مباااارك يا جوجو على الجزء الرابع
انا مبسوطة ان انا أول رد
......
ايه اللي مصحيك دلوقتي يا هانم
مش تنامي بدري وتهتمي بصحتك عشان تبقي عروسة حلوة
المهم
عارفين انا داخلةمخصوص أقولكم على تجربة واحدة صاحبتي مع الحمام المغربي اللي بيتعمل في الكوافيرات
بصراحة مش فاكرة كانت عاملة فين بالظبط بس بتقول انهم عملوا لها سويت وحمام مغربي في نفس اليوم وده طبعا سبب لها حبوب في جسمها
وكمان بتقول ان النتيجة عادية جدا ( بس بصراحة هي اصلا بشرتها فاتحة وحلوة مش محتاجة حاجة اصلا ) وهي شايفة ان العملية غاليةعلى الفاضي
هقولكم انا بقى عملت إيه
انا جبت كريم صنفرة للجسم من عند بن سيناء اللي في العباسي اسمه كريم العروسة كان حلو
هو مش مكتوب عليه طريقة الإستخدام بس انا استعملته بالطريقة المذكورة هنا في موقع جمالك قسم تجهيزات العروس
والقسم ده في الموقع ممكن يفيدكم كتييير زروه و مش هتندمو
المهم النتيجة كانت حلوة هي مش فظيعة أوي بس كويسة
والميزة ان علبة الكريم كبيرة يعني هتاخديها معاكي بعد الجواز وتعملي الحمام تاني وتالت وكمان سعرها حلو مش فاكرة 20 ولا30 جنيه
يبقى من حيث النتيجة ما يستاهلش فرق السعر الرهيييب ده
يعني في الكوافير باين بيبقى ب350 جنيه
وانت اولى بالفرق الفظيييع ده
الروابط المفضلة