس فعلا عندك حق .. هو ده جو مصر

ربنا يقويكى على غربتك و يرجعك بالسلامه
و كلنا بنحبك يا مصر