لا تعليق....

بس انا بتكلم عن Cayenne pepper وشربه بكوب ماء مائل للسخونة


فعلا هيك نقاش ما منه فايدة غير التعصيب ..

أم اللول .. اكيد اختلاف وجهات النظر لا يفسد الود .. ولو في عيادات بالبلاد العربية بطب بديل مختص ما بيحتاج الانسان لعلاج كيميائي..
الله لا يعيدها عليكم يا رب والحمدلله عدت على خير

ألف صحة المنيو رائع .. انا اليوم وديت الشغالة ورجعتها المكتب ... الله يهديها ..
بشغل البيت شاطرة فوق ما تتصوري بس ما بتعرف تتعامل مع الاولاد او ما لها خلق مش عارفة..
وانا اساسا جايبتها عشان لما روح الشغل يكون ابني بالبيت مع حد..

ما بدي حطه حضانة حرام.. اصلا ولا عمري حطيت ولادي حضانة..

المهم اليوم انا كنت مشغولة بالنت عندي كومة شغل بدي ارسله اليوم وقلت لها تنتبه لعمر وتعطيه
يلي كان بيطلبه قامت الله يهديها اعطته المطلوب وحملت حالها وراحت على الطابق
الفوقاني تكمل الشغل وحضرته بده يلحقها ومع انو لسا على اول درجة وقع وضرب راسه وانا شفت هالشوفة وجنّيت

قمت ناديتها وقلت لها لما تكون مع بيبي تترك الشغل .. قامت قالت لي انها ما بتعرف تاخد بالها على الاولاد وانا اصلا لشو جايبتها؟
كيف بدي أمّن واطلع واتركه معاها.. قالت لي هي ما لها علاقة بالاولاد وبترجع المكتب ..
قمت انا اجاني الفرج لأني ما بدي اكسر بخاطرها ورجعها المكتب والدنيا رمضان وما بعرف شو بيطعموهم هناك.. لما طلبت هي قمت دغري أخدتها...

هي يمكن كان فكرها قول لها خلاص ما لك علاقة غير بالبيت .. بس لا .. انا اساسا جايبتها لهذا الغرض!

المهم قلت بانتظر بعد العيد وبروح بجيب واحدة من المكتب وبجربها يعني مو من برّا لأن المكاتب بعد رمضان بتنتلى خدامات ..
ليش؟ لأن قبل رمضان المواطنين بيجيبوا كام واحدة زيادة لبيوتهم لأن عائلاتهم ما شاء الله كبيرة عشان المساعدة وبيردوهم بعد العيد...

الله يهديها ويهدينا...

ربنا ييسر امرك لولو والحمدلله على سلامة عمور

وبالفعل اهم شي تكون حنونة على الاطفال خصوصا انت بتطلعي من بيتك وبتتركيه عندها

واحنا نفس الشي بعد العيد بيكونوا متوفرين اكتر وفي رمضان بتدوري ما بتلاقي ابدا

ربنا يختارلك الخير ان شاء الله

بعد اذنكم ... لازم اشوف امور البيت

وسلام للجميع

اذنك معك حبيبتي وانا كمان استاذن خلص يلي بدأته ...


انجي انا ما عندي فكرة والله غير اني بشيل المخلل وبغسله...

فعلا لا تعليق

بس ليش التعصيب خليك relax

الله يعينك عالخدامة بتخوف هدي عيني عينك بتعترف انها ما بدها تهتم في الاولاد
ادا من شغلة بسيطة خلت الولد يوقع عراسه حراااااام
كيف لو تركتيها لحالها
احسن شي انك بعتييها بسرعة كمان
هدول الشغالات ما بينعرف شو يعملو
و الله يعوضك اللي احسن منها بس ليش شغالتك القديمة راحت كان مددتيلها
و للا هي ما بدها تشتغل ?
الف سلامة عليه ما يشوف شر
قديش بتقهر هيك شغلات

انا كمان باغسل المخلل بس بدي طريقة تكون غير
ما باعرف ما باحب اشوف هالطبقة

لا يا انجي والله بعد يلي صار اليوم مع ابني والشغالة معصبة .. مش من نقاشنا أبدا حبيبتي ..
انا ما بهتم بهيك نقاشات وبعرف لكل واحد نظريته واقتناعاته يعني جدل بيكون بيزنطي ههههههههه

شغالتي القديمة والله اليوم اتصلت فيها اتطمن عليها.. بعد ما راحت من عندي كان لها 4 سنوات وطبعا بعد سنتين بعتتها زيارة لبلدها..

وهالمرة قالت لي ما بدها ترجع لأن بنتها بدها ياها ترجع وهي تشتغل عنها.. بس أخلاقها وطبعها ما بلاقي متله ..!

المهم بعد ما راحت قالت لي بدها ترجع وبعد انتظار سبحان الله ما لها حظ ورزق ترجع.. المنطقة يلي هي فيها انقطعت خطوط الاتصال بها تماما
وضليت بحاول أكتر من شهر ىخر شي كنسلنالها الفيزا واضطريت قدّم لجيب واحدة تانية..

اليوم اتصلت فيها وكمان المسكينة ما بعرف بشو مريضة ولازمها مستشفى!

يعني اتمنى لو ترجع لأني بحبها وكانها أختي !

الحمدلله .. الله أكيد رايدلنا الخير والحمدلله يلي صار هلق مو بعدين يعني بعد ما نتعود عليها وانا ما بيهون علي بحدا بعرفه يروح من عندي .. يعني بزعل بجد!

على كل حال الله يقدم يلي فيه الخير.. اي والله يا انجي لو شفتي كيف دغري نفخ جبينه شي بيبكّي

ولما حطيتله ثلجه زاد الصراخ ويا لطيف .. بس الحمدلله منظرها احسن..

انت كيف الروضة معك هلق؟

انجي ولبنان مش بقولو الخلاف لا يفسد للود قضية
ولا لايفسد الخلاف للود قضية
هههه الي هية


انجي و لبنان وكل الي بعرف

اسعفوني باشي طبيعييييي

لغثيان و دوخة الحمل اول شهور

مش طايقة حالي وصرت فاطرة 6 ايام

هوة مش لهدرجة بس اشي بدايق طول الوقت دوخة ومعدة قالبة

الزنجبيل سمعت منيح بس بعمل اجهاض و النعناع قال؟

طيب واشي سريع للكحة لاني قبل فترة زكمت زكام قوي وكنت خايفة اكون حامل فمااخدت ادوية وطلعت حامل عنجد ومااخدت بعد هيك اي دوا

فضلت معي الكحة لهلأ وحاسة مطلعة روحي

الزعتر قرات بعمل اجهاض برضو

احكولي اشي مضمون وماباثر عالجنين ولا عثبات الحمل الله يخليكو يارب

لاني كمان مابحب الادوية الكيماوية و عندي دوا غثيان حوامل ومش راضية اخد منو مع اني اخدت ايام فهود بس قلت بلاش هالمرة اتحملي
اسعفوني يامسعفات

لبنان سلامة ابنك خدامتك صريحة وعيني عينك بتقلك الله يعينك

في صحابنا اردنيةراحو عالاردن وطلبو وحدة زي هيك للبيت والاولاد و بقولو رائعة وجابوها معهم لهون كمان و مابتاخد الا 200 دولار بس لما استقدموها دفعو كتير
بس بقول مثقفة وبتعرف نت وكمبيوتر وبتقرا كتب ومجلات و متعلمة كنو ههه يعني 5 نجوم

وفي برضو هون جابو وحدة زي هيك وكتير منيحة

شوفي مكتب تاني اما هاي التحفة الي عندك الله يعينك منيح رجعتيها

مسااااااااااااء الانوار
حبيت امسي و لي عوده للرد خصوصا على قصص الشغالات اخخخخخخخخخخخخخخخخخ منهم

سوسو انا معلوماتي لزوفه المعده في اشيين
الزنجبيل و القرشله او اي بسكون مالح بس تأكدي يا جميل اول من الزنجبيل
و الله يتمملك على خير و سلامه يا رب

دسوسن القرشلة عالفاضي جربتها
والزنجبيل بقولو انو حامي عالرحم وممكن يعمل اجهاض الله اعلم شكرا الك

انجي حبيبتي وييييييييييينك تعالي خبريني والله تعبانة