احلى تجمع لبنات الكروشية(9)

السلام عليكم: كيفكم يا قمرات؟ وايه اخباركم؟ كلكم واحشنييييييييييييييي جدااااااااااااا, المرة دي قلت ابقى صاحبة شرف فتح الجزء التاسع.
شاوي الف سلامة عليكي وان شاء الله تقومي بالسلامة.
رسل وكتكوتة وروزي وفراولاية وامي حوا وحشني كتييييييييييييييييييير.
معلش انا هافتح بس الموضوع, لكن فعلا نفسيتي مدمرة, والذنب ذنبي انا اللي غلطانة.
سلااااااااااااااااااام دلوقتي واشوفكم على خيييييييييييييييييييير.

عارفين يمكن فعلا انا غلط, وبوسوس كتير وعندي سوء ظن.
هاحكيلكم على موقف مضايقني, بكلم ناس اصحابي ليهم فترة ما اتصلوش , وقلتلهم في اول المكالمة: لا رنات ولا رسايل ولا سؤال فيا, لو كنت ربيت كلب كان هوهو عليا, لاقيتهم زعلوا وقفلوا في الكلام وانا قلتلهم ده هزار, المهم تاني يوم اتصل وما حدش يرد, وبالليل بعتوا رسالة" كلب ينبح عليكي عشان الان تمرت فيه التربية" انا لما قرأت الرسالة عرفت انهم زعلوا, ومن الساعة 8,30 الى الساعة 10,30 اتصل بيهم التليفون يرن رنة وما حدش يرد واقفل واتصل تاني على طول الاقي التليفون مغلق, ويفضل كده ساعة, ويتفتح وارن وما حدش يرد ويتقفل ساعة. يبقى كده هما زعلانين ولا لأ؟ لأني فضلت اتصل بالرقم امبارح, يا يرن وما فيش رد يا اما غير متاح, وردوا عليا العصر لما اتصلت من محل في الشارع, ده كله كده هم زعلانين؟ ولا انا اللي سيئة الظن ومش صادقة؟ وعشان كده بفتكر ان اللي قدامي بيكدب عليا؟
انا شايفة ان الوضع كده كله انا مش غلط, وغلطي الوحيد اني بتعامل مع ناس مش مصدقاني, ومش قابلاني على طبيعتي.
معلش طولت عليكم, بس انا فعلا زعلاااااااااااااااانة جدااااااااااااا, مش عشان الموقف ده بس, لكن في حاجات تانية كتير حصلت الاسبوع الماضي اثرت فيا جداااااااااا.
وكلامك يا رسل انت وفراولاية في الموضوع اللي فات عن الزعل صح, بس انا مش بحب الظلم ولا اني اتظلم ولو في موقف بسيط, لأني بتأثر جدااااااااااااا.
سلام وبلاش انكد عليكم.

فطوم عاملة ايه ياحبيبتي انشاء الله تمام
وعلى فكرة مافيش حد يستاهل واللي يزعل من الموقف الي انت عاملتيه يبقى عبيط لان المفروض يعرف انك بتهزري
ومعلش اعذريني انتي الموقف الارتدادي بتاعك غلط مكنش المفروض تستمري في الاتصال بالطريقة دي لان الحق معاكي مش معاهم انتي الي زعلانة مش هما يعني المفروض يحصل العكس ولو الطرف التاني عامل زعلان ومش اتصل طنشي زي ما بتقولوا يتفلق وانتي لو مكنتيش اتصلتي كان اتصل غصب عنه واعتذر كمان منك بصي حاولي بقى مش تتصلي تاني وسيبه يقلق هاتلاقيه بيتصل على طول وبلاش حركة انك تتكلمي من تليفون غريب لان الحركة مش تمام معلش لو الطرف التاني ذكر هايفهم انك مرميه عليه عذرا على اللفظ والله لاني حبيتك وخايفة عليكي بلاش ترخصي نفسك اتقلي خصوصا لو كان الحق معاكي بلاش تخليه يقول اهيه هي اللي بتجري ورايا مخهم واحد وتفكيرهم واحد الموقف اتعرضت له كتير مع اصحابي خلي نفسك عزيزة اكتر مافيش حد هايخاف عليكي غير نفسك حطيها دايما براسك

معلش لهجتي حدت بالكلام شوية بس انا مش بحب الحركة خالص وياما اتخنقت مع اصحابي بسبب المواقف دي واتمنى انك مش تزعلي مني ومن كلامي والله دا من خوفي عليكي مش اكثر واحساسي انك مثل اختي بالظبط