ركن خاص ببنات المنصورة_ واهم اماكن للتجميل والشراء من المنصورة

**jomana8090** · 17-05-2008, 03:58 PM

ازيكم يا قمامير

انا اكتشفت ان فى عدد كبير اوى هنا من المنصورة
ففكرت اننا نتجمع كلنا ف مكان واحد وكل واحد ة تقول اهم الاماكن اللى بتشترى منها
وكل واحدة تقول تجربتها
يعنى كلنا ننفع بعض ونساعد بعض
وانا موجودة لآى حد عايز يسأل ف اى حاجة او اى مكان خاص بالمنصورة

يا اللة يا بنات عايزين نشوف بنات المنصورة هنا اد اييييييييييية

**jomana8090** · 17-05-2008, 07:49 PM

وصفة منع ريحة العرق
انا هابدأ معاكم بوصفة حلوة اوى ودى هاتنفع لآننا دخلنا على فصل الصيف خلاص
الوصفة دى بتمنع ريحة العرق لمدة اسبوع بعيدا عن اى كيماويات بتكون موجودة ف مزيلات العرق بالاضافة لآنها بتبيض اوى تحت الباط
وانا شخصيا مجرباها
الوصفة كاللآتى
بنجيب شبة مطحونة ودى تشتتريها من عند اى عطار ممكن تجيبها حجر وتطحنيها انتى او تشتريها مطحونة جهزة
وبعد كدة ممكن تضيفى عليها قرنفل مطحون ( بيدى ريحة حلوة)
المهم انك بتحطيهم بعد كدة ف علبة صغيرة
وبعد كل شاور تبلى صابعك مية بسيط وتحطى تحت باطك

بس خلاص
وصفة سهلة اوى وكلنا نقدر نجربها وهنرتاح من ريحة العرق لمدة اسبوع ع الاقل

اى حد عايز يسأل على حاجة انا موجودة

**فروَلوَه** · 17-05-2008, 07:56 PM

مشكوووووووووووووووووووووووووورة

**jomana8090** · 17-05-2008, 07:56 PM

اسكريب لازالة الخلايا الميتة بالوجة

بنجيب معلقة سكر وقدها معلقة زيت زيتون او جلسرين ونص ليمونة
بنحطهم على بعض وبندعك بيهم الوش لمدة 10 دقايق ف حركات دائرية الوصفة دى بتشيل اى قشور او جلد ميت ف البشرة وهتلاحظى بعدها ان وشك بقى ناعم اوى
لو بشرتك دهنية استعملى الجلسرين
لو بشرتك جافة استعملى معاها زيت الزيتون لآنة بيرطب اوى
ممكن تستعملى الوصفة دى على جسمك كلة وهتلاحظى فرق جاااااااااامد بس طبعا هنزود المقادير شوية

انا لازم استعمل الوصفة دى كل اسبوع جربوها وعلى ضمانتى

**mamaaa** · 17-05-2008, 08:04 PM

شكرا لك با جومانة انا من مبت غمر اهلا بيكى
اسالك سؤال انا عاوزة حاجة تضبع اليقع البنى فى الوجه

**مها_egypt** · 17-05-2008, 08:06 PM

ميرسيييييييي ياجوجو على الموضوع الجميل
وياريت اللي عنده خبرة في اي حاجه يفيدنا كلنا

**jomana8090** · 17-05-2008, 08:41 PM

كتبت بواسطة mamaaa

شكرا لك با جومانة انا من مبت غمر اهلا بيكى
اسالك سؤال انا عاوزة حاجة تضبع اليقع البنى فى الوجه

اهلا بيكى يا mamaaa
وطبعا ميت غمر قريبة اوى من المنصورة

بالنسبة للبقع البنى دة ف الغالب بتبقى من الشمس
حاولى متتعرضيش للشمس كتير ولو مضطرة
استعملى صن بلوك دايما وانتى نازلة
او بسبب الهرمونات دة لو فى حمل او بتستعملى حبوب منع الحمل ودى بتروح لوحدها بعد فترة
مش هاضحك عليكى واقولك اعملى ماسكات وكدة لآن دى مش هاتعمل حاجة
لو حاسة ان البقع زادت يا ريت تروحى لاخصائى امراض جلدية
ويا ريت متحاوليش تدعكيها جامد على اساس انك ممكن تشيليها لآن دة بيذود الموضوع اكتر

**jomana8090** · 17-05-2008, 08:43 PM

كتبت بواسطة مها_egypt

ميرسيييييييي ياجوجو على الموضوع الجميل
وياريت اللي عنده خبرة في اي حاجه يفيدنا كلنا

اية يا قمر المنصورة غيرتى النيك نيم بتاعك لية؟

واللة يا مها انا عاملة الموضوع دة علشان كلنا نفيد بعض بوصفات نكون جربناها فعلا مش مجرد نقل موضوع من منتدى وخلاص
ويا ريت كلنا نساعد بعض
قوليلى بقى ناويتى تعملى ف الفرح عند مين ؟
انا كمان محتارة واللة ومش عارفة هاعمل فين

**lubnam** · 17-05-2008, 08:53 PM

كويس اني لاقيت حد هنا من المنصورة
انا من المحلة لكن بامووت في المنصورة
وان شاء الله نستفيد من بعض

**انتكاميرو** · 17-05-2008, 10:48 PM

ازيكو يا بنات انا بقا من بلقاس برضة جنب المنصورة

وعندى وصفة حلوة للبشرة عشان الاسمسرا الناتج عن التعرض للشمس

وهى ترمس مطحون من عند العطار ابراهيم سليم بيتوصى اوى
وتحطى علية حليب واخلطيهم فى بعض

مع التكرار مرتين فى الاسبوع بتلاحظى الفرق

دة عن تجربة والله

سلام يا حلوين

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ركن خاص ببنات المنصورة_ واهم اماكن للتجميل والشراء من المنصورة

أدوات الموضوع

العرض