♥.. كلام نواعم ..♥.. لدردشة سيدات المطابخ ..♥.. 91 ..♥

**د.سوسن** · 31-10-2009, 11:08 AM

اللهم إني أستغفرك لكل ذنب خطوت إليه برجلي.. أو مددت إليه يدي.. أو تأملته ببصري.. أو أصغيت إليه بأذني..أو نطق به لساني..
أو أتلفت فيه ما رزقتني .....
ثم استرزقتك على عصياني فرزقتني ثم استعنت برزقك على عصيانك فسترته علي ...

وسألتك الزيادة فلم تحرمني ولا تزال عائدا علي بحلمك وإحسانك يا أكرم الأكرمين
اللهم إني أستغفرك من كل سيئة ارتكبتها في بياض النهار وسواد الليل في ملأ وخلاء وسر وعلانية وأنت ناظر إلي..

اللهم إني أستغفرك من كل فريضة أوجبتها علي في آناء الليل والنهار تركتها خطأ أو عمدا أو نسيانا أو جهلا وأستغفرك من كل سنة من سنن سيد المرسلين وخاتم النبيين سيدنا محمد صلى الله وأله وسلم تركتها غفلة أو سهوا
أو نسيانا أو تهاونا أو جهلا أو قلة مبالاة بها أستغفر الله .. وأتوب إلى الله مما يكره الله
قولا وفعلا .. وباطنا وظاهر

**أم مــــالــــك** · 31-10-2009, 11:29 AM

اللهم امين يارب العالمين

صبحك ربي بانوار النبي يا غاليه وتسلم ايدك على الدردشه
كيفك وكيف الكتاكيت؟ ان شاء الله تمام

**وعود الخير** · 31-10-2009, 12:07 PM

اللهم آمين
يسعد صباحك سونة.... وربي يبارك لك على هالافتتاحية الرائعة

صباح الخير ام مالك
كيف عينه للعريس ان شاء الله خف الالم والانتفاخ

**برنسس لك1** · 31-10-2009, 01:55 PM

اللهم امين يا رب العالمين
صباحكم ورد معطر يا غوالى

**أم مــــالــــك** · 31-10-2009, 02:56 PM

هلا وعود وبرنسس كيفكم يا قمرات
وعود الحمد لله بخير بس والله الالوان غريبه عجيبه بعينه لسه

**RANDA 1959** · 31-10-2009, 06:35 PM

اهلاا دكتورتنا الله يخليكي كنت انا محضرة الدردشه 91 عن امراض الشتاء يا ام ابراهيم وكنت بدي انزلها وهي علي ركن اعداد المواضيع شو اعمل بيها

**لبنان وحبايبه** · 31-10-2009, 09:39 PM

مساء الورد غالياتي...

اللهم آآآآآآآمين... ربي يسعدك سوسن على الافتتاحية الحلوة..

أم مالك ما هي الالوان لا بد منها حبيبتي . ان شاء الله ما على قلبو شر..

أم عدي يسعدلي مساك حبيبتي...

أم موسى مساء الخيرات يا عسل...
ما في فرق بالموضوع بدردشة النواعم يا أغلى نعومة...
بس أم مريم بما انها جديدة على الدردشة فتحتها وعنونتها بس نحنا عادة ما منحط عنوان ومنحكي بكل شي بيخطر على البال..يعني بس منحط رقم الدردشة وبس

فتوش انشغل بالنا عليك يا بنت..طلّي بقى! لا وما بترد على التليفون يعني والله شي بيشغل البال!

رينو كمان ما كانت مرتاحة بآخر دردشة ان شاء الله صرت احسن يا قمر؟

أم مريم ورندوش وأنجي وأم ليانة وأم شهد ولونلي وكل النعومات يسعدلي يومكم يا رب...

اليوم كنا من الصبح بدبي.. لازم كل أسبوعين عشان مدرسة الاولاد البولندية..
وبعد المدرسة رحنا الشاطىء واشتهيتكم معنا يا حلوات..

بس صار معي فص بالمول الله لا يوريكم.. رحت التواليت عشان عمر (حاشى قيمتكم) واذا بسمع واحدة نازلة صريخ على اولادها ولهجتها لبنانية ..
قلت بنفسي العمى شو شرشوحة ما بتستحي على دمها !! بعدين الاجانب هناك مليانين ما خافت يقولوا عنها مجنونة ومسيئة للأطفال ؟؟!! ههه

المهم طلعت غسل ايدي انا وعمورة وتطلعت اشوف هالأم الحنونة..ومن تحت الباب شفت عباية سودا.. طبعا مش انا يلي نزلت تحت الباب خخخخخ

بس الباب فارق كتير من تحت وهي واقفة من جوا بس ظهرها للباب وحاطة الولد على التواليت ونازلة تأنيب وصريخ!
قلت لحالي لابسة عباية يعني مواطنة من هون؟؟ اي بس الحكي مش اماراتي!! ولبنانية مش حتلبس عباية! (بس ممكن في منهم بيلبسوا ) ..

من حشريتي انتظرت شوف كيف شكل هالأم . واذا طالعة من الحمام أجلكم ومعها ولديت توأم عمرهم يا 3 يا 4 سنوات وهي...

أندونيسية.. خدامة يعني!!!!!!!!!!!! قلت يا لطيف!! معقولة هيك؟؟ والولدج يا عيني بيكي وهي بتحكيه وتتأمر عليه بكل لؤم!

قلت لابسة عباية يعني ممكن بتشتغل عند حد اماراتي وحكيها لبناني يعني كاينة تشتغل عند لبنانيين..

والله طلعت من الحمام وارجعت خطرلي فكرة.. اتصلت بجوزي وخبرته وقلت له لاقيني لأني بدي الحقها وبس توصل عند أم الأولاد بدي خبّر الأم ..
حرام... خليها تنتبه

والله تقطّع قلبي على الولدين

لحقتها انا وجوزي وقول له معليش بس مش قادرة خليها تروح بسبيلها.. وهو يقول لي أكيد مش مشكلة..

فاتت على محل وكمشتها بتحكي الأم وأخخخخخخخخخخخخخخخ... دغري سألت المدام انت أمهم وهي قالت (إي) وانا بلّشت غرغرغرغرغرغرغرغر.. وما فات لساني لحلقي
وانا أحكيلها شو صار .. والله صرت أرجف وراح دقّ بخوانيقها لهالشغالة قليلة الوجدان..

والحكي اللبناني لأن الأم لبنانية بس لابسة عباية

وأخيرا فسّرت اللغز هههه

توتة توتة خلصت الحتوتة والله لا يعطيها عافية شو بلا أخلاق هالشغالة...

باي.. بشوفكم بوكرا ان شاء الله...

**د.سوسن** · 31-10-2009, 09:52 PM

مساء الفل جميعا

ام مالك احنا بخير و لله الحمد
كيف صارت عينه للقمر

وعود مساء الانوار

ام موسى انا اسفه بس انا جيت ادور على الدردشه لقيتها مسكره قلت افتح دردشه

برنسس ما خبرتينا عن تركيا يا جميل

لولو الله يجزيكي الخير اللي خبرتي الام
و الله لا يوفقها الشغاله
اقولك... الله لا يوفق كل الشغالات
حاقده عليهم انا هههههههه

**زهره النارنج** · 31-10-2009, 11:55 PM

سلااااااااااااااااااام
الله يسعدلي مسا النواعم

كيفكم
ميسو سلامتو حمودي الله يعينك

لبنان الله يجزيك الخير ويكتر من امثالك

حبيبتي د.سوسن الله يسعدك كيف جنى وبرهوم ليش حاقده على الشغالات مع اني ما بلومك انا ما بحبهم بس للضروره احكام

سلاااااااااااامي لكم

**وعود الخير** · 01-11-2009, 09:40 AM

صباح مشرق يعبق شذاه عبيرا 00

ويفوح منه عطر الياسمين الندي 00

صباحا اشرقت ايامه على احلى أخوات في الوجود

باقات ورد صباحية قطفتها من حقول المحبة لصبايا دردشة نواعم

يسعد صباحكم
لفة وراجعة ...